Оросын зэвсэг хүчний сүмийг барихад зориулан хүмүүнлэгийн "Воскресение" сан хандив цуглуулж байгаа бөгөөд одоогийн байдлаар нэг тэрбум рублийн хандив цуглараад байгаа ажээ.

“Өнөөдрийн байдлаар сүм барихад зориулан иргэд болоод хуулийн этгээдүүдийн өргөсөн хандивын хэмжээ нэг тэрбум рубль хүрээд байна" хэмээн "Воскресение" сангийн мэдэгдэлд дурджээ. Хандивыг бэлэн мөнгөөр авахаас гадна цахим төлбөрийн хэрэгсэл ашиглан хийж болж байгаа ажээ. Тухайлбал, Яндекс.Деньги, WebMoney, Сбербанк-онлайн зэрэг цахим төлбөр тооцооны сувгаар хандиваа өгч болох юм.