Дуурийн театр улирлын нээлтээ “Сонгодог” тоглолтоор эхлүүлнэ | News.MN

Дуурийн театр улирлын нээлтээ “Сонгодог” тоглолтоор эхлүүлнэ

Дуурийн театр улирлын нээлтээ “Сонгодог” тоглолтоор эхлүүлнэ

All-focus

Улсын дуурь, бүжгийн эрдмийн театрын хамт олон түүхт 68 жилийн ой, 56 дахь тоглолтын улирлын нээлтээ ирэх ням гаригт(2018.10.07) “Сонгодог” тоглолтоор эхлүүлэхээр болжээ.  Дэлхийн болон Монголын сонгодог уран бүтээлүүдийн дээжээс бүрдсэн энэхүү тоглолтод олон шилдэг бүтээлүүд багтсан байна.

Мөн улирлын нээлтийн тоглолтын үеэр театраас төрөн гарсан үе үеийн уран бүтээлчид болон уран бүтээлийн тухай түүхэн үзэсгэлэнг гаргана. Үүнээс гадна Ж.Бизе “Кармен” дуурийг аравдугаар сарын 13-нд, П.И.Чайковскийн “Хунт нуур” балетыг аравдугаар сарын 14-ний өдөр тоглохоор болсон байна.

2018-2019 он буюу 56 дахь тоглолтын хуваарьт хүүхэд, залууст зориулсан уран бүтээл, арга хэмжээг багтааснаас гадна А.Бородин “Игорь ван” дуурь, Л.Минкус “Баядера” балет, Д.Эрдэнбаатар “Баавгай дуулах уу” хүүхдийн дуурийн тоглолтыг тоглохоор бэлтгэж байгаа аж.

Тус театрын ерөнхий захирал Ц.Төвшинтөгс “Монгол улсын дуурь бүжгийн эрдмийн татрын үүсэл хөгжил” сэдэвт эрдэм шинжилгээний бага хурлыг соёл урлагийн салбарын эрдэмтэн профессорууд, судлаач нартай хамтран зохион байгуулсан талаар өнөөдрийн хэвлэлийн хурлаар онцоллоо.

Ч.БОЛОР

"Болор дуран"-аар шалгав.
Энэ мэдээнд өгөх таны сэтгэгдэл?
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж