Авлигад идэгдсэн боловсрол | News.MN

Авлигад идэгдсэн боловсрол

РЕДАКЦИЙН ЗУРВАС

Авлигад идэгдсэн боловсрол

Авлигад идэгдсэн боловсрол

Авлигатай тэмцэх газраас өнгөрсөн долоо хоногт нэгдүгээр сургуулийн захирлыг авлигын хэргээр саатуулсан нь нийгэмд дуулиан тарьж байна. Үнэндээ бол авлига авч байгаад үйлдэл дээрээ гардуулсан нь нэгдүгээр сургуулийн захирал Г.Бум-Эрдэнэ болохоос биш баригдаагүй нь хэдэн арваараа бий.

Наад захын жишээ татахад хүүхдээ цэцэрлэгт оруулахын тулд эрхлэгчид нь эсвэл багшид нь авлига өгөхөөс аргагүй болдог. Зарим тохиолдолд хоёуланд нь авлига өгнө. Хэрэв багшид нь авлига өгөөд эрхлэгчид нь өгөөгүй байгаад мэдэгдвэл багш ажилгүй болно, эсвэл хүүхэд нь цэцэрлэгээсээ хөөгдөнө. Хүүхдээ дагуулаад ажил хийх боломжгүй тул хэдэн төгрөг төлөөд цэцэрлэгт багтаах нь асуудлаа шийдэх хамгийн найдвартай арга болж хувираад байна.

Хүүхэд зургаан нас хүрэхэд эцэг, эхчүүд хамгийн сайн боловсрол эзэмшүүлэх сургуулийг хайж эхэлдэг. Харамсалтай нь, чанартай боловсрол олгодог сургууль нь тоотой, элсэх сурагчдын тоо нь хэд дахин давсан байдаг нь сургуулийнх нь удирдлага, багштай тулахаас аргагүйд хүрдэг. Хүүхдийн тоо нь 40 гарсан байсан ч хамаагүй, зүтгүүлнэ. Чанартай гэсэн сургуульд орж л байвал хүүхэд боловсрол олно гэж боддог. Эцэст нь зорьсон хэргээ бүтээсэн тул тогтсон ханшийнх нь дагуу талархлаа илэрхийлж, авлигаа өгдөг. Захирал ч, багш ч авлигаас эмээхгүй.

Өөрөөр хэлбэл, боловсролын салбар авлигадаа идэгдсэнд дан ганц багш, эрхлэгч, захирлын буруу биш эцэг, эхчүүд төдийгүй төр ч буруутай. Хүртээмжтэй сургууль, чанартай багшийг бэлтгэж чадаагүй нь эргээд авлигачдыг хэдэн арваар нь төрүүлж байна.

Дээр нь  сургуулийн захирал, цэцэрлэгийн эрхлэгчийг аймаг, сум, дүүргийн Засаг дарга томилдог нь  эргээд улс төрийн барьцаанд нь орох, авлигач болох бас нэгэн үүд хаалгыг нээсээр удлаа.

Зарим сумдын сургууль Засаг даргын хамаатан саднаар дүүрсэн. Хүүг нь, хүргэнийг нь, бэрийг нь гээд Засаг даргын захиас занаастай болгоныг ажилд авсан жишээнүүд захаас аван бий.  Гэтэл мэдлэг чадвараар илүү, хүүхдэд боловсрол олгочих боловсон хүчин нь ажилд орж чаддаггүй. Арын хаалга, өгөх авлигагүй учраас. Эцэст нь мэдлэггүй багшаар хичээл заалгасан хүүхдүүд л хохирогч болдог . Сургалтын чанар нь унаж, хүүхдүүд хохироод байхад сургуулийн захирал тоохгүй, авлига өгсөн хүнийг л ажилд авна. Галч, жижүүр, цэвэрлэгч гээд худалдаж болох бүхий л местийг агт морь, амбан шар, хоёр сая төгрөгийн үнэд хүргэж, зарж байна. Тэр бүү хэл, тендер зарлаад сумын Засаг даргынхаа дэлгүүрээс сургуулийнхаа дотуур байрны хүүхдийн хоол, хүнсийг хангадаг. Мах, ногоог зах зээлийн үнээс өндөр үнээр авдаг. Бүр сүлжээнд орчихсон гэж хэлж болно.  "Үдийн цай" хөтөлбөр нэг бол сургуулийн захирлын бизнес эс бол сумын Засаг даргын бизнес байдаг. Гэтэл Авлигатай тэмцэх газраас эхлээд аудит нь ажилладаг хэрнээ ашиг сонирхлын зөрчилтэй эл бизнесийг нь илчилж чаддаггүй.

