Бүгд найрамдах нам /БНН/-ын ерөнхий нарийн бичгийн дарга Б.Зоригоо нарын хүмүүс өнөөдөр /2018.10.01/ цаг үеийн асуудлаар мэдээлэл хийлээ.

Тэрбээр “Өнөөгийн Засгийн газар бидэнд маш олон том амлалт өгсөн. Оффшор бүс дэх мөнгийг эх орондоо оруулж ирнэ, Эрдэнэтийн 49 хувийг ард түмэнд хүртээнэ, ард түмнийг өргүй болгоно, хүүхдийн мөнгийг нэмнэ, авлигагүй нийгмийг бүтээнэ гэсэн. Энэ амлалтууд биеллээ олсон бол одоо бид дутагдах зүйлгүй сайхан амьдарч байх ёстой. Амлалтандаа хүрдэггүй төрд ард иргэд бид итгээд, хууртагдаад байж болохгүй. Бид хамтдаа үүнийг өөрчлөх ёстой” гэв.

Монгол Улс асуудлаа шийдэхийн тулд жагсаж цуглах нь ямар ч үр дүнгүй. Харин  хэвлэл мэдээллийн байгууллагуудтай хамтарч ажиллах нь үр дүнд хүрнэ гэж үзжээ.

 М.БААСАНДЭЛГЭР