Бүртгэлтэй үнэт цаасны чанарыг сайжруулах чиглэлээр төлөвлөгөөт ажлууд хийж байна | News.MN

Бүртгэлтэй үнэт цаасны чанарыг сайжруулах чиглэлээр төлөвлөгөөт ажлууд хийж байна

Бүртгэлтэй үнэт цаасны чанарыг сайжруулах чиглэлээр төлөвлөгөөт ажлууд хийж байна

Бүртгэлтэй үнэт цаасны чанарыг сайжруулах чиглэлээр төлөвлөгөөт ажлууд хийж байна

Монголын хөрөнгийн бирж нь бүртгэлтэй хувьцаат компаниудын хууль тогтоомжоор хүлээсэн үүргийн хэрэгжилтийг сайжруулж, арилжигдаж буй бүтээгдэхүүний чанарыг сайжруулах чиглэлээр ажлын төлөвлөгөө батлан ажиллаж байна. Тус төлөвлөгөөт ажлууд нь 2019 оны 12 дугаар сарын 31-ний өдөр хүртэл үргэлжлэх бөгөөд дараах арга хэмжээнүүдийг авч хэрэгжүүлэх юм. Үүнд:

МХБ-ийн “Үнэт цаасны бүртгэлийн журам” болон Бүртгэлийн гэрээгээр хүлээсэн үүргээ хэрэгжүүлдэггүй, зохих шалгуур, шаардлагыг хангахгүй байгаа, арилжаа зогссон компаниудын талаар олон нийтэд тухай бүр мэдээлэх;

СЗХ-ны үнэт цаасны бүртгэлд бүртгэлгүй, анхдагч зах зээлийн арилжаа нь явагдаагүй компаниудыг биржийн бүртгэлээс хасах;

Үнэт цаасны арилжааг зогсоосноос хойш 1 жилээс дээш хугацаанд арилжаа нь сэргээгүй компаниудад хугацаатай үүрэг өгөх бөгөөд уг хугацаанд арилжааг зогсоох нөхцөл шалтгаан арилаагүй тохиолдолд журамд заасны дагуу шат дараалсан арга хэмжээ авах;

Бүртгэлтэй байх хугацаанд тогтмол биелүүлэх үүрэг болон хууль, дүрэм, журам, гэрээгээр, хүлээсэн үүргээ удаа дараа биелүүлээгүй, жилийн үйлчилгээний хөлсийг 2 жилээс дээш хугацаанд төлөөгүй компаниудад албан үүрэг өгөх бөгөөд үүргийн гүйцэтгэл хангалтгүй тохиолдолд биржийн бүртгэлээс хасах хүртэл арга хэмжээ авах.

Иймд, холбогдох журам, гэрээгээр хүлээсэн үүргээ биелүүлж, журмын шалгуур, шаардлагыг хангаж ажиллахыг "Монголын хөрөнгийн бирж" ТӨХК-ийн зүгээс бүртгэлтэй компаниудад анхааруулж байна.

МОНГОЛЫН ХӨРӨНГИЙН БИРЖ

"Болор дуран"-аар шалгав.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж