"Залуучууд дагавар хүүхдийг хүлээн зөвшөөрч чаддаггүй" | News.MN - Мэдээллийн эх сурвалж

"Залуучууд дагавар хүүхдийг хүлээн зөвшөөрч чаддаггүй"

"Залуучууд дагавар хүүхдийг хүлээн зөвшөөрч чаддаггүй"

Гэр бүл судлалын мэргэжилтэй, НҮБ-Хабитат байгууллагын нийгэм жендерийн мэргэжилтэн, Монголын Эмэгтэйчүүдийн Холбооны Удирдах Зөвлөлийн гишүүн Н.Золзаяатай гэр бүлийн асуудлаар ярилцлаа.

-Саяхан таны залуу гэр бүлүүдэд зориулж хийсэн лекцийг сонсоод гэр бүлийн зарим асуудлыг тодруулж асууя гэж бодлоо.  Хосууд олон жил амьдраад ирэхээр бие биеэ үл тоомсорлох хандлагатай болдог юм шиг санагддаг. Та үүнтэй санал нийлэх үү?         

-Хэдийгээр нэг гэр бүл ч гэсэн хүн бүр бие даасан өөрийн гэсэн оршихуйтай байдаг гэдгийг хүлээн зөвшөөрөх ёстой. Бие биеийнхээ сонирхол, үзэл бодлыг хүндэтгэж үзэх бие биедээ цаг хугацаа орон зай олгох гэдэг нь хүнд байх ёстой соёл юм. Гэр бүл юм чинь бүх зүйл дээр эрээ цээргүй, хил хязгааргүй байна гэж ташаа ойлгож болохгүй л дээ. Хэт хамаагүй байснаас гэр бүлийн зөрчил үүсдэг тал бий. Тухайлбал нэгнийхээ утсанд ирж байгаа мессежийг унших, утасны дуудлагыг нь авч өмнөөс нь хариу өгөх гэх мэт зүйлүүд ажиглагддаг. Аливаа юманд хэм хэмжээ гэж  бий.

-Гэр бүлийн зөрчил үүсгэдэг олон шалтгаан байдаг байх. Зөрчил үүсгэж байгаа хамгийн гол шалтгаан юу вэ?

-Гэр бүлд зөрчил үүсгэж байгаа гол шалтгаан нь харилцааны асуудал л байдаг. Ялимгүй харилцааны зөрчил нь бие биедээ хайхрамжгүй, анхаарал халамжгүй байснаас үүдэн улам хурцаддаг. Ялангуяа карьер ахиж яваа залуучууд том албан тушаалд очихоороо ажил бизнестээ хэт анхаарч гэр бүлээ орхичих гээд байдаг. Тэгээд нэг эргээд харахад гэр бүл нь салах сарних дээрээ тулчихсан байх жишээтэй. Тэгэхээр ажил амьдралыг тэнцвэртэй авч явах нь  маш чухал. Хааяа ч гэсэн бие биеийнхээ сэтгэл рүү өнгийж, бие биеэ анзаарч байх хэрэгтэй болов уу. Хэт анзааргагүй явснаас яльгүй зөрчил  нь ужгирч даамжирдаг.

-Эмэгтэйчүүд амьдралыг үүрч явдаг  гэдэг ч  юм уу, эсвэл гэр бүлийн хэрүүл маргааныг эмэгтэйчүүд л дэгдээдэг гэсэн яриа байдаг. Үүнтэй та санал нийлэх үү?

