АНУ-д үйл ажиллагаагаа явуулдаг PEW судалгааны байгууллага 25 улс орны нийт 26 мянган иргэдийн дунд санал асуулга явуулжээ. Уг санал асуулгад дэлхийн томоохон  гүрнүүдийн удирдагчид болох Дональд Трамп, Ангела Меркель, Эммануел Макрон, Владимир Путин болон Си Жиньпин нарт хэр итгэлтэй байгаа талаар судалсан аж.

Тэгвэл 25 улс орны 26 мянган иргэдээс авсан санал асуулгаар төмөр хатагтай гэгдэх Германы канцлер Ангела Меркельд 52 хувиар санал асуулгад оролцсон хүмүүс итгэж байгааг судалгаагаар гаргажээ. Францын ерөнхийлөгч Эммануел Макронд санал асуулгад оролцсон хүмүүсийн 46 хувь зөвшөөрч байгаа аж. Мөн БНХАУ-ын дарга Си Жиньпин болон ОХУ-ын ерөнхийлөгч Владимир Путин нар тус бүр 34, 30 хувийн санал авчээ. Харин энэхүү санал асуулгаар АНУ-ын ерөнхийлөгч Дональд Трамп 27 хувийн санал авсан бөгөөд нийт судалгаанд оролцогчдын 70 хувь дэмжихгүй байгаа гэдгээ илэрхийлжээ.

 ЭХ СУРВАЛЖ: DW
Г. МАНДАХ