Цэцэрлэгт орсон Г.Буянбаатар хүү багш болох мөрөөдөлтэй | News.MN - Мэдээллийн эх сурвалж

Цэцэрлэгт орсон Г.Буянбаатар хүү багш болох мөрөөдөлтэй

Цэцэрлэгт орсон Г.Буянбаатар хүү багш болох мөрөөдөлтэй

Нийслэлийн 135 цэцэрлэг 680  хүүхэдтэй. Г.Буянбаатарын хувьд ахлахын “А” бүлэгт элссэн байна.

Г.Буянбаатар хэмээх таван настай хүү өглөө бүр нийслэлийн 135 дугаар цэцэрлэгийн үүдэнд байрлах сандал дээр суугаад цэцэрлэгт ирж байгаа хүүхдүүдийг харан суудаг болжээ. Цэцэрлэгийн ажилчид хүүг гэрт нь хүргэж өгөх гэхээр “Би цэцэрлэгт л явмаар байна” гэж хэлдэг байсан аж. Цэцэрлэгийн ажилчид нөхцөл байдлыг эрхлэгч А.Анхмаад хэлснээр хүүг цэцэрлэгт авчээ.

ЭЕРЭГ МЭДЭЭЛЛИЙГ ИХ САЙХНААР ХҮЛЭЭЖ АВДАГ БОЛЖ

Биднийг тус цэцэрлэгт очиход Буянбаатар хүү ангийнхантайгаа тоглож байлаа. Тэрбээр хурц тод хэлтэй, найрсаг жаал аж. Ангийн багш Ц.Догсмоо “Хүү өчигдрөөс эхлэн цэцэрлэгт явж байгаа ч биеэ их даасан, мундаг байна. Хувцсаа жимбийтэл эвхээд тавьчихдаг, цэвэрхэн хооллочихдог, ичиж бэргэлгүйгээр хүүхдүүдийн дунд ороод тоглож байна. Бидэнд шүлэг, үлгэр уншиж, дуу дуулж өгсөн” гэлээ. Мөн “Хүү манай цэцэрлэгийн үүдэнд хоёр өглөө суусан. Эрхлэгч эрхийнхээ хүрээнд цэцэрлэгт оруулахаар болж, хоёр хоногийн өмнө ээжтэй нь уулзаж эрүүл мэндийн шинжилгээ хийлгээд ир гэсэн. Боломжгүй байсан юм уу ээж нь ирээгүй. Гэтэл өглөө нь хүү дахин ирээд үүдэнд суусан. Ингээд цэцэрлэгийн ажилчид түүнийг шинжилгээнд хамруулж, хувцаслан, усанд оруулж цэцэрлэгт хүүхэд явуулахад тавьдаг шаардлагын дагуу бүх бэлтгэлийг хийсэн. Энэ үйл явдлын талаарх мэдээллийг өөрийн facebook-т байрлуултал 2.8 мянган хүн шейрлэсэн байсан. Ингэж хүмүүст хүрнэ гэж санаагүй. Манайхан эерэг мэдээллийг их сайхнаар хүлээн авдаг болж. Өнөө өглөө нэг хүн ирж хүүд өвлийн гутал бэлэглэсэн. Хүүгийн хөл өвөл даарахааргүй боллоо” гэж байлаа.

ТҮҮНИЙ ХИЧЭЭЛ ЗҮТГЭЛИЙГ ҮНЭЛЭЭД ЦЭЦЭРЛЭГТ АВСАН

Нийслэлийн 135 цэцэрлэг 16 бүлгийн 680  хүүхэдтэй аж. Г.Буянбаатарын хувьд ахлахын “А” бүлэгт элссэн байна. Тус анги амьтантай танилцах анги аж. Ангид гурван мэлхий, хоёр тоть, загас байдаг юм байна. Г.Буянбаатар “Энэ амьтад хөөрхөн байгаа биз. Би тэд нарт хайртай. Цэцэрлэгт явах үнэхээр сайхан байна” гэж байлаа. Мөн тэрбээр багш болох мөрөөдөлтэй аж.

