Индонезид газар хөдөлж, 30 хүн амь үрэгджээ | News.MN

Индонезид газар хөдөлж, 30 хүн амь үрэгджээ

Индонезид газар хөдөлж, 30 хүн амь үрэгджээ

Индонезид газар хөдөлж, 30 хүн амь үрэгджээ

Индонезийн Сулавеси аралд өчигдөр /2018.09.28/ хүчтэй газар хөдлөлт тохиосны улмаас цунами болжээ. Одоогийн байдлаар байгалийн гамшигт 30 гаруй хүн амь үрэгдсэн болохыг аврах ажилтнууд тодруулаад байна.

Газар хөдлөлт 7.5 магнитуд байсан бөгөөд хоёр метр өндөр давалгаатай цунами үүссэн аж.

“Амь үрэгдэгсдийн цогцос энэ тэндгүй байсан. Тэд байшингийн нурангид даруулсан эсвэл цунамигийн давалгаанд шидэгдсэн. Бид одоогийн байдлаар мэдээлэл цуглуулж байна” хэмээн Индонезийн байгалийн гамшигтай тэмцэх агентлагийн төлөөлөгч Сүтопо Пүрво Нүгрохо мэдэгджээ.

Мөн газар хөдлөлт болон цунамигаас болж Сулавеси арлын Палу хотын цахилгаан станцуудад эвдрэл үүссэний улмаас арлын харилцаа холбоог хязгаарлагдаж аврах албаныхан тусламж үзүүлэхэд багагүй хүндрэлтэй тулгарч байгаа талаар дурджээ. “Гамшиг болсон газарт одоогийн байдлаар нүүлгэн шилжүүлэлт болон тусламжийн аян өрнөөгүй байна” хэмээн Палу арлын иргэн Тезар Кодонган Метро орон нутгийн телевизэд ярьжээ.

Индонезийн Сулавеси арлын Палу болон Донггалад 600 мянган гаруй хүн амьдардаг аж. Өнгөрсөн наймдугаар сарын 19-нд Индонези улсын Ломбок аралд 6.9 магнитудын газар хөдлөлт болж байсан бөгөөд 98 хүн амь үрэгдэж, 236 хүн бэртэж гэмтсэн.

Эх сурвалж: Reuters, AFP
Г. Мандах

"Болор дуран"-аар шалгав.
Энэ мэдээнд өгөх таны сэтгэгдэл?
2
ХарамсалтайХарамсалтай
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-09-29 58.140.202.122

хэцүү ч юмаа даа.ингэхэд байнашдээ индонез чинь тэр чигтээ лал юм шиг бна лээшд

Avatar

Тэднийг бурхан өршөөг 2018-09-29 120.16.3.184

Индонез япон филлиппин болон тэр хавийн улс ирээдүйд цунамидуулаад дуусах юм байна даа,

NewsMN Гар утасны хувилбар Татах
NEWS.mn

Мэдээллийн эх сурвалж