Эрэгтэй, эмэгтэй хүмүүс байгалаасаа ялгаатай өгөгдөлтэй төрдөг. Аливаад хандах хандлага, аливааг чухалчилж үзэх байдал гээд ялгаанууд бий. Тухайлбал, эрэгтэй хүн хүүхэд асрах, гэр орны ахуйн жижиг ажлуудад эв дүй муутай байдаг. Харин тэр хийж чаддаггүй зүйлээрээ гэр бүл үр хүүхдэдээ үйлчилж зориулж байгааг нь урамшуулж, дэмжиж өгвөл эмэгтэйчүүдийн гэр ахуйн ачаалал хөнгөрч ирдэг.  Харин хийснийг нь голж шүүмжлээд  байвал  тэд ахуйн жижиг ажил руу бүр оролцохгүй болох талтай. Гэр орны, хүүхэд асаргааны ажлууд биднээс маш их цаг авдаг, нэг юмаа дахин давтан хийдэг ядаргаатай ажил шүү дээ. Тэр ажлуудад эрэгтэйчүүдийн тусламжийг авснаар эмэгтэйчүүдийн ачаалал нь хөнгөрч, стрессдэж бухимдах нь бага болж ирдэг. Эмэгтэйчүүд стресс бухимдалгүй байвал тэр хэрээрээ гэр бүлийн харилцаа сайн байдаг. Дээр нь жирэмслэх, хөхөнд сүү орох зэрэгтэй холбоотой гормоны өөрчлөлт биологийн хүчин зүйлээс хамаараад эмэгтэйчүүдэд сэтгэл гутрах, ганцаардах, хардамхай болох, гомдох, тунирхах зэрэг сэтгэлзүйн үзэгдлүүд тохиолддог. Эмэгтэй хүний энэ онцлогийг нь ойлгоогүйгээс тэднийг буруутгадаг. Гэтэл нүдэнд үзэгдэх, үзэгдэхгүй бие физиологийн өөрчлөлтүүд  болж байдаг. Харин үүнийг нь ойлгож мэдэж энэ үеийг нь яаж  даван туулах вэ, яаж зохицох вэ, яаж сэтгэл санааг нь өргөх вэ гэдэгт анхаарах боломжтой болж ирдэг. Тэгэхээр мэдлэг мэдээлэл их чухал. Зарим зүйлийг мэдэхгүйгээсээ болж их алддаг тал бий.

-Та лекц дээрээ хосууд хамтдаа хөгжих ёстой гэдэг талаар ярьж байсан. Хосууд хамтдаа яаж хөгжих вэ?

-Өнөөдөр бид эмэгтэйчүүд, гэр бүлийн асуудлыг ярихдаа нөгөө талыг нь орхигдуулж болохгүй ээ. Эмэгтэйчүүдэд хамааралгүй гэр бүлийн асуудал гэж байхгүйтэй адил эрэгтэйчүүдэд хамааралгүй гэр бүл эмэгтэйчүүдийн асуудал гэж бас байхгүй. Гэр бүл бүрэн бүтэн байх тухай асуудалд  эрэгтэй, эмэгтэй хоёр хүний  хоёулангаас нь хүчин чармайлт, хичээл зүтгэл шаардагддаг. Бид хөгжлийн тухай ярихдаа дандаа хамтдаа хөгжих, бие биеийгээ дагуулан хөгжих талаар ярих нь зүйтэй болов уу. Ингээгүйгээс амьдралын явцад нийгмийн байр суурийн ялгаа, соёлын ялгаа үүсдэг. Ялгаа их  гарах тусам өөр өөр зүг рүү харах шалтгааныг нөхцөлдүүлдэг. Хөгжинө гэдэг нь суралцана гэсэн үг, аливааг хамтран үйлдэнэ гэсэн үг, тэгээд ухаарна ухамсарлана гэсэн үг юм уу даа.

Монголын эмэгтэйчүүд гадаадын иргэнтэй гэр бүл болох байдал сүүлийн жилүүдэд өсөх хандлагатай байгаа.  Гадаад гэрлэлтээс шалтгаалан хүний эрх зөрчигдөх зэрэг сөрөг олон асуудлыг дагуулдаг. Гэр бүл судлаач хүний хувьд гадаад гэрлэлтэд ямар байр суурьтай байдаг вэ?