Анхаас нь авлига авсан болгон ньхариуцлагаа хүлээдэг, төрийн албанд дахин томилж, хариуцлагатай алба хашуулдаггүй байсан бол боловсролын салбар ингэтлээ авлигад идэгдэхгүй л байсан болов уу. Одоо энэ салбарт авлигатай хийх тэмцлээс гадна улс төрөөс хамааралтай болсон авлигынх нь сүлжээг таслахын тулд ядаж л сумын сургуулийн захирал, цэцэрлэгийн эрхлэгчээ аймгийн Боловсролын газраас нь томилох. Ингэхдээ хамт олных нь саналыг үндэслэдэг байдлаар шийддэг тогтолцоонд оруулах шаардлага байна.

Чанартай боловсролын тогтолцоотой болохын тулд мэдлэг чадвартай багшийг сонгон шалгаруулдаг болох.  Багшийг ур чадвараар нь үнэлж цалин олгодог болох. Өөрөөр хэлбэл, мэргэжлийн өндөр ур чадвартай багш нь сая төгрөгийн цалин авдаг тогтолцоонд шилжүүлэхгүй бол жил ирэх тусам авлига боловсролын мөн чанар, утгыг алдагдуулж, тэр хэрээрээ нийгмийн хөгжлийг удаашруулж, улсыг мөхөөх нь ээ.

 

"Болор дуран"-аар шалгав.
Энэ мэдээнд өгөх таны сэтгэгдэл?
5
ХарамсалтайХарамсалтай
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

28 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Уран 2018-10-08 66.181.186.152

авилгөл бол Цогзолмаа сайдад хамаагүй.Энэ бол хэдэн жил оршин тогтнож ирсэн зүйл.Хөөрхий 1 сургуулийн захирлаар туг тахиж байгаа боловч жинхэнэ авилгачин бол 23 ийн Цолмонбаатар шүү.Эхнэр нь хүртэл аймаар даа.энэ сургууль 10 сая л гэджг юм байх шив.

Avatar

ХУУЛЬЧ 2018-10-08 202.9.43.164

ДАН ГАНЦ АВИЛГАЛД ИДЭГДСЭН НЬ БОЛОВСРОЛ ГЭВЭЛ ГЭНЭН ХЭРЭГ БОЛНО ??? ТЭР АЯААРАА НИЙГМИЙН БҮХ САЛБАРЫН ТҮШМЭДҮҮД /шийдвэр гаргагч / АВИЛГАЛД ИДЭГДСЭН ШҮҮ ДЭЭ ??? СОЦИАЛИЗМЫН ҮЕЭЭС ДАРГА БОЛОХ БУСДЫГ ЗАХИРАХ ДУР ХҮСЛЭЭР ХҮМҮҮЖСЭНХҮМҮҮС ТҮҮНИЙ ДАРАА ҮЕ НЬ НЬ АВИЛГАЛЫГ ЦЭЦЭГЛҮҮЛЭЭД БАЙГАА ХЭРЭГ ??? ТЭГЭХЭЭР НАМЧИРХАХ,ДАРГА БОЛОХ СЭТЭХҮЙГ ХЭЗЭЭ ҮГҮЙ БОЛГОНО ТЭР ЦАГТ ТЭР НИЙГМИЙН ҮЗЭГДЭЛ УЛТАДАГ БОЛОВУУ ДАА ГЭЖ МӨРӨӨНӨ ???