Цэцэрлэгийн эрхлэгч А.Анхмаа “Цэцэрлэгт явах чин хүсэл байвч боломжгүй байгаа энэ хүүхдийг яах билээ. Манайх олон хүүхэдтэй ч түүний хичээл зүтгэлийг үнэлээд цэцэрлэгтээ авсан” гэв.

Удалгүй Г.Буянбаатарыг авахаар ээж нь ирэв. Ангийн багш "Хүүхдийн хичээлийн хэрэглэл, ариун цэврийн хэрэгслүүдийг эцэг, эх нь бэлтгэх ёстой ч бид Г.Буянбаатарын хичээлийн хэрэгсэл, ариун цэврийн хэрэгслүүдийг бэлтгэсэн. Таны зүгээс хүүхдээ цэцэрлэгт хүргэж өгч, авч байхад болно.” гэлээ.

ЦЭЦЭРЛЭГИЙН ХАШААНД ТОГЛОХООР ЯВДАГ Ч ЦЭЦЭРЛЭГ ДОТОР ОРООД СУУЧИХДАГ БАЙСАН ЮМ БИЛЭЭ

Ээж Б.Үүрийнцолмонгоос хүүгийн талаар лавлахад “Баянзүрхийн товчоонд байх үед хүү маань төлбөртэй цэцэрлэгт хэдэн сар явсан. Төлбөрийг нь дийлээгүй тул дахин цэцэрлэгт явуулж чадаагүй. Би саяхнаас энэ цэцэрлэгийн урд байрлах байранд орцны жижүүр хийх болсон. Намайг ажлаа хийх хооронд хүү маань цэцэрлэгийн хашаанд орж тоглохоор явдаг байсан. Тэгэхдээ цэцэрлэг дотор ороод суучихдаг байсан юм билээ. Хүүг маань цэцэрлэгт авч, ийм сайхан боломж олгосон хамт олонд маш их баярлаж байна” гэлээ. Мөн “Манай хүү үргэлж л бусдын эгдүүг хүргэдэг юм. Гудманд хүн зөрөхөөр “Энэ ямар хөөрхөн эгч вэ. Би энэ ахад, эгчид хайртай” гэж хэлдэг хэмээж байлаа.

"ХҮҮГИЙН ААВ ӨӨР ЭХНЭР АВААД, БИДНИЙГ ОРХИОД ЯВСАН"

Ээж, хүү хоёртой гэрт нь хамтдаа очив. Тэд цэцэрлэгийн урд байрлах 10 дугаар байрны орцонд, шатны доод хэсэгт амьдардаг юм байна. Өрөөнд нэг авдар, зурагт, ор байв. Саяхан буюу энэ сарын 19-нд нүүж иржээ. Түүнээс өмнө Б.Үүрийнцолмон Баянзүрхийн товчоонд саальчин хийдэг байсан аж. Эхээс дөрвүүл ч багаасаа өнчирч, эгч, дүү хоёртойгоо үлдсэн ч тус тусын амьдралаа хөөжээ. Тэрбээр “Манай найз намайг энэ ажилд оруулж өгсөн. Өглөө оройгүй үнээ сааж, хүнд өвс өргөхөөс хамаагүй амар ажил юм. Хүү маань цэцэрлэгт, би ажилд орчихлоо. Одоо их сайхан амьдарна” гэж байлаа.