-Бид дэлхий нийтээрээ даяаршиж байгаа эрин зуунд амьдарч байгаа учраас хэн маань ч аль ч улсын иргэнтэй гэр бүл болох, аль ч улс орны иргэн манай улсад хүргэн бэр болж ирэх нь нэгэнт чөлөөтэй болсон цаг. Хэрэв нэгэнт гадаадын иргэнтэй гэр бүл болохоор шийдвэрлэсэн бол нийгэм орчны зүгээс үзүүлэх дарамт шахалт, энэ бүхэнд сэтгэл зүйгээ маш сайн бэлтгэх хэрэгтэй. Ижил соёлтой, хоорондоо эх хэлээрээ харилцаж байгаа хосуудад л хоорондоо дасах, зан зангаа авах гэж нэлээд юм болдог шүү дээ. Тэгэхээр хоёр өөр соёл иргэншилтэй, өөр өөр хэлтэй хүмүүс нэгдэж нийлэхэд хоёр дахин илүү цаг хугацаа, хүчин чармайлт шаардлагатай болно. Ижил соёлтой хүмүүс нэгээс хоёр жил үерхээд бие биеэ таньж мэддэг бол олон соёлтой хүмүүс наад зах нь хоёроос таван жил үерхэх шаардлагатай болдог гэж ярьж байна. Илүү удаан хугацаагаар үерхэх тусмаа бие биеийнхээ соёл заншлыг илүү сайн таньж мэдэж тэгснээрээ харилцах арга барилаа олоход илүү хялбар болох юм. Нэгэнт олон соёлт гэрлэлтийг сонгосон бол амьдралд тохиолдох бүхий л өөрчлөлтөд сэтгэлзүйн бэлтгэлтэй байх хэрэгтэй. Та ямар ч улс оронд очиж амьдарч болно. Таны хажууд аав ээж, ах дүү, хамаатан садан, найз нөхдүүдээс чинь хэн ч байхгүй. Өсөхөөс эхлэн хэрэглэж дадсан зан заншил хэрэглэгдэхгүй, эх хэлээрээ ч ярихгүй. Энэ бүхэн нь сэтгэлзүйн маш том сорилт болдог. Тэгэхээр энэ бүхэнд сэтгэлзүйгээ, оюун санаагаа бэлдэх нь маш чухал юм.

-Тэгвэл хоёрдох гэрлэлтийг та юу гэж үздэг вэ?

-Дахин гэрлэлт нь анхны гэрлэлтээс арай өөр. Энэ тохиолдолд холимог гэр бүл үүсдэг. Холимог гэр бүлд эхнэр нөхөр, тэдний хэн нэгнийх нь өмнөх гэр бүлийн хүүхдийг оролцуулдаг. Нэг ёсондоо хойд эцэг эхийн харилцаа үүсэж байна гэсэн үг. Тэдний хувьд төрсөн цусан төрлийн гэхээсээ илүүтэйгээр гэрлэлтээр холбоо хамааралтай болдог. Эцэг эх болон хүүхдийн хувьд хэн хэндээ дасан зохицох, бие биеийгээ хүлээн зөвшөөрөх хэрэгтэй болдог. Ийм гэр бүлд эцэг эхчүүдээс арай илүү их тэсвэр тэвчээрийг шаарддаг. Хэн нэгнийхээ дагавар хүүхдүүдтэй ойлголцдог болтол тодорхой цаг хугацаа хэрэгтэй болов уу. Дахин гэрлэлтэд хүүхдийн асуудал маш чухал. Өнчин хүн өөнтөгч гэдэг шиг хойд эцэг эх нь хүүхдэд минь яаж хандаж байна гэдгийг төрсөн эцэг эх нь байнга санаа зовон ил далд ажиглаж байдаг байна. Хойд эцэг эх болж байгаа хүний зүгээс хүүхдэд яг өөрийн хүүхдээс өөрцгүй хандаж л чадах юм бол тэр гэр бүл нь хурдан бие биедээ дасаж ойлголцож, илүү баяр жаргалтай байх боломжтой.

