Английн лигийн цом буюу “FA Cup” тэмцээний гуравдугаар тойргийн зарим тоглолтууд өнгөрсөн шөнө боллоо. Энэ тойрогт дээд лигийн “Вест хэм” клуб талбай дээрээ “Эвертон”-ыг хүлээж авч, торгуулын цохилтоор буулгаж авсанаар дараагийн шатанд шалгарлаа.

Уг нь бол үндсэн тоглолт 2:2-оор өндөрлөсөн. “Эвертон” клубээс 56 дахь минутад Эйдин Макгиди улаан хуудас авч талбайг чөлөөлсөн.  Гэвч тэд тун ч сайн тоглож, бараг л хожих дөхсөн. Тоглолтын 51 дэх минутад Эннер Валенсия гоолдож, “Вест хэм” тооны харьцааг нээсэн. Улмаар таван минутын дараа “Эвертон” хүн дутаа үлдсэн.

Гэвч 82 дахь минутад Кевин Миральяс гоолдож, тэнцүүлэх нь тэр. Улмаар 97 дахь минутад Лукаку нэгийг нэмж, тэргүүллийг гартаа авсан. Харамсалтай нь 113 дахь минутад Карлтон Коулыг хамгаалж чадалгүй гоол алдсанаар үндсэн цаг тэнцээгээр өндөрлөсөн.

Ийнхүү тоглолтын хувь заяа торгуулийн цохилтоор шийдэгдэх болоход “Вест хэм” өрсөлдөгчөө 9:8-аар буулгаж авч, дараагийн шатанд шалгарч үлдэж байгаа юм.

Бусад тоглолтын үр дүн
Вулверхэмптон 3-3 Фүлхэм торгуулын цохилтоор хожсон
Бристоль Сити 2-0 Донкастер
Честерфилд 2-0 Сканторп

Эх сурвалж: www.mminfo.mn