“Харилцаа холбооны хөгжил-2018” бүсийн зөвлөгөөн Архангай аймагт болж өндөрлөлөө

Хуучирсан мэдээ: 2018.09.25-нд нийтлэгдсэн

“Харилцаа холбооны хөгжил-2018” бүсийн зөвлөгөөн Архангай аймагт болж өндөрлөлөө

“Харилцаа холбооны хөгжил-2018” бүсийн зөвлөгөөн Архангай аймагт болж өндөрлөлөө

ХХЗХ-ноос “Харилцаа холбооны хөгжил-2018” сэдэвт бүсийн зөвлөгөөнийг есдүгээр сарын 20-21-ний өдрүүдэд Архангай аймгийн төв Эрдэнэбулган суманд зохион байгууллаа.

Энэхүү зөвлөгөөнд үүрэн болон суурин холбоо, интернет, радио телевизийн өргөн нэвтрүүлэг, шуудангийн үйлчилгээ эрхлэгч байгууллагуудын Архангай, Баянхонгор, Дундговь, Өвөрхангай, Завхан, Төв аймаг дахь харилцаа холбооны тусгай зөвшөөрөл эзэмшигчдийн төлөөлөл оролцлоо.

Төвийн бүсийн зургаан аймгийн хэмжээнд давхардсан тоогоор нийтдээ 120 гаруй иргэн, аж ахуйн нэгж, компани тусгай зөвшөөрөл эзэмшиж байгаа бөгөөд зөвлөгөөний хүрээнд ажлын хэсгээс хийсэн хяналт шалгалтад 65 аж ахуй нэгж хамрагдсан бөгөөд ажлын хэсэг санал, дүгнэлтээ танилцууллаа.

Тус зөвлөгөөн нь харилцаа холбоо, мэдээллийн технологийн салбарын бодлого, зохицуулалт, хууль тогтоомж түүний хэрэгжилт, үйлчилгээ эрхлэгчдэд тавигдах нөхцөл шаардлагууд, салбарын судалгаа шинжилгээний дүн, тайлан мэдээллийг тусгай зөвшөөрөл эзэмшигчдэд таниулах явдал юм.

Мөн төвийн бүсийн аймгуудад харилцаа холбоо, мэдээллийн технологийн үйлчилгээ  эрхлэгчдийн үйл ажиллагаанд хийсэн төлөвлөгөөт хяналт, шалгалтын дүнг танилцуулан, мэргэжил арга зүйн зөвлөгөө өгөх, төрийн болон хувийн хэвшлийн байгууллага, тусгай зөвшөөрөл эзэмшигчидтэй харилцан санал солилцож тулгамдаж буй асуудлыг хэлэлцэж байгаагаараа онцлог юм.

Энэ удаагийн зөвлөгөөнд үүрэн холбоо, олон суваг дамжуулах үйлчилгээ эрхлэгчид болон болон Холбоо, мэдээлэл технологийн сургуулийн профессор, багш нар харилцаа холбооны салбарын шинэ техник технологийг хөдөө орон нутагт нэвтрүүлэх, интернетийн хүртээмжийг нэмэгдүүлэх, цахим төлбөр тооцоо болон  интернетэд суурилсан үйлчилгээг хэрэглэгчдэд хүргэх, таниулах талаар мэдээлэл өгч, хэлэлцүүлэг зохион байгуулж, хуралдаанд оролцогчид хамтарсан зөвлөмж гаргалаа.

Эх сурвалж: ХХЗХ

NewsMN Гар утасны хувилбар Татах
NEWS.mn

Мэдээллийн эх сурвалж