Хүүхдээ дагуулаад өөр хүнтэй гэрлэж байгаа эцэг эхэд хайр сэтгэл гэхээсээ илүү хүүхдэд минь яаж хандаж байна гэдэг нь илүү чухал хэрэг. Гэтэл зарим нэг дагавар хүүхэдтэй хүнтэй сууж байгаа хүн хүний хүүхдийг хүний хүүхэд гэж харж харьцсаар эцэстээ хүүхдийг нь гудамжинд гаргах дээрээ тулдаг тохиолдол ч бий. Хүүхдийг нь гэрээс нь явуулчхаад яаж аавтай нь эсвэл ээжтэй нь ханилан сууж чадаж байна аа. Энэ бол байж боломгүй асуудал. Тэгэхээр нэгэнт хүүхэдтэй хүнтэй сууж байгаа бол, хүний хүүхдийг хүлээн зөвшөөрч чадах хэмжээнд өөрийнхөө сэтгэлзүйг бэлдсэн үедээ л суух хэрэгтэй. Ялангуяа хүүхдүүд томроод ирэхээр улам бүр асуудал ундарна. Магадгүй өмнөх эцэг эхийн үлдээсэн хөрөнгө санхүүгийн асуудал ч хөндөгдөнө. Тэгэхээр хүүхэд том болж, аливааг ялгах салгах цаг нь ирнэ гэдгийг санаж хойд эцэг эх болж байгаа хүн өөрөө их болгоомжтой, хянуур байж хүүхдийн эрх ашгийн үүднээс үнэн сэтгэлээсээ хандах нь юу юунаас илүү чухал. Дахин гэрлэлтийн хувьд бол хүүхдийг нь хайрлаж байж л аавтай нь, ээжтэй нь жаргана шүү.

-Таны “Эрхэмсэг ганган амьдрахуй” гэж фейсбүүк хуудас байдаг юм байна. Эрхэмсэг амьдрал энгийн даруу хөдөөгөөс гэж нэг нийтлэлдээ бичсэн байсан нь анхаарал ихэд татсан. Хөдөөгөөс гэж онцолсон нь ямар учиртай юм бэ?

– Би хөдөөний хүүхэд л дээ. Малчин өвөө, эмээгийнхээ гар дээр өссөн. Тэдний хэлж ярьж үйлдэж байсныг одоо санахад тэр чигээрээ өнөөгийн эрүүл хооллолт, амьдралын зөв хэв маяг, амьдралын философи байсан байна лээ. Хөдөөгөөс л жинхэнэ монгол ахуй, монгол уламжлал үнэртдэг. Хүний чанар ч гэсэн хөдөө талдаа арай дээр байх шиг санагддаг. Ахмад настнууд хэлдэг дээ ”Монголгүй”, “Монголоо алдсан” гэж. Энэ нь ёс жаяггүйг л хэлээд байх шиг байгаа юм. Заримдаа хот суурин газар монголгүй юм их ажиглагдах юм.  Тэгээд л аминдаа фейсбүүк хуудсаараа асуудал хөндөж, зөв үзэл хандлагыг нэвтрүүлэх гэж сайн дураараа өөрөө өөртөө үүрэг хүлээлгээд л явж байна. Улс орон нүүдлийн соёл иргэншлээс суурин соёл иргэншилд шилжсэн. Одоо хотын энэ суурин соёл иргэншлээс цахим соёл иргэншилд шилжиж байна. Иймд цахим орчноор нь дамжуулж нөлөөллийн ажлыг хийж болох юм байна гэж харсан.

 -“Эрхэмсэг амьдрал энгийнээс…”гэж та хэлж, бичдэг нь  яг ямар санааг хэлэхийг зорьдог вэ?

Багачууд томчуудыг харж дуурайж өсдөг нь амьдралын хууль. Бид үнэтэй цайтай эд зүйлсээр, тамхи вискигээр чамирхаж гангараад л байвал багачууд яг тэрийг дуурайж хэрэглэх гэж эрмэлзэнэ. Хүн тансаг хэрэглээтэй байх тусмаа байгаль орчинд ээлгүй болж ирдэг. Олон давхар том хауст  амьдрах тусам дулаан зарцуулалт, цахилгаан зарцуулалт их байдаг. Үнэтэй том машин унахын хэрээр шатахуун их зарж, хөрс шороо талхлагддаг. Тэгэхээр бид өөр өөрийн чадах хэрээр эх дэлхийдээ ээлтэй байхыг эрмэлзэх нь зүйтэй  гэж боддог доо.