Avatar

Зочин 2018-10-08 64.119.24.123

Авилгал хээл идэгчид нээрээ ганцхан энэ хун биш байх аа. Ялангуяа Монгол-Оросын нэртэй сургуулийн захирал ШЕЗ-ийн Лундэндоржын авгай гэж нэг нехер байгаа шуу. Хэн ч туунийг дийлдэггуй гэсэн . Шалгах л хэрэгтэй.

Avatar

иргэн бид 2018-10-08 59.153.112.34

Боловсролын салбарын авилгалч яахав аа нэрийн хор төдий юм. энэ улс төрчдийн авилгалгыг яах вэ. тэрбум тэрбумаар яригдах юм байна шүү дээ.

Avatar

ªâãºí áàãø 2018-10-08 103.57.94.224

Mongoliin niigmiin baidliig ABILGA ABCH, UGUHGUIGEER uur amidrah argagui boltol doroituulsnii neg jishee ni enehuu surguuli, tsetserlegiin hemeeh hund asuudal. Hervee UB hotiig zuv tuluvluj shine shine horoolol burtee hureltsehuits surguuli, tsetserleg, emneleg baiguulj uguud baisan bol yu gej olon zuun shudarga unench humuust daramt uusgej, ulmaar ner turuu hoich uedee jigshigdeheer gutaalgaj yavah bilee. Buruu uildel hiisen hun buhen buruutai ch HAMGIIN GOL EZED NI 28 JIL TUR BARISAN HUMUUS

Avatar

zochin 2018-10-08 103.212.119.12

Сайн гэгдэж буй сургуулийн захирлыг муу сургуульд шилжүүлж сургуулиудыг сайжруулах хэрэгтэй байна даа. Юм авсан нь буруу боловч хэдэн сайн сургуулиа ингэж заавал шившиглүүлэх хэрэг байна уу. Ийм зүйл болсон бол заавал олон нийтэд тараагаад биш тэр номоороо хиймээр юм. Сургуульд хичээн сурч байгаа, сурч байсан үе үеийн хүүхдүүд ямар ч буруугүй байхад шившиг болгох юм.

Avatar

Зочин 2018-10-08 103.50.206.32

Яааядаа энэ боловсролын салбарыг

Avatar

Зочин 2018-10-08 103.50.206.32

Аргагүй аргагүй

Avatar

Zochin 2018-10-08 103.26.193.242

Ene salbariig hariutsaj baigaa huntei ni hariutslaga tootsoh tsag hediin bolson gedeg ni ilerhii. Bolovsroliin salbariin dampuurllig demjih bodlogo yavuulaad baigaa yum daa, ene zasag??????????

Avatar

zochin 2018-10-08 203.217.138.2

odoo naadhaa ajild orson oos ni hois heden yamar horongotei bolsoniig ni shalga busad surguuliin zahirluudiig shalga

Avatar

Зочин 2018-10-08 202.126.89.236

23 сургуулийн захиралч бас авилгалд идэгдцэн байгаа

Avatar

Зочин 2018-10-08 202.126.89.236

23 сургуулийн захиралч бас авилгалд идэгдцэн байгаа

Avatar

Иргэн 2018-10-08 64.119.24.238

Сургууль яахав таминь, энэ улс төрийн авилгыг яах вэ?

Avatar

Зочин 2018-10-08 43.228.129.61

Боловсрооын сайдыг огцруулах хэрэгтэй. Арчаагүй авлигын системийг Цогзолмаа цэцэглүүлж байна. Цогзолмааг зайлуулах хэрэгтэй. Боловсролын бүх түвшинд авлига газар авлаа.

