Сөүлийн хойд бүсийн Енпён дүүргийн нэгэн дунд сургуулийн тоглоомын талбайгаас өсвөр насны охины цогцос олдсон тухай мягмар гаригт дүүргийн цагдаагийн газраас мэдээлжээ. Охин даваа гаригт сургуульдаа яваад орой гэртээ ирэлгүй удсан учраас ээж аав нь охиноо хайж эхэлсэн байна. Оройн 20.30 цагийн үед охиныг тоглоомын талбай дээрээс олж эмнэлэгт хүргэсэн ч охин аль хэдийн нас барсан байжээ. Охины биед ямар нэгэн гадны нөлөө байгаагүй бөгөөд хувцасных нь дотор халааснаас гэрээслэл олсон гэж уг хэргийг хариуцсан мөрдөгч мэдээлсэн байна. Одоогоор мөрдлөгийн ажиллагаа үргэлжилж байгаа ажээ. Энэ хэрэгтэй холбоотойгоор эцэг эхчүүдийн дунд өсвөр насны хүүхдийн сэтгэл зүйн талаар сургалт явуулах үүргийг Сөүлийн бүх сургуулийн нийгмийн ажилтнуудад өгчээ.

Эх сурвалж: KOREATIMES.COM

Н.АМГАЛАНТУУЛ