Зохиолч, яруу найрагч, сэтгүүлч Б.Цогнэмэхийн  "Тэнгэрийн хүү", "Цагаан морины домог" номууд өнөөдрөөс эхлэн уншигчдын гарт хүрч байна. “Цагаан морины домог”  номонд орсон “Цагаан морины домог”  өгүүллэг нь  гурав хоногийн өмнө Монголын зохиолчдын эвлэлээс зохион байгуулсан оны шилдэг бүтээл шалгаруулах "Алтан өд-2014" наадмын баримтат уран зохиолын төрөлд тэргүүн байр эзэлсэн бүтээл юм.

Тэнгэрийн хүү зохиолын хувьд 2011 онд Улсын драмын эрдмийн театрын 80 жилийн ойг тохиолдуулан зарласан түүхэн жүжгийн зохиолын уралдаанд тэргүүн байр  эзэлж, УДЭТ-ын найруулагч соёлын тэргүүний ажилтан Н.Наранбаатар найруулж, театрын тайзнаа амилсан билээ. Харин энэ удаад “Тэнгэрийн хүү” жүжгийн зохиолыг уншихад зориулан ном болгон  гаргаж байгаа юм. Б.Цогнэмэхийн шинэхэн бүтээлүүдийг бүх номын дэлгүүрүүдээр худалдаалж байна.

Б.СОНИНБИЛЭГ