Газар хөдлөлт, цунамигийн улмаас 832 хүн амиа алджээ

Индонезийн Сулавеси арал дээр болсон газар хөдлөлт болон түүний дараах цунамигийн улмаас 832 хүн нас барсан тухай Үндэсний гамшгийн менежментийн хэлтсийн төлөөлөгч мэдээлжээ.

Тус улсын Засгийн газар байгалийн давагдашгүй хүчин зүйлсээс болж хохирсон хүмүүст долоон сая ам.долларын тусламж үзүүлэхээр болсон байна.

Сануулахад, Палу хотын ойролцоо 7.5 магнитудын хүчтэй газар хөдлөлт болсон байна. Үүний дараа цунами үүссэн бөгөөд давалгааны өндөр нь 2 метрт хүрчээ.