Түүнээс хүүгийн аавын талаар асуухад “Би эгчээсээ нэг гэр аваад хүүгийн аавтай хамт амьдарч байсан. Хүүг хоёр настай байхад өөр эхнэр аваад, биднийг орхиод явсан. Түүнээс хойш нэг ч удаа уулзаагүй” гэв. Мөн тэрбээр саальчин хийж байхдаа 300 мянган төгрөгийн цалин авдаг байжээ. Одоо 380 мянган төгрөгийн цалин авах бөгөөд анхны цалингаараа хамгийн түрүүнд хүнсний материал аваад үлдсэн хэсгийг нь хөргөгч авахаар хадгална гэж байсан юм. Мөн “Жаахан гэдэс байсан ч хүүдээ хоол хийгээд өгчихдөг юм. Хөргөгчтэй болж, цалин буусан үедээ авсан хүнсээ хадгалахгүй бол хүүгийнхээ гэдсийг өвтгөчихөж магадгүй” гэж байлаа. Түүнчлэн “Хүү маань наадмын өдөр төрсөн. Буянтай бас баатар хүн болоорой гээд Буянбаатар гэдэг нэрийг өгсөн юм. Хүү маань өөрийн зүтгэлээр цэцэрлэгтэй болчихлоо. Цэцэрлэгийнхэн нь шаардлагатай зүйлийг нь бэлтгэж, цүнх хүртэл өгсөн. Хүү маань цүнхээ дахин дахин үүрээд бөөн баяр байгаа. Одоо хүүгээ эрдэм номтой, сайн хүн болгохын тулд хичээх болно. Ар гэрийн боломжгүйгээс би дөрөвдүгээр ангиа төгсөөд  сургуулиас гарсан. Ажлыг гололгүй хийнэ” гэж байлаа.

"Болор дуран"-аар шалгав.

Холбоотой мэдээ

59 сэтгэгдэл

News.mn сайтад сэтгэгдэл оруулахад анхаарах зүйлс

baaska 2018-09-28 202.9.42.95

harhad l hair tatsan araguil buyntai huu bna. ineed ni ih huurhun ymaa. eruul enh sain saihan buhniig husie.

Зочин 2018-09-28 65.113.153.203

Энэ цэцэрлэгийн хамт олонд талархал илэрхийлье.хүний сайхан сэтгэл эргээд өөрсдөд нь буян болж ирнэээ.энэ хүү ирээдүйд сайн хүн болох нь тодорхой.Гагцхүү түүнд боломж олгох хэрэгтэй.Туйлшрал гээд байх хэрэггүй.Энэ бол Монгол хүнд байдаг нэг онцгой чанар.

Лхам 2018-09-28 103.212.119.63

Цэцэрлэгийн хамт олонд баяр хүргэe.Ямар сайхан хүмүүс вэ?

Зочин 2018-09-28 103.212.119.63

Цэцэрлэгийн хамт олонд талархаж байна..Буянтай сайхан хүү буянтай багш нараа түншин эрдэм номтой сайн хүн болох болтугай.

mgl 2018-09-28 64.119.19.189

Zaa odoo bolno shdee. Yun ch tuilshirdag yum. Iim amidraltai humuus zunduu bgaa. Eej huu 2 harin sergelen bna.

Зочин 2018-09-28 103.212.117.181

Нүүрэнд нь гэрэл цацарсан хүүд аз жаргал хүсье

Зочин 2018-09-28 185.193.125.190

Huurhun yumaa

ХУВЬ ТАВИЛАН 2018-09-28 202.126.89.180

ХӨӨРХӨН ТҮНТГЭР ХҮҮД АЗ ЖАРГАЛ ХҮСЬЕ. ЭЭЖ НЬ САЙН ХҮНТЭЙ СУУЧААСАЙ. БУРХАН МИНЬ....

