Македон улсын нэрийг өөрчлөх бүх нийтийн санал асуулга болж байна | News.MN - Мэдээллийн эх сурвалж

Македон улсын нэрийг өөрчлөх бүх нийтийн санал асуулга болж байна

Македон улсын нэрийг өөрчлөх бүх нийтийн санал асуулга болж байна

Македонийн ард түмэн өнөөдөр /2018.09.30/ эх орныхоо нэрийг Хойд Македон болгон өөрчлөх болон Европын холбоо, Хойд Атлантын эвсэлд элсэх тухай бүх нийтийн санал асуулгад оролцож байна. Энэхүү санал асуулгыг тус улс долдугаар сард Гректэй  "Преспаны хэлэлцээ"-нд гарын үсэг зурсны дараагаар Ерөнхий сайд Зоран Заев санаачилжээ.

Хэрвээ Скопье улс эх орныхоо нэрийг өөрчилбөл Грекийн Засгийн газар тус улсыг НАТО болон Европын холбоонд элсэхэд нь тавьсан хоригоо цуцлахад бэлэн гэдгээ мэдэгдсэн. Энэ үйл явдал олон улсын тоглогчдын анхаарлыг ихэд татаж байна. Учир нь, есдүгээр сарын 16-17-нд АНУ-ын Батлан хамгаалахын сайд Жеймс Мэттис Скопьед айлчлал хийсэн бөгөөд тэрбээр бүх нийтийн санал асуулга нь тус улсын цаашдын ахиц дэвшилд түүхэн ач холбогдолтой хэмээсэн мэдэгдэл хийсэн билээ. Харин сөрөг хүчнийхэн бүх нийтийн санал асуулгыг эсэргүүцэн, бойкотлохоор иргэдийг уриалж байна.

Сануулахад, 1991 онд Югославын бүрэлдэхүүнийг Македон орхин гарахаар болсноо мэдэгдсэний дараа Афинчууд шинэ улсыг өөрийн үндсэн хуулийн нэрээр нь хүлээн зөвшөөрөхөөс татгалзсан. Македон хэмээн түүхэн газар нутаг нь Югославын хуучин нутаг, Грекийн хойд хэсгийн нутаг дэвсгэрийг хамран оршдог.

Афинчууд Скопьегийн зүгээс ирэх нутаг дэвсгэрийн маргаанаас үргэлж болгоомжилж ирсэн. Үүнээс гадна грекүүд түүхэн нэр хүндтэй нь холбоотой шалтгаан байдаг аж. Тэд Югославаас тусгаарлагдсан Македоны хүн ам эртний түүхт улс болон түүний нэршилтэй ямар нэгэн холбоогүй гэж үзэж байгаа юм байна.  Харин Скопье зүгээс эсрэгээрээ Македоны төрт улс Александр Македоны үеэс эхлэлтэй. Энэ түүхийг грекүүдэд өгөхийг хүсэхгүй байгаагаа илэрхийлжээ.

Грекүүд Македоныг өөрийн үндсэн хуулийн нэрийг ашиглахад нь саад тавьсаар ирсэн. Үүний үр дүнд, НҮБ-ын зүгээс Бүгд найрамдах Македон улс хэмээх нэрээр нэрлэж ирсэн бөгөөд Европын холбоо НАТО-д элсэх эрхийг нь арван жилээр хязгаарласан билээ.

Харин Заев Македоны Засгийн эрхэнд гарснаар Афинтай хэлэлцээний ширээний ард сууж, эх орныхоо нэрийг өөрчлөх, Европын холбоо, НАТО-д элсэх асуудлыг ийнхүү дахин гаргаж ирсэн ажээ.

А.АНИР

Эх сурвалж: RT

 

 

 

 

 

 

 

 

 

"Болор дуран"-аар шалгав.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

7 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2018-09-30 202.21.106.122

Сүүлийн үед хасгууд Чингисийг булаалдаж Их Монголын байлдан дагуулалтын гавьяаг өөртөө нялзаах гэж солиоролд автаж сүүлдээ бүр өөрсдийгөө Монгол болгох санаатай улсынхаа нэрийг төстэй Менги Ил гэж нэрлэе гэсэн санааг ч цухалзуулж байдаг болсон байна лээ. Македонууд Грекээс бас тэгэж авах санаатай байх. Уг нь тэд Слав угсааны хүмүүс шүү дээ.

Зочин 2018-09-30 66.181.179.139

Македоны Александраар евчилж дууссан хэсэг халтар европууд тэнд байна лээ!! Жорлон , талбай, орц хонгил, гудамж амбаар, хоол унд, ус жvvс, алчуур cалфетк, оймс гутал, ... гээд бvгд Александр. Тоо томшгvй хешее бvгд Александр юм билээ.

Зочин 2018-09-30 66.181.179.139

Манайхан бvх юмаа Чингэс гэж нэрлэх, бvгд Чингэс гэж дэвдэг шиг Македоны Александраар евчилж дууссан хэсэг халтар европууд тэнд байна лээ!! Жорлон , талбай, орц хонгил, гудамж амбаар, хоол унд, ус жvvс, алчуур cалфетк, оймс гутал, ... гээд бvгд Александр. Тоо томшгvй хешее бvгд Александр юм билээ.

Зочин 2018-09-30 66.181.179.139

Манайхан бvх юмаа Чингэс гэж нэрлэх, бvгд Чингэс гэж дэвдэг шиг Македоны Александраар евчилж дууссан хэсэг халтар европууд тэнд байна лээ!! Жорлон , талбай, орц хонгил, гудамж амбаар, хоол унд, ус жvvс, алчуур cалфетк, оймс гутал, ... гээд бvгд Александр. Тоо томшгvй хешее бvгд Александр юм билээ.

Зочин 2018-09-30 182.160.2.161

Солих хэрэггүй байх аа

Зочин 2018-09-30 202.9.40.54

Хэнд ямар хамаатай мэдээ вэ

??? 2018-09-30 66.181.160.18

Македони нэрээ өөрчилбөл Грек түүнд элдэв саад хориг тавихаа болино гэсэн болзол тавьсан шүү дээ!!! Юу бичээд байнаа, нөхөөр???