"Болор дуран"-аар шалгав.
Энэ мэдээнд өгөх таны сэтгэгдэл?
7
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

42 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2018-10-05 183.177.100.3

Монголын эмэгтэйчүүдийн холбоо аймаг бүрт, дүүрэг бүрт салбар байх ёстой байгууллага. Гэтэл аймаг ,дүүрэг, байгууллага бүрт салбар байхгүй байгаа нь Эрдэнэчимэг болон удирдах зөвлөлийн гишүүд юу бодож юу хийдэг нь ойлгомжгүй байна

Золзаяа 2018-10-05 178.62.93.181

Монголын эмэгтэйчүүдийн холбоо мөнгөний төлөө байгуулллага болсон нь нууц биш. Ийм болгосон нь Эрдэнэчимэг, ийм болголцсон нь энэ ярилцлага өгөөд гоё сайхан юм ичихгүй яриад сууж байгаа Золзаяа 2 шүү дээ. Өөрчилмөөр юм.

Зочин 2018-10-05 178.62.8.233

ENE MONGOLIIN EMEGTEICHUUDIIN HOLNOO GEH BAIGUULLAGAD SHINE SALHI ORUULJ UDIRDLAGIIG N OORCHILYE TEGEJ BAIJ EMEGTEICHUUD ERHEE HAMGAALUULNAA

Зочин 2018-10-05 46.101.19.143

Негее Эрдэнэчимэг гэгч нь удирдсан хэвээрээ л байгаа юмуу. Шийдвэр гаргагчдад, гадныханд зевхен биеэ vнэлдэг олон нийтийн ийм байгууллагуудыг таягдан хаях хэрэгтэй. Золзаяа ч гэсэн энэ байгууллагын тэргүүн эгнээнд явдаг л юм байна тэгчихээд шал худлаа санй хүн болж яриад байгааг нэг л ойлгохгүй л байна шүү

бүткүэ энэ хүүхэн 2018-10-05 46.101.11.119

Удвал,Пагмадулам гэдэг мундаг хүмүүсээс хойш ер нь ямар хүн толгойлоод яаж ажиллаад байдаг юм бол доо мэдэхгүй юм. Сураг сонсохнээ Эрдэнэчимэгтэйгээ нийлээд энэ хүн мөнгө төгрөг идээд л явдгын гэсэн.

Зочин 2018-10-05 162.243.166.138

Erdenechimeg ene 2 emegteichuudiin neriig barij ih ch yum hussandaa

мэх 2018-10-05 145.239.91.207

Монголын эмэгтэйчүүдийн холбоо гэх нэг их тунхаг нэртэй эмэгтэйчүүдийн байгууллага. Үсрээд л хэдэн бэлэг тарааж, төмөр зүүж, хүндэтгэлийн ширээнд сууж идэж уудаг байх. Бүтээсэн юмгүй дээ бараг ! Энэ ярилцлага өгөөд суугаа Золзаяа гэгч ч гэсэн ашиг сонирхолын үүднээс л энэ байгууллагад одоог хүртэл байгааг хэн ч мэднэ. Бүхлээр нь удирдлагын багийг нь өөрчлөх хэрэгтэй салхи оруул. Тэгэж байж эмэгтэйчүүд бид эрхийнхээ төлөө дуугарах байгууллагатай болно

Зочин 2018-10-05 107.170.170.208

Энэ Монголын эмэгтэйчүүдийн үйл ажиллагаа нь хаагуур явдаг юм бол анх удаагаа л ийм холбоо байдаг а бүр 90 жил болцон гэж сонсож байна энэ доор бичсэн хүмүүсийн үнэн бол эмэгтэйчүүдийн нэр нүүрийг барьж их л тавьтиргүйтэж явдаг муухай шуналтай хүүхнүүд байна аа да

yaridag shigee baigaasai ene huuhen 2018-10-05 107.170.170.208

Mongoliin emegteichuudiin holboo gej neriig barij gadaadiinhnaas mongiig avch ogdog gesen chin unen uu Erdenechimeg ta 2