Хөөрхөн хүүд 2018-09-28 202.126.89.180

БУРХАН МИНЬ . БИД ЯМАР НИЙГЭМ БАЙГУУЛЖ БАЙНАА. ХӨӨРХӨН ХҮҮД АЗ ЖАРГАЛ ХҮСЬЕ

НААДМЫН ӨДӨР ТӨРСӨН БУЯНТАЙ БААТАР ХҮҮ БАЙНАШҮҮДЭЭ 2018-09-28 202.9.43.73

МАНАЙ МУНДАГ БӨХЧҮҮД САНААЧЛАГА ГАРГААД ЭНЭ ХОЁРЫГОО БАЙРТАЙ БОЛГОЁО, ТОМ БАЙР ХЭРЭГГҮЙШДЭ, АШИГЛАЛТЫН ЗАРДЛЫ НЬ ДИЙЛЭХГҮЙ ЖИЖИГХЭН 1 ӨРӨӨ БАЙР

zochin 2018-09-28 202.9.43.73

ээж хүү 2-ыг нэг өрөө жижигхээн хөөрхөн байртай болговол яасым бэ манайхаан

Zochin 2018-09-28 27.123.214.2

Сайхан мэдээ. Өдөр бүр ийм өөдрөг гэгээлэг мэдээлэлд дунд амьдрахсан. Жаргал зовлог ээлжилдэг хорвоод ядарч зовж буй нэгэндээ илүүчлэх туслах Монгол хүний агуу сэтгэлийг магтан дуулая. Болвол ээжид нь арай дээр ажил бас гэр орны асуудлыг нь хамтраад шийдээд өгөхсөндөө хэдүүлээ.

zochin 2018-09-28 66.181.160.67

Xoorxiimaa manai 3 nastai dvv ch bas bagshaa ywi gd tsetserlegt ywah ih durtai daanch tsertserlegiin sugalaand orj chadaagvin ulmaas gertee bdg vrgelj l bagshaa gd l togloj bdg shde ih sergelen awiyastai ug ni vvnchlen ynz ynziin shaltgaanaas bolj tsetserlegt ywj chadahgvi bga surah hvseltei olon hvvhed bdg bhda l gj bdhine

Зочин 2018-09-28 122.201.26.210

Хүүхдийн нэр, зураг, гэрийн хаяг гээд хувийн бүх мэдээллийг нь ингэж хамаагүй дэлгэж болохгүй шдээ сэтгүүлч ээ

Гэрлээ 2018-09-28 202.131.225.150

Цэцэрлэгийн хамт олонд баяр хүргье. Нэр нь хүртэл буян дагуулсан баатар хүү байна даа . Ирээдүй нь гэрэлтэй сайхан байж эрүүл энх сайн сайхан амьдраарай гэж ерөөе. Нэр нь цуурайтсан сайхан хүү эх орон элгэн садандаа ач буян нь дэлгэрсэн мундаг сайн хүн болно байхаа гэж билэгшээж байна.

Монгол хүн 2018-09-28 203.91.115.52

135 дугаар цэцэрлэгийнхэн ямар сайхан хүмүүс вэ. Та бүхэнд амжилт хүсье.

Зочин 2018-09-28 202.131.242.254

135-р цэцэрлэгийн удирдлага, хамт олонд баярлалаа.

Zochin 2018-09-28 122.201.24.88

Sain bna

zochin 2018-09-28 202.21.100.210

huuhed ortsnii hongild bish gerel tsatsarsan tsetserlegt yavah ni zuvuu sain uils delgereh boltugai

Zochin 2018-09-28 66.181.188.97

Ene 11-r horoollin 10-r bair mun uu. Manaid neg huuchin hurgugch baigaa yum, teriig ugchih yumsan. Bi nyalkh huuhedtei bolohoor gerees garch amjihgui ni. Yaj avch ugultsuh be?

Зочин 2018-09-28 43.242.243.137

Үүрийнцолмонгийн дугаар 89560714\nҮүрийнцолмонгийн дугаар 89560714

Зочин 2018-09-28 66.181.188.97

Za bayarlalaa.

Зочин 2018-09-28 66.181.185.141

Сэтгэл сэргээх недолго сайхан мэдээ бн. Цэцэрлэгийхэнд баярлалаа

Luka 2018-09-28 182.160.32.152

Энэ цэцэрлэгийн хамт олонд талархалаа. Ийм хөөрхөн хүүгээ орхиод явчдаг тааруухан л аав юм даа.\nИйм хөөрхөн сэргэлэн цовоо хүү удахгүй сайхан эр болоод ээжийгээ өргөөд явчихна сайхан даа.

