Хоёр Солонгосын харилцаа хурдацтай сайжирч байна | News.MN

Хоёр Солонгосын харилцаа хурдацтай сайжирч байна

Хуучирсан мэдээ: 2018.10.02-нд нийтлэгдсэн

Хоёр Солонгосын харилцаа хурдацтай сайжирч байна

Хоёр Солонгосын харилцаа хурдацтай сайжирч байна

Хоёр Солонгосын батлан хамгаалахын яам хооронд цэргийн гэрээ байгуулж, хилийн дагуу хөл тавих зайгүй хавх болгон тавьсан тэсрэх бөмбөгнүүдээ хурааж эхэлжээ. Энэ нь хоёр орны харилцаа хурдацтай сайжирч буйг илтгэж байна. Хоёр Солонгосын батлан хамгаалахын сайд нарын хооронд байгуулсан цэргийн гэрээнд хил орчмын тэсрэх бөмбөгийг цэвэрлэх, дайнаар амь үрэгдсэн цэргүүдийн цогцсыг хамтран хайх талаар тусгасан байна.

Өмнөд Солонгосын ерөнхийлөгч Мүн Жэ Иний мэдэгдсэнээр цэргийн гэрээ хэрэгжиж эхэлснээр хоёр орны хооронд газар, тэнгис, тэнгэр дэх дайсагнал, зөрчил бүрэн арилна гэжээ. Харин шүүмжлэгчдийн зүгээс Хойд Солонгостой байгуулсан цэргийн гэрээ нь Сөүлийн дайны бэлэн байдлыг сулруулна гэж хардаж байна. Хойд Солонгос цөмийн зэвсгээс бүрэн татгалзаагүй байхад Сөүл анхаарал, сэрэмжээ сулруулах ёсгүй гэсэн байр суурийг тэд илэрхийлсэн байна. Харин Мүн Жэ Ин Өмнөд Солонгосын зэвсэгт хүчин байгуулагдсаны 70 жилийн ойн өдрөөр хэлсэн үгэндээ үндэсний батлан хамгаалахын хүчин чадлаа сайжруулахыг уриалж “Бид өөрсдийгөө хамгаалах хүчтэй, бардам байсан цагт энх тайван үргэлжилнэ” гэж мэдэгджээ.

Өмнөд Солонгос нь даваа гаригт хойгийн дайнд амь үрэгдсэн 64 цэргийнхээ цогцсыг эргүүлэн авчээ. Тус улсын батлан хамгаалах яамны мэдээлснээр цэргүүдийн цогцсыг 1996-2005 оны хооронд АНУ болон Пхеньяны хооронд хэрэгжүүлсэн төслийн хүрээнд олж илрүүлсэн аж. Хавайд явуулсан шинжилгээний хариугаар тэдгээр цогцос Солонгосын хойгийн дайнд амь үрэгдсэн цэргүүдийнх болох нь тогтоогджээ. Түүнчлэн Хойд болон Өмнөд Солонгосын хилийн Панмунжом тосгон болон өндөр хамгаалалттай бүс орчимд 1950-1953 оны хооронд өрнөсөн дайны үеэр амь үрэгдсэн цэргүүдийн цогцсыг хайх хамтарсан баг гаргахаар төлөвлөсөн байна.

Хоёр Солонгосын харилцаа өнгөрсөн дөрөвдүгээр сард болсон төрийн тэргүүн нарын түүхэн уулзалтаас хойш шат дараатай, салбар бүрийг хамран сайжирч байна. Сүүлд есдүгээр сарын 18-нд болсон уулзалтаар Өмнөд Солонгосын бизнесийн төлөөлөгчид Пхеньянд айлчилсан юм. Энэ уулзалтад Өмнөд Солонгосын “Samsung” Electronics”, “SK”, “Hyundai Motor”, “LG” зэрэг группын захирлууд тэргүүтэй бизнесийн өргөн бүрэлдэхүүн оролцсон. Мүн Жэ Иний Пхеньянд хийсэн анхны айлчлалд  200 орчим хүн дагалджээ. Хоёр Солонгосын төрийн тэргүүн нар өнгөрсөн дөрөвдүгээр сараас хойш гурван удаа уулзсан. Үүнээс өмнө Солонгосын дайнаас хойш 70 жилийн хугацаанд хоёр тал эвлэлдэн нэгдэх гэж олон удаа оролдсон боловч амжилтад хүрэлгүй өнөөг хүрсэн билээ. Төрийн тэргүүн нарын анхны уулзалтын дараа Хойд Солонгос өнгөрсөн тавдугаар сард цөмийн туршилтын талбайгаа хааж эв найрамдлыг эрхэмлэж буйгаа гэрчилсэн билээ.

Энэ мэдээнд өгөх таны сэтгэгдэл?
3
ЗөвЗөв
1
ТэнэглэлТэнэглэл
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Жарантай 2018-10-02 202.55.191.130

Хүмүүсийн сэтгэлд буй үл итгэлцлийн мөсөн уулыг хайлуулахад хугацаа орноо. Гэхдээ хуваагдаж, хөндийрсөн улс үндэстэн эргээд ойртож эхлэж буй нь маш талархууштай хэрэг.

Avatar

Ок 2018-10-02 202.9.42.234

АНУ гэж дандаа улсын дотоод хэрэгт оролцож хооронд нь хагаралдуулдаг бсн. Одоо нэгдэж дэлхийд хүчирхэг гүрэн гэдгээ харуулах цаг болсон

Avatar

Чукча дурак 2018-10-02 202.179.26.247

Протестант шашинтай Америк Үнэн алдартаны Орос шиг Нармай Азийг ялгаварлаж доорд үзэн харьцдаггүй.Гэрэлхийг ч хориглодоггүй. Тийм ч болхоороо Сибирийг, Европ болох гээд ядчихдаг Орос эзлээд тэнэг Чукча нарыг устган Аляскийг Америкд зарж байхад Англи Америк ертөнц Японоос эхлээд хөгжлийг Азид авчирсан түүхтэй.Хоёр Солонгос нэгдэх нь одоо цаг хугацааны асуудал. Энэ тохиолдолд Оросуудад Азид эзэн суухад улам хэцүү болно.

NewsMN Гар утасны хувилбар Татах
NEWS.mn

Мэдээллийн эх сурвалж