Зочин 2018-10-05 198.199.64.130

золзаяа танаас асууя.\nМонголын эмэгтэйчүүдийн холбоо гэх байгууллага чинь өч төчнөөн сэтгэл сэрдхийлгэм хэрэг гарч байхад таг дуугай байсан атлаа чуулган нь хуралдах болоод ирсэн сандралдаж байна уу. Ганц л юм хэлье. Эмэгтэйчүүдийн нэр барьж мөнгө идэхээ танай байгууллага зогсоо

гачин сураггүй юу ч хийдэггүй байгууллага 2018-10-05 162.243.166.138

ийм нэртэй байгууллага байдгийг амьдралдаа анх удаагаа сонсож байна. тэгээд энэ байгууллага чинь бүр 90 насалчихсан, гачин өндөр настай байгууллага байшд. Энэ ярилцлага өгсөн хүн өөрөө удирдах албан тушаалтан нь юм байна. ичдэггүйн байх даа чуулган нь болох гэж байна гэсэн гэнэт хэвлэлээр ярилцлага өгч нтр өмнөөс нь бөгс байтугай улаачлаа

Золзаяа чи тийм ярьж байгаа шигээ хүн мөн ү 2018-10-05 46.101.11.119

Монголын эмэгтэйчүүдийн холбооны удирдлагыг өөрчилөх хэрэгтэй энэ ярилцлага өгөөд энхийн цагаан тагтаа шиг байгаа Золзаяа ч тэр тэр Эрдэнэчимэгээсээ яяяямар ч ялгаагүй адилхан мөнгө идэж уугаад сурцан хүн шдээ. эсвэл бүр татан буулгах хэрэгтэй энэ нэрний нэрээр олон жил идэж уусан улсийг орон нутагуудад ч гэсэн нэр сүрхий нэр нь сонсогддогоос биш хаана байдаг юу хийдэгийн хэнч юуч сонсоогүй бүгдийн луйварийн хэргээр шүүхэд өгөх хэрэгтэй

negun 2018-10-05 191.96.145.71

Монгол хүүхнүүдийн дуу хоолой зориг дутаад байна. Урд нь дуугарч эрх мэдэл авчхаад урагшилдаггүй хэдхээн хүмүүсийн балгаар хэлгүй дүлий мэт он цагийг өнгөрөөж байгаа бх шүү. Энэ Монголын эмэгтэйчүүдийн холбооны удирдлагуудыг нэн даруй өөрчлөх хэрэгтэй өчнөөн сэтгэл өвтгөм хэрэг гарахад эд нэг үг ган хийсэн билүү хуцалгүй эмэгтэйчүүдийн нэр барьж мөнгө идэхээ зогсоо муу балайр шуналтай авгайчууд минь

zochin 2018-10-05 162.243.229.141

Yu ch hiideggui heden tosliin nereer mongo idsen heden avgai nar l bdgiin bna lee shd zailuul ih l surjin darjin nertei yu gelee Mongoliin emegteichudiin holboo gejuuga

ЗОЧИН 2018-10-05 198.15.118.143

Эмэгтэйчүүдийн нэрийг барьсан улаан луйварчид Эрдэнэчимэг нь ч адилхан энэ Золзаяа ч адилхан ичдэггүй муухай юмнууд

Tatan buulga naad holboogoo 2018-10-05 46.101.11.119

Yu ch hiideggui hogiin ugjirsan teneg baiguullaga !!!!!\n3sariin 8 gj erhee edelj bn gj uuj idej nargij heden temdeg zarhaas heterdgui bguullaga bnaa bn huchirhiileld urtuud bgaa emegteichuud huchind awtsan ohiduud nyalah jaahan ursiin tuluu ene baiguullaga yu hiisii yuch hiigeegui 3sariin8 , 6sariin1 nd bolson boloogui temdeg, tuuz urgumjlul, terniigee zarah gj pilet zarj mungu ugaadag baiguullaga er ni erh hamgaalj dugarch bsniig sonsooguil yum bn

