АШУҮИС-ийн захирлын сонгон шалгаруулалтыг зарлалаа | News.MN - Мэдээллийн эх сурвалж

АШУҮИС-ийн захирлын сонгон шалгаруулалтыг зарлалаа

АШУҮИС-ийн захирлын сонгон шалгаруулалтыг зарлалаа

Төрийн албаны  зөвлөлөөс Анагаахын шинжлэх ухааны үндэсний их сургууль (АШУҮИС)-ийн захирлын сонгон шалгаруулалтыг  зарлалаа. Энэхүү сонгон шалгаруулалтыг Боловсрол, соёл, шинжлэх ухааны яамны дэргэдэх салбар зөвлөлийн захиалгаар нээлттэй зарлаж байгаа аж.

Тодруулбал, Төрийн албаны зөвлөлийн тогтоолоор баталсан “Төрийн үйлчилгээний албаны удирдах албан тушаалд томилогдох ажилтныг сонгон шалгаруулах журам”-ын  гуравдугаар зүйлийг үндэслэн АШУҮИС-ийн захирлын албан тушаалд томилогдох ажилтны сонгон шалгаруулалтыг явуулах юм. Уг албан тушаалын сул орон тоог сонирхогч иргэд  тодорхой шаардлагыг биелүүлсэн байх бөгөөд дараах материалыг бүрдүүлэн өөрийн биеэр  бүртгүүлэх ёстой.

Сонгон шалгаруулалтад өрсөлдөх иргэдийн материалыг БСШУСЯ-ны 2 давхарт 215 тоот өрөөнд  2018 оны 10 дугаар сарын 22-ны өдрийн 09.00-12.30, 13.30-17.00 цагийн хооронд хүлээн авах бөгөөд сонгон шалгаруулалт 2018 оны 10 дугаар сарын 24-ний өдрийн 09.00 цагт явагдах аж. Ингэснээр АШУҮИС-ийн захирал томилогдох юм. АШУҮИС-ийн захирлаар ажиллаж байсан Г.Батбаатарыг  БСШУС-ын сайд Ц.Цогзолмаа өнгөрсөн долдугаар сард халж оронд нь Ж.Цолмонг томилоод байсан ч тус сургуулийн багш сурагчид энэхүү томилгоог удаа дараа эсэргүүцсэн бөгөөд ийнхүү нээлттэй сонгон шалгаруулалт явуулж байгаа юм байна.

Э.АРИУН 

"Болор дуран"-аар шалгав.
Энэ мэдээнд өгөх таны сэтгэгдэл?
2
ТэнэглэлТэнэглэл
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

6 сэтгэгдэл

News.mn сайтад сэтгэгдэл оруулахад анхаарах зүйлс

зочин 2018-10-03 150.129.141.46

Доод тал нь 15 жил тэр сургуульд багш, тэнхимийн эрхлэгч, салбар сургуулийн захирал хийсэн, эрдмийн, сургалтын туршлагатай хүн хэрэгтэй. Энэ сургууль улсдаа нэртэй цаашид ч тэргүүлэх байх ёстой шүүдээ. Энэ олон эмч эрдэмтэдийг бэлтгэдэг сургууль шалдар балдар байж болохгүй. Яам тун хариуцлагагүй хандах юм.Та нарт амжилт хүсье

Zochin 2018-10-03 203.91.115.38

Оролцох бүх хүмүүст амжилт!!!

БСШУСЯ-ны сайд Ц.Цогзолмаа 2018-10-03 202.9.42.121

НИРГЭСЭН ХОЙНО ХАШГИРАВ

Зочин 2018-10-03 202.126.88.41

Тестийг цахим шалгалтад сайхан унана да

Тэгнээ 2018-10-03 66.181.180.170

Тэгсэн дээр байлгүй дээ.1 жилийн дотор аудитын газраас 2 дахин өөр дүгнэлт гаргуулж хүн гүтгэж албан тушаал булааж Цолмон онигоонд орж явахаар зүгээр Батбаатараас хадаг бариад гуйгаад очихгүй дээ.Үнэндээ бол энэ сургуульд Цолмонг хуучин нууц амраг шүдний Амраагаас нь өөр дэмжих хүнгүй л байх шиг бн

Зочин 2018-10-03 202.9.43.59

Төрийн сайд эхнээсээ л журмаа баримтлахаа мэддэггүй юм уу