Зочин 2018-09-28 202.179.31.120

iim xoorxon xuuxduudiig orxiod ywchixdag taaruuxan aaw nar nileedgui olon gd bodxoor xaramsmaar bgamdaa.

zuitei 2018-09-28 203.91.115.46

tsetserlegiin hamt olond bayrallaa amjilt husey

Уншигч 2018-09-28 202.55.188.35

Сайхан мэдээ байна. Бидний цөөхөн монголчууд биенээ хайрлах жамтай.М.Цэдэндорж

Зочин 2018-09-28 66.181.165.93

нэг ч гэсэн мохгол хүний заяа,,,цэцэрлэгийн хамт олонд баяр хүргэе

Зөв мэдээ 2018-09-28 103.11.195.19

ХМ-ийн байгууллагууд саарал ордон, яамны дарга нарын жижүүрийн үгээр мэдээ хийгээд удаж байна. NEWS харин сүүлийн үед жирийн иргэний амвдралтай холбогдох 2 ч мэдээ гаргалаа. Өчигдөр талбайн баруун урд 20 жил ном зарж буй хүнтэй ярилцлага хийж нийтэлсэн байсан. Зөв шүү. Данийн сэтгүлүч 1 удаа хэлж байсан: гудамжинд бохир бэлгэвчээ хаясан харагдах юм. Бас гудамжаар явж байхад тарншейн нүхнээс хүүхдүүд гарч ирэх юм. Энэ чинь "ноцтой" мэдээний сэдэв. Гэтэл оройжин ордны адил шахуу мэдээ гарах юм гэж

нараа 2018-09-28 203.169.48.34

Хөөрхөн нүдэнд дулаахан хүү байна. 135 цэцэрлэгийн хамт олонд амжилт хүсье

Oyunii hoosrol 2018-09-28 202.131.246.174

100 yamaand 60 uhna gej ene har myangan site, tv-d sedev baihgui ail geriin ar geriin amidral, avgai huuhnii heruul l bichih yumdaa.

Зочин 2018-09-28 202.179.27.176

Хөөрхөн түнтгэр бор хүү

Зочин 2018-09-28 202.131.225.20

эрчүүд ийм балиаааарррр,

Nd 2018-09-28 202.126.89.80

Saihan setgeltei hunuus muugaasaa ix baigaa shuu. Eej huu 2 hicheegeerei

Сайн хүн болоорой!!! 2018-09-28 175.38.117.60

Буян дэлгэрэг!!! Аз жаргал хүсье!!!

Сэнгээ 2018-09-28 43.242.243.137

N NEWS-д баярлал.Ээж нь хүүгээ бие даах чадвартай,зөв өсгөж байгаа юм байна..Дансаа тавьчихдаа.Би хэдэн төгрөг хиййе.Хүүхдийн,хувцас хоолонд нь нэмэр болог.

Р.Ренчиндулам

Р.Ренчиндулам 2018-09-28 202.70.42.102

Үүрийнцолмонгийн дугаар 89560714

Зочин 2018-09-28 64.119.16.134

Я ар ч сайхан юм бэ дээ хүний сайхан сэтгэл гэж. Хөөрхөн хүү нь ээжийгээ үргэлж баярлуулж өргөж, түр ж явах юм байна даа. Ийм сайхан буянтай, чадалтай сайхан ээжийн дэргэд сайн хүн болноо. Хар н амьдрах орчин үнэхээр зүрх үүслээ. Тэр аав гээд байгаа нөхөр хүүхдийнхээ тэтгэлгийг төлөх хэрэгтэй шд. Хурдхан хөргөгчтэй болчлоо ч нэг хэсэгтээ бас яахвээ. Мөн удахгүй өөрийн гэсэн орон байртай болохын ерөөлийг дэвшүүлье.