Зочин 2018-10-05 217.170.205.22

Эрдэнэчимэгтэйгээ таарсан 2 авгай

Зочин 2018-10-05 162.243.229.141

Эрдэнэчимэг 20 жил ажилласан санхүүгийн тайлангаа ил болго

Түшиг 2018-10-05 162.243.229.141

Энэ Монголын эмэгтэйчүүдийн холбоо гэж байгууллага 22 жил яг юу хийв ээ

Зочин 2018-10-05 178.62.121.175

Үххсссс Эрдэнэчимэгтэйгээ таарсан юм. Та нар Монголын эмэгтэйчүүдийн холбоог нийлж хувааж идэж дууслаа

Зочин 2018-10-05 66.181.161.99

Erdenechimegteigee taarsan neg teregnii 2 dugui. 20 jil hamt yawsan yg yu hiiv

Зочин 2018-10-05 202.9.40.117

huleen zuvshuuruh albagui shde, tursun etseg eh ni huuhdee huleen zuvshuuruugui bhad 2 dahi nuhur boloh er hun buruutan bolood bh ni shaaaal utgagui

Зочин 2018-10-05 202.9.40.117

huleen zuvshuuruh albagui shde, tursun etseg eh ni huuhdee huleen zuvshuuruugui bhad 2 dahi nuhur boloh er hun buruutan bolood bh ni shaaaal utgagui

ишлдюю 2018-10-05 64.119.23.74

бонустай хичнэн олон хүүхнүүд байна аа, тэд айлын нөхрийн бага хатан болж чадвал их юмдааа,,,,

Зочин 2018-10-05 162.243.229.141

Аа худлаа энэ Эрдэнэчимэгтэйгээ таарсан энэ золзаяа энэ 2 ямар ч ялгаагүй нэг тэрэгний дугуйнууд

ишлдюю 2018-10-05 64.119.23.74

бонустай хичнэн олон хүүхнүүд байна аа, тэд айлын нөхрийн бага хатан болж чадвал их юмдааа,,,,

ишлдюю 2018-10-05 64.119.23.74

бонустай хичнэн олон хүүхнүүд байна аа, тэд айлын нөхрийн бага хатан болж чадвал их юмдааа,,,,

Зочин 2018-10-05 64.119.23.74

бонустай хичнэн олон хүүхнүүд байна аа, тэд айлын нөхрийн бага хатан болж чадвал их юмдааа,,,,

Зочин 2018-10-05 64.119.17.172

Юу яриад байнадаа, тэгээд хүний хүүхэд өсгөх юмуу. Тэр хүүхдийн эцэг, эх нь яасан болоод өөр хүн хүүхдийг тэжээж, өсгөх болчихов. Хэний ч хамаагүй хүүхэд гаргахаа боль, ирээдүйгээ төлөвлө гэдэг талаас нь яриасай.

Зочин 2018-10-05 203.91.114.244

tenegt

Зочин 2018-10-05 66.181.160.113

Гэр бүл болно эсвэл жирэмслээд гэр бүл болохоос аргагүй болно тэгээд хэсэг амьдарч бгаад сална дараа нь салсан хэн нэгэнтэй сууна. Өөрийн хүүхдүүдээ хөсөрд хаяаад хүний хүүхдийг хайрлаж амьдрана. Усан тэнэгүүд. Эцэг эх нь хар багаас нь зааж сургах хэрэгтэй шд ээ. Үр хүүхэдтэйгээ загнаж зодохоос өөр хэлбэрээр бас харьцаж байлдаа.

