Мөрөөдөгчдийн өдөр хоёр дахь жилдээ зохион байгуулагдах гэж байна. Энэ өдрөөр дэлхийн алдартай арт хаус бүтээлүүдийг кинонд сонирхогчдод хүргэдэг билээ. Тэгвэл мөрөөдөгч залуус 2015 оны эхний уран бүтээлийг үнэгүй үзэх нь ээ. “Банг банг клуб” нэртэй кино нь дөрвөн гэрэл зургийн сурвалжлагчдын тухай болон баримтат гэрэл зургийн тухай өгүүлдэг. Уг киног нэгдүгээр сарын 10-нд Энхтайван найрамдлын ордонд 16:00 цагт үнэгүй үзүүлэх ажээ.

“Dreamers day”-ын зохион байгуулагчид Монголд гэрэл зургийн алба үүсч хөгжсөний 80 жилийн ойд зориулан 2015 онд 3-4 гэрэл зурагтай холбоотой баримтат киног Ц.Батзориг сантай хамтран кино сонирхогчдод толилуулах юм байна.

Э.ТЭКҮ