Монгол Улсын Үндсэн хуулийн 23 жилийн ойн тэмдэглэлт энэ өдөр /2015.01.13/ Их эзэн Чингис хааны хөшөөнд хүндэтгэл илэрхийлэх ёслолын арга хэмжээ морин цагт болж өнгөрлөө.

Монгол Улсын Их Хурлын дарга З.Энхболд, УИХ-ын дэд дарга Р.Гончигдорж, Л.Цог, М.Энхболд, УИХ-ын гишүүд, Ардын Их Хурлын депутатууд Их эзэн Чингис хааны хөшөөнд хүндэтгэл илэрхийлсний дараа Төрийн түүхийн музейг үзэж сонирхлоо хэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.