Зочин 2018-10-05 66.181.161.127

Чи хүүхэдтэй хүнээс л хол яваарай\nЯг чам шиг хүмүүс хүүхэдтэй хүнт суугаад хүчирхийлэгч хойд эцэг эх болдгиймдаа....үртэй хүн хүний үрийг бтгий элдвээр хэлээрэй үр чинь яаж явахыг хэлж таашгүй хорвоо шүү

Кккк 2018-10-05 202.179.25.186

Бонусанд дургүй болчихож

zochin 2018-10-05 202.179.24.166

amidral ug ni ih engiin yum bn lee hairlaad bval humuus bid l uursduu muuhai setgeliin urshigaar muuhai bolgoj haraad bdag yum lee huniich bai uuriin ch bai saihan hairlaad bsan humuus bdag ter bol uheheer aguu setgel bi hoid eejtei gehdee nadruu gants udaach hoid eej gesen setgegdel uldeej bgaagui uneheer gaihaltai bi bodood bodood olohgui bgaa yum hunii saihan setgel gej

Зочин 2018-10-05 202.179.24.166

amidral gedeg chini hairlaad bval ug ni ih engiin yum shdee humuus bid uursduu uuniig muuhai setgeliinhee urshigaar muuhai bolgodog yum bn lee dee hed naslana ch gej neg negniigee merj idehev dee humuus mini huniich bai uuriin ch bai hairlaj bgaarai\n Deer ued bol uuriin yum shig hairlaj bsan saihan etseg ehuud bsan yum bn lee

Ээж 2018-10-05 150.129.143.171

Гэр бүл салалт их байна оо.одоогийн эр эм залуучууд их хувиа хичээсэн болжээ. Биe биeийнхээ өмнө хариуцлага үүрэхээс зугатааж байна. хүүхдээ үнэн сэтгэлээсээ хайрлах ч үгүй болж. Саяхан зурагтаар гарсан ээж солонгос зино нилээд үнэн зүйлүүдийг өгүүлсэн. Бяцхан амьтны төлөө бүхнээ зориулах тэр хүн л ээж нь гэсэн санаа нэвт явдаг. Олон ч ээжийн амьдрал гарсан. Ээж хэн ч байсан 1 л зүйлээр адил. Бүхнээ хүүхэддээ зориулах. Одоо ч энэ их хомс болсон болтрй

kk 2018-10-05 203.91.114.244

eh hun huuhed turvvlsen tsagaasaa ehlen uuriiguu ur huuhdiinhee hoino tawij buh umaa ur huuheddee zoriuldag um. Harin tegdeggui ni howor baih shvv

Ээж 2018-10-05 150.129.143.171

Гэр бүл салалт их байна оо.одоогийн эр эм залуучууд их хувиа хичээсэн болжээ. Биe биeийнхээ өмнө хариуцлага үүрэхээс зугатааж байна. хүүхдээ үнэн сэтгэлээсээ хайрлах ч үгүй болж. Саяхан зурагтаар гарсан ээж солонгос зино нилээд үнэн зүйлүүдийг өгүүлсэн. Бяцхан амьтны төлөө бүхнээ зориулах тэр хүн л ээж нь гэсэн санаа нэвт явдаг. Олон ч ээжийн амьдрал гарсан. Ээж хэн ч байсан 1 л зүйлээр адил. Бүхнээ хүүхэддээ зориулах. Одоо ч энэ их хомс болсон болтрй

Хүний хүү хүрэн бөөртэй. 2018-10-05 202.179.25.239

Дагавар охин бол бүүр хэзээ ч хойт эцэгтээ гайгүй байсан түүх байдаггүй юм.

Зочин 2018-10-05 66.181.160.113

Хэзээ ч гэж хэзээ ч уитгий хэлж бай, шаамар минь

Зочин 2018-10-05 202.9.40.117

er ni tegeed hunii dagavar huuhdiig asrah, tevchih uuregtei bdg yum bol huuhedtei emegteitei gerlehgui bh ni deer yum bna. yamar ch tohioldold huurhii erchuudiig buruutgah, I hate feminism.

Зочин 2018-10-05 202.21.126.30

Зөв бодолтой хүн байна. Ажилд тань амжилт хүсье!