Avatar

харанхуй 2018-10-08 202.179.31.11

Авилга бүх салбарыг аалзны тор шиг ороожээ Цэрэг цагдаа эмч багш шүүх прокурор сургууль цэцэрлэг эмнэлэг гээд хэн танил талтай мөнгөтэй нь албан тушаал ахиж гадаад дотоодын сургалт дамжаанд явдаг гэх мэт эсвэл нам дагаж алиа салбадай болсон нь ажилтай болдог харанхуй нийгэм бүрхжээ

Avatar

mgl 2018-10-08 103.10.20.34

ENE CHIN BAS TOGTOLTSSONII HYMRAL

Avatar

zochin 2018-10-08 202.9.40.32

84-р сургууль бол авилгал аваад бүр сурчихсан, Ойр хавьд нь цэцэрлэг сургууль хомс цэцэрлэг сургуулиа хүртээмжтэй бариад

өгчихвөл ийм асуудал багасах байлгүй,

Avatar

Zochin 2018-10-08 103.212.116.191

Mash zuv sedev hundjee, huuhdee hariyallin surguulid oruuliya getel 500.0 tugrug neheed oruulj chadaagui ee. Bagsh, emch nar avligachid

Avatar

Зочин 2018-10-08 202.131.233.214

Avilgachidiig tom baga geltgui barij zohih yaliig ni uuruuleh heregtei.

Avatar

төрөө цэвэрлэе 2018-10-08 103.26.193.122

ОРОС 3 т арын хаалга, авлигагүй оруулж болох уу? Бэлтгэл ангид хүүхдээ оруулахад их мөнгө төлсөн байна лээ. Ингэхээр зөвхөн 1-р сургууль биш, олон сургуульд гар хүндрүүлж оруулдаг журам байгаа. АВЛИГЫН эсрэг тэмцэж байгаа бол эхлээд төрөөсөө эхлэх ёстой. Яагаад 60 тэрбумын хэргийг хэрэгсэхгүй болгосон шалтгаанг хүн бүр, тэр бүү хэл сурагчид ч мэдэж байгаа. ЖҮЖИГ тавихын оронд том акулуудыг барилдаа. БАРИХ боломж алга. НАЙЗ нар болох хуулийнхан нь хамгаалаад, хөдөлгөхгүй байгаа биз

Avatar

zochin 2018-10-08 59.153.113.105

kkk

Avatar

Зочин 2018-10-08 66.181.177.146

Бүх сургууль тийм ш дээ хавар 6 сард элсэлтээ авдаг шалгат авдаг гүнзгий сургуулиуд бол хар зараас ч долоон ор наймаа болдог ш днэ

Avatar

zochin 2018-10-08 59.153.113.105

Mongol bol 3 say avilgachin 3 say heel hahuulchin shunaliin buzar 3 say adguus araatan bolson uls bilee. Manaachaas ehleed erunhiilugch hurtel 5 nasnaas ehleed 100 nas hurtlee mungu avilga hulgainaas uur zuil boddogui araatnuud bilee.

Avatar

jagaa 2018-10-08 66.181.160.7

ard tumniig doromjildog xen be chi

Avatar

oogii 2018-10-08 66.181.167.194

arai hetruuleed helsen baih. erunhiiduu barag unen du.

Avatar

Зочин 2018-10-08 103.57.95.25

Ер нь дээрээсээ эхлээд цэгцлэх хэрэгтэйшдээ. Хэдэн муусайн багш нараар оролдоод яахнавдээ.

Avatar

Зочин 2018-10-08 124.158.126.215

Цалин багатай, ажлаа хийж байгаа, сургуулийн рлон хүүхэд багш нарыг авч яваа хэдийгээ ингэж байгаа нь өрөвдөлтэй. Тэрбумаар идэж уугаад хагарах гэж байгаа луйварчид нь юуч болоогүй юм шиг мөнгөө багтааж ядаад зүгээр явж байдаг.Өөрсдөө боловсролын тогтолцоог ийм байдалтай болгочоод одоо хөөрхий 10 жилийн сургуулийн багш нарыг ингэх бол ажил хийсэн нэртэй харагдах гэсэн явцуу арга байна. Жинхэнэ луйварчидаа шалгаад хураахыг нь хураагаад нураахыг нь нураагаад улсаас хулгайлсан мөнгийг нь төлүүлээч

Avatar

Зочин 2018-10-08 103.26.194.131

Baritsaad baival bid hezee ch ene baidlaas garahguu. Ablga vasan bol hen ch baisan shiitgel huleeh l yostoi.

NewsMN Гар утасны хувилбар Татах
NEWS.mn

Мэдээллийн эх сурвалж