АН-ын бүлгийн дарга Д.Эрдэнэбат халтуураа зогсоохыг хүсэв | News.MN - Мэдээллийн эх сурвалж

АН-ын бүлгийн дарга Д.Эрдэнэбат халтуураа зогсоохыг хүсэв

АН-ын бүлгийн дарга Д.Эрдэнэбат халтуураа зогсоохыг хүсэв

УИХ-ын намрын чуулганыг нээснээр өнөөдрөөс /2018.10.02/ Байнгын хороод хуралдаж эхлээд байна. УИХ-ын Байгаль орчин, хүнс хөдөө аж ахуйн байнгын хорооны хуралдаанаар өнөөдөр Амьтан, ургамал, тэдгээрийн гаралтай түүхий эд, бүтээгдэхүүнийг улсын хилээр нэвтрүүлэх үеийн хорио цээрийн хяналт, шалгалтын тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн бусад хуулийн төслүүдийн хэлэлцэх эсэхийг хэлэлцэв. Энэ үеэр УИХ-ын гишүүн, УИХ дахь Ардчилсан намын бүлгийн дарга Д.Эрдэнэбат Улаанбаатар хотын товчоод дээр байрлаж байгаа ариутгал халдваргүйжүүлэлтийн цэгийн асуудлыг хөндлөө.

Тэрбээр "Улсын хилээр нэвтрэх хорио цээрийн асуудлыг тодорхой хэдэн байгууллага л хариуцдаг хэвээрээ байх нь зөв. Салбарын яам болгон оролцох нь буруу. Мэргэжлийн хяналтын дарга ирсэн байгаа дээр нэг зүйл хэлмээр байна. Энэ зунжин Улаанбаатар хотын орох, гарах пост дээр баахан бодис шүршлээ. Дөрвөн сар иргэдээс 1000 төгрөг хураалаа. Гэтэл энэ нь зүгээр л халтуур. Учир нь шөнө болохоор цацахгүй, машинууд давхиад орчихдог, гарчихдаг. Харин өглөө болохоор хэдэн шар хувцастай нөхдүүд гарч ирээд 1000 төгрөгөөр тасалбар борлуулдаг энэ халтуураа одоо болихгүй юм уу. Шүршиж байгаа хүмүүс нь дугуйны гадна тал руу цацсан болоод өнгөрдөг. Одоо энэ халтуураа зогсоо. Миний сонссоноор бол хувийн компаниуд л энэ ажлыг хийж, гүйцэтгэж байгаа гэх юм. Мэргэжлийн хяналтын дарга та хяналт тавьж, энэ бизнесийг болих хэрэгтэй. Үнэхээр асуудал ноцтой байгаа бол арай өөр зохион байгуулалтаар тэмц" гэлээ.

Г.ХОРОЛ

"Болор дуран"-аар шалгав.
Энэ мэдээнд өгөх таны сэтгэгдэл?
3
ЗөвЗөв
1
ТэнэглэлТэнэглэл
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

6 сэтгэгдэл

News.mn сайтад сэтгэгдэл оруулахад анхаарах зүйлс

Zochin 2018-10-02 202.131.225.150

Maliin emch UB zahiragch SU. Batboldiin l huviin companiin bussenis shuu dee. Sain shalgaach

Зочин 2018-10-02 139.5.218.118

Улаанбаатар бол нийслэл. Аль ч нийслэл амар амгалан байх ёстой. Монгол улсад мэргэжлийн биш хүн бүх албанд ажиллах болсноос байдал төвөгтэй байгаа. Сүүлийн жилд нийслэлд малын шүлхий олон гарлаа. Энэ нь Тээврийн товчоод дээр мэргэжлийн үйл ажиллагаа хийхгүй байгаатай холбоотой байв. Одоо бол өөр болж байна. Зөв гэх. Үүнийг халтууур гэх нь хаашаач юм бэ? Та шөнө ажиллах зардал шийдээд өгөхөд туслахыг бодоорой. Үр дүн лүү явж байна.Танд зөв амжилт хүсий.

иргэн 2018-10-02 202.9.42.11

Зөв. Нээрээ л шүршсэн дүр үсгэж жаахан уусмал дугйруу нь хальт цацсан болоод өнгөрч байдаг юм. Ингэж ажил хийсэн нэр зүүж хэрэггүйлдээ. Түүнийг харж хянадаг аөлбан тушаалтан нь хийж суудаг юм.

Зочин 2018-10-02 49.0.141.60

za yostoi unen heljee. mungu bhgvi geheer za za yav geed yavuulchdin bna lee

Зочин 2018-10-02 103.14.36.6

ariutgal hiij baigaa n zuw ajil.chanariin asuudal deer l anhaarah n zuw.irged uursduu todorhoi hugazaa zarzyylj hyanaltaa saijryylah heregtei

дорж 2018-10-02 103.229.122.254

энэ нөхөр энэ удаа ганц үнэн юм хэлжээ. талбайг хүрээлж татсан эрээн бүчээ хог болгон хаяад явна гээч, үнэн бүтнхгүй амьтад.