Хүн амын өсөлтийг дэмжих зорилгоор хүүхэд бүрт мөнгөн тэтгэмж буюу сар бүр 20 мянган төгрөг олгож буй. Өнгөрсөн жил эдийн засгийн нөхцөл байдлаас шалтгаалан нийт хүүхдүүдийн 80 хувьд буюу 912 мянган хүүхдэд 20 мянган төгрөг олгож буй. Нийт 205,1 тэрбум төгрөг гэсэн үг.

Тэгвэл 2019 оноос эхлэн хүүхдийн мөнгө авах хүсэлт гаргасан хүүхэд бүрт тэтгэмж буюу 20 мянган төгрөг олгох хуулийн төслийг УИХ-ын санаачлан, УИХ-д өргөн барьжээ. Өөрөөр хэлбэл, амьдралын боломж, амьжиргааны төвшнөөс шалтгаалан сар бүр 20 мянган төгрөг авахгүй байх боломжтой хүмүүс бий. Мөн сар бүр 20 мянган төгрөг авах ёстой ч жагсаалтад багтаагүй гэх мэт олон шалтгаан бий. Тиймээс сар бүр 20 мянган төгрөг авах хүсэлт гаргасан хүмүүс л олгодог байхаар тогтоолын төсөлд тусгажээ.

Хэрэв хүсэлт гаргасан хүүхэд бүрт олгож эхэлбэл нийт хүүхдүүдийн 80-90 хувь нь хамрагдах боломжтой гэнэ. Урьдчилсан тооцооллоор 114 мянган хүүхэд нэмэгдэх боломжтой юм байна. Нийт хүүхдүүдийн 80 хувьд олгоно гэвэл улсын төсвөөс 13 тэрбум, 90 хувь нь олгоно гэвэл 27 тэрбум төгрөг одоогийн олгож байгаа төсөв дээр нэмэгдэх юм байна. Хүүхдийн мөнгийг бүх хүүхдэд олгож байхад 10 орчин хувь нь огт авдаггүй байсан гэсэн  судалгаа байдаг аж.

Ш.ОЧ