“Хос мастер” шатрын академиас энэ сарын 29, 30-нд өсвөрийн шатарчдын “Алтан намар-2018” тэмцээнийг зохион байгуулах болжээ. Тэмцээн тус академийн байранд зохион байгуулагдах бөгөөд 8, 10, 12, 13-18 насны ангиллаар тухайн насны эрэгтэй, эмэгтэй шатарчдыг нэг ангилалд тоглуулан шагналыг тус тусад нь олгох аж. Уралдааныг Швейцарь системээр 7 өрөг тоглож, өрөг нэг талдаа 1 цаг буюу нийтдээ 2 цагт багтаж дуусах ажээ.

Одоогоор тэмцээнд оролцохоор 120 хүн бүртгүүлсэн байна.

Уг тэмцээний зорилго нь өсвөрийн шатарчдын ур чадварыг дээшлүүлэх, харилцан суралцах, түвшингээ ахиулах, мэдлэг, туршлагаа нэмэгдүүлэхэд оршиж байна.

Б.УУГАНБАЯР