НИЙСЛЭЛ ХОТЫН ЦАГ АГААР 

Үүлэрхэг. Шөнөдөө ялимгүй хур тунадас, өдөртөө бага зэргийн хур тунадас орно. Салхи баруун хойноос секундэд 5-10 метр, зарим үед секундэд 12-14 метр хүрч ширүүснэ. Сэрүүсч шөнөдөө 0-2 градус хүйтэн, өдөртөө 5-7 градус дулаан байна.

ӨНӨӨДӨР БОЛОХ ҮЙЛ ЯВДАЛ 

08.30

• Цагдаагийн Ерөнхий Газрын Хэрэг бүртгэх албанаас  "Хүний эрүүл мэндийн халдашгүй байдлын эсрэг гэмт хэргээс урьдчилан сэргийлэх арга зам" сэдэвт хэлэлцүүлэг болно. Холбоо барих утас:98111745, 99073145

10.00

• НЗДТГ-ын 14 давхарт Нийслэлийн ИТХ-ын Ээлжит 18-р хуралдаан болно. Хуралдаанаар “Улаанбаатар хотын авто замын хөдөлгөөний ачааллыг бууруулах зарим арга хэмжээний тухай” 70 дугаар тогтоолын хэрэгжилт, “Иргэдийн амьдрах орчны аюулгүй байдлыг хангах чиглэлээр авах арга хэмжээний тухай” 119 дүгээр тогтоолын хэрэгжилтийн талаар хэлэлцэнэ. Холбоо барих утас:88058053
• "Монгол Улсын гадаад худалдааны бодлогод анхаарах асуудлууд" сэдэвт хэлэлцүүлэг "Корпорейт" конвеншин сентрийн "Улаанбаатар" танхимд болно.
• Сонгуулийн санхүүжилтийн ил тод байдал, хариуцлага хурал Нээлттэй Нийгэм Форумын хурлын танхимд болно.

16.00

• "Дүрслэх урлагийн шилдэг бүтээл – 2018" үзэсгэлэнгийн нээлт  “Уран зургийн галерей”-д болно. Холбоо барих утас: 99849000

17.30

• МУБИС -ийн Багшийн сургууль, Өөрчлөлтийг чиглүүлэгч төрийн бус байгууллага, БМДИ хамтран зохион байгуулж буй "Ном унших дадлаа өсгөе" аян хаалтын үйл ажиллагаа Багшийн сургуулийн урлаг зааланд болно.

ЭНЭ ӨДӨР МОНГОЛЫН ТҮҮХЭНД

1934.09.28 МАХН-ын есдүгээр их хурал нээгдэв. 242 төлөөлөгч оролцсон тус их хурлаар үндэсний соёл боловсролыг дээшлүүлж, хөгжүүлэх шийдвэр гаргав.

1965.09.28 БНХАУ-ын тусламжаар барьж буй Улаанбаатар-Налайхын хатуу хучилттай авто замын ажил дуусч хүлээлгэн өгөх ёслол болов.

1993.09.28 Орос, Монгол, Хятад гурван улсын хилийн хэлэлцээр Хайлаарт зохион байгуулагдаж, гурван улсын Засгийн газар Хятад, Монгол, Орос гурван улсын хил тогтоох гэрээг гурван тал дахин шинээр үзэглэв.