УИХ-ын гишүүн Х.Болорчулуун өнгөрсөн парламентын үед бие даагч байсан. Тухайн үед түүний төрсөн дүү Х.Болор-Эрдэнэ  “Монголросцветмет” нэгдлийн ерөнхий захирлаар ажиллаж байсан. Гэвч ерөнхий захирлын ажлаа өгснөөс хойш албан тушаалд очоогүй байж байгаад саяхнаас “Эрдэнэс Тавантолгой” ХК-ийн ТУЗ-ийн хараат бус гишүүнээр томилогдохоор зүтгэж явна. Олон нийтийн зүгээс хараат бус гишүүдийг томилохдоо нээлттэй, сонгон шалгаруулалтын журмаар томилох ёстой гэсэн санал гаргаад байгаа юм.

Нөгөө талаас хараат бус гишүүдийг иргэдийн дундаас сонгох, ямар нэг албан тушаалтны хамаарал бүхий этгээд байх нь ашиг сонирхлын зөрчил үүсгэж болзошгүй гэж үзээд байгаа юм. Өчигдөр “Эрдэнэс Тавантолгой” ХК-ийн ТУЗ хуралдаж, Х.Болор-Эрдэнэ хараат бус гишүүнээр сонгогдох байсан ч түр хугацаагаар хойшлогдсон юм.

Ш.ОЧ