Зочин 2018-09-28 122.201.25.46

Цэцэрлэгийг телевизгүй болгоё.

хүннү 2018-09-28 202.179.24.16

Ямар сайхан юм бэ?Бид хэд бие биендээ ингэж хандаад байвал мөнч сайхан шүү. Энэ нэг "хүн чанар" гэдэг зүйл чинь өмнө нь бидэнд байсан юм, зах зээл гэдэгт ороод тэр сайхан чанар маань биднээс холдоод их удлаа одоо эргэн ирж байгаа юм биш байгаа даа, сайхан байна.

bb 2018-09-28 183.177.97.14

Eej huu 2-t hamgiin sain saihan buhniig husiye

Зочин 2018-09-28 183.177.97.14

Eej huu 2-t sain saihan buhniig husiye ee

Зочин 2018-09-28 66.181.165.249

Хамаг мэдээлэл байршлыг нь дэлгээд хаячих юм аюултай шдээ.

Зочин 2018-09-28 119.40.97.6

Үнэний хувьтай. Гэхдээ гайгүй байх аа. хэт баярлаад зарим нэг сэтгүүлч нар жаахан цэнзүүргүй л дээ.

Зочин 2018-09-28 74.82.35.52

saixan medee bna

Ayduu 2018-09-28 66.181.161.36

Iwii dee yasan ch hoorhon hvv we dee

Зочин 2018-09-28 183.177.106.66

Энэ Монгол эрчүүд яагаад ийм арчаагүй эр хүн шиг гэрийн багана шиг байж чадахгүй болсон юм бэ

s 2018-09-28 202.131.225.150

hun bolgon tiim bish shuu.

Зочин 2018-09-28 64.119.21.231

Монгол эрчүүд гээд нилэнхүйд нь муулах хэрэггүй. Олон хүн сайнтай муутай. Олиггүй эмэгтэйчүүд ч зөндөө бий. Манай нөхөр бол сайхан сэтгэлтэй, ажилсаг гэр бүл үр хүүхэд биднийхээ төлөө хамгаа зориулдаг сайхан монгол эр хүн байдаг.

Зочин 2018-09-28 64.119.21.231

Арчаагүй хүүхнүүд ч бас зөндөө бий

Amar 2018-09-28 202.179.27.11

Сайн цаг ирж байна даа.

Jagaa 2018-09-28 103.229.177.50

Boon aldaa. Aldaagaa zasaach ee

zochin 2018-09-28 66.181.161.126

ene eejid tuslah vmsan orovdood uilchlaa

Зочин 2018-09-28 202.179.24.252

Тус багадахгүй хаяаад авсан ааввас тэтгэмж аваад өгөхсөн

Зочин 2018-09-28 66.181.171.34

шүүхээр тэтгэмж тогтоолгох хэрэгтэй байхдаа.

зочин 2018-09-28 202.131.245.69

цэцэрлэгийнхэн эмзэг бүлгийн өрхийн хүүхдийг судалж холбогдох бичиг баримтыг бүрдүүлээд СӨБ-д хамруулдаг. харин хорооны Засаг дарга нар энэ чиглэлээр бүртгэл судалгаатай санаачлагатай байх хэрэгтэй. Мөн 5 настай бүх хүүхдийг заавал СӨБ-ийн ямар нэг хэлбэрийн сургалтад хамруулдаг. Ийм тустай үйл хийдэг цэцэрлэгийнхэн зөндөө байдаг.

Зочин 2018-09-28 203.169.49.95

Зөв амьдарч, ажлаа сайн хиывэл хүмүүс хүрээлж байгаа нь сайхан байна.

135 2018-09-28 66.181.169.110

156 биш Сүхбаатар дүүргийн 135 дугаар цэцэрлэг шүү

135 2018-09-28 66.181.169.110

156 дугаар цэцэрлэг биш, Сүхбаатар дүүргийн 135 дугаар цэцэрлэг шүү.