Болгарын эрэн сурвалжлах сэтгүүлчийг хөнөөжээ | News.MN

Болгарын эрэн сурвалжлах сэтгүүлчийг хөнөөжээ

Болгарын эрэн сурвалжлах сэтгүүлчийг хөнөөжээ

Болгарын эрэн сурвалжлах сэтгүүлчийг хөнөөжээ

Болгар улсад TVN орон нутгийн телевизэд эрэн сурвалжлах сэтгүүлчээр ажилладаг байсан  30 настай Виктория Мариноваг хөнөөсөн байна.  Сэтгүүлч бүсгүйн цогцос  Рус хотын ойролцоох цэцэрлэгт хүрээлэнгээс олджээ. Урьдчилсан үзлэгээр бүсгүйг хүчирхийлж, зодож, боомилж хөнөөсөн нь тодорхой болсон бөгөөд машины түлхүүр, нүдний шил, гар утас, зарим хувцаснууд нь алга болжээ.

Орон нутгийн эх сурвалжуудын мэдээлж байгаагаар түүнийг ийнхүү хөнөөх болсон нь хийж байсан ажилтай нь холбоотой хэмээн үзэж байгаа аж. Гэхдээ албан ёсоор хэргийн учир шалтгаан тайлагдаагүй байгаа гэв.

Сэтгүүлч Виктория Маринова нь өнгөрсөн жил эрх баригчид, шийдвэр гаргагчидтай холбоотой  авлига, хээл хахуулийн баримтуудад тулгуурлан мэдээлэл бэлтгэж байсан аж.  Тодруулбал, энэ нь Европын холбооноос хуваарилагдсан хөрөнгө мөнгөний зарцуулалттай холбоотой мэдээллүүд байжээ.

НҮБ-ын тайланд дурдсанаар 2006-2013 онуудад бусдын гарт амиа алдсан сэтгүүлчидтэй холбоотой 593 хэргийн дөнгөж  6 хүрэхгүй хувийг шийдвэрлэсэн байдаг. Болгар улс хэвлэлийн эрх чөлөөгөөр 180 орноос 111-р байранд жагсдаг.

Н.АМГАЛАНТУУЛ
Эх сурвалж: BBC

"Болор дуран"-аар шалгав.
Энэ мэдээнд өгөх таны сэтгэгдэл?
10
ХарамсалтайХарамсалтай
1
ГайхмаарГайхмаар
0
ЗөвЗөв
0
ХахаХаха
0
ХөөрхөнХөөрхөн
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Unen 2018-10-08 66.181.161.110

Britainii tusgai albaniihan hiisen. Ted iim argaar uls ornuudiin dotor hagaral uusgedeg.

Avatar

вв 2018-10-08 66.181.178.254

х****а

NewsMN Гар утасны хувилбар Татах
NEWS.mn

Мэдээллийн эх сурвалж