Португалийн хөлбөмбөгийн холбоо үндэсний шигшээ баг болон испанийн дээд лигийн “Реал” Мадрид багийн довтлогч Криштиану Роналдуг улсынхаа 21 дүгээр зууны шилдэг хөлбөмбөгч хэмээн хүлээн зөвшөөрч, өргөмжилжээ. Энэхүү шагналын төлөө түүнтэй “хар ирвэс” хочит Эйсебио, нэгэн цагт “Барселона”, “Реал” багуудын “тархи” нь хэмээн яригдаж асан Луиш Фигу нар өрсөлдсөн байна.

Үүнээс гадна зууны шилдэг дасгалжуулагчийг мөн тодруулсан бөгөөд Артур Жорже, Мануэль Жозе, Жозе Мари Педрото, Жосе Моуриньо нар өрсөлдөж, “Онцгой нэгэн” хэмээх Ж.Моуриньо шилдэг болсон байна.

20 дугаар зууны Эйсебиог 21 дүгээр зууны Роналдутай Зууны шилдгийн төлөө өрсөлдүүлсэн нь жаахан ойлгомжгүй болжээ.

Эх сурвалж: www.mminfo.mn