“3.7 тэрбумаар тавилга авна гэж байхгүй" | News.MN

“3.7 тэрбумаар тавилга авна гэж байхгүй"

“3.7 тэрбумаар тавилга авна гэж байхгүй"

Байгууллагын үйл ажиллагаа буюу салбар дундын санхүүжилт, харьяа байгууллагуудын санхүүжилтэд 192 сая төгрөг зарцуулсан

Засгийн газрын хэрэгжүүлэгч агентлаг Гэр бүл, хүүхэд, залуучуудын хөгжлийн газрын дарга О.Алтансүхээс Хүүхдийн хөгжил, хамгааллын 6.4 тэрбум төгрөгийн зардлын зарцуулалтын талаар тодрууллаа.


-Хүүхдийн хамгаалалд зарцуулахаар баталсан төсвөөс 3.7 тэрбумыг тавилга хэрэгсэл авч, үр ашиггүй зарцуулсан гэх мэдээлэл өнгөрсөн амралтын өдөр цацагдлаа.  Үүнд тайлбар өгөхгүй юу?

-Хүүхдийг гэр бүл, боловсрол, эрүүл мэнд, хэвлэл мэдээллийн орчин, олон нийтийн үйл ажиллагаа зэрэг таван чиглэлд хамгаалдаг. Хүүхэд хамгааллын өнгөрсөн жилийн төсөв 6.4 тэрбум төгрөгөөр батлагдсан. Үүнээс 21 аймаг, нийслэлийн есөн дүүрэгт 2.4 тэрбум төгрөгийг хуваарилсан. Хөдөлмөр нийгмийн хамгааллын яамны бодлого, зохицуулалтын хүрээнд 700 сая төгрөг, Гэр бүл, хүүхэд, залуучуудын хөгжлийн газрын хүрээнд 670 сая төгрөг зарцуулсан. Харьяа байгууллага болох олон улсын “Найрамдал” төв, хараа хяналтгүй хүүхдийн “Нарт хангай”, “Өнөр бүл”, хамгаалах байр зэрэгт 789 сая төгрөг зарцуулсан. Эрүүл мэнд, онцгой байдал зэрэг салбар дундын байгууллагад 1.4 тэрбум төгрөг зарцуулсан.

Тоног төхөөрөмжид 3.7 тэрбум төгрөг зарцуулсан мэтээр харагдуулахаар сошиалд мэдээлэл тавьсан байна. Энэ нь өнгөрсөн оны буюу 2017 оны төсөвт зааснаар байгууллагын үйл ажиллагаа болон тавилга хэрэгсэлд зарцуулсан мөнгө юм. Гэтэл байгууллагын үйл ажиллагаа гэсэн үгийг авч, тавилга хэрэгсэл болгоод сошиалд тавьсан байна лээ. Байгууллагын үйл ажиллагаа буюу салбар дундын санхүүжилтэд /хөгжлийн бэрхшээлтэй хүүхдийг асрах газрууд/ 67.4, харьяа байгууллагуудын санхүүжилтэд /хамгаалах байрны ор, цагаан хэрэглэл/ 125.1 сая нийт 192 сая төгрөг зарцуулсан байдаг.

-Гэхдээ зөвхөн төрийн бус байгууллагад 167.6 сая төгрөг хуваарилсан байсан. Үүнд тайлбар өгөхгүй юу?

-Манайд магадлан итгэмжлэгдсэн 37 төрийн бус байгууллага хүүхэд хамгааллын чиглэлд үйл ажиллагаа явуулж байна. Эдгээр байгууллагатай гэрээ хийж, гэр бүлийн хүчирхийлэл, бэлгийн мөлжлөг зэрэгтэй тэмцэх чухал 10 төрлийн үйлчилгээг үзүүлдэг юм. Үүнд 167.6 сая төгрөг зарцуулсан.

-Ажлын үр дүн хэрхэн гарсан бэ?

-Үр дүнг хамгаалал болон хөгжил гэсэн хоёр чиглэлээр тайлбарлая. Бид 2018 оны байдлаар 17450 гаруй хүүхдэд хамгаалах үйлчилгээ үзүүлсэн байна. Тухайлбал, 1793 хүүхэд нөхөн сэргээх эмчилгээ хийлгэсэн байна. Мөн түр хамгаалах байранд 880 гаруй хүүхэд үйлчлүүлсэн байна. Хөгжлийн үйлчилгээнд 99750 хүүхдийг хамруулсан байна.

"Болор дуран"-аар шалгав.
Энэ мэдээнд өгөх таны сэтгэгдэл?
2
БурууБуруу
1
ТэнэглэлТэнэглэл
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

7 сэтгэгдэл

News.mn сайтад сэтгэгдэл оруулахад анхаарах зүйлс

иргэн 2018-10-08 202.131.227.82

ийм байгууллага байдаг юм уу? хүүхдийн төлөө юу хийдэг юм бэ? хаана байсан юм бэ? Бяцхан үрсийн төлөө юу хийсэн бэ?

123 2018-10-08 203.91.117.8

3.7 terbumaas hasah ni 192 say tentsuu 3.5 terbumaar tawilga awsan gej zalruulsan baina

Зочин 2018-10-08 202.131.245.226

Аль оюутан байхдаа худлаа сэргэлэн гар байсан даа Одоо л нэг цүнх барьсны хэргээ гаргаж мөнгө хусаж байх шив

Зочин 2018-10-08 202.21.120.242

Гэр бүл хүүхэд залуучуудын газар бол хүүхдийн төлөө олон зүйл чадахаарай хийсэн газар шүү дэмжиж байна

зочин 2018-10-08 150.129.143.183

Ирээдүй болсон 1,8 сая хүүхдүүддээ 3,7 тербум битгий хэл тэрнээс ихийг зарсан ч багадна . Харин тэр нь төрийн болон ард түмний хяналтан дор гүйцэтгэл нь харагдаж байх хэрэгтэй болов уу. Ялангуяа бүх хүүхдүүдийн ерөнхий боловсролын үнэ төлбөргүй сургалтын чанарыг 80-аад оны өмнөх үеийн хэмжээнд аваачих хэрэгтэй.

зочин 2018-10-08 59.153.114.209

"Эдгээр байгууллагатай гэрээ хийж, гэр бүлийн хүчирхийлэл, бэлгийн мөлжлөг зэрэг чухал 10 төрлийн үйлчилгээг үзүүлдэг юм." гэнүү? үнэхээр буруу ярихымаа. гэр бүлийн хүчирхийлэл, бэлгийн мөлжлөг нь төрөөс санхүүжиж, ТББ гүйцэтгэдэг үйлчилгээ юм байна.

Дорж 2018-10-08 122.201.22.150

Тэр олон мянган хүүхдэд үйлчилгээ үзүүлээд байгаа юм байхгүй дээ. Өөрсдийн санааны тоо тавьчихаад түүнд нь бид хууртаад л явж байна. Наад нөхрийн чинь нүд нь голтгоносон нэг л бишээ. Тайланд нь бараг коммунизм байгуулчихсан юм биш үү!!

NewsMN Гар утасны хувилбар Татах
NEWS.mn

Мэдээллийн эх сурвалж