Улаанбаатар хотод анхны телевизийн төв нээгдэв /1967.09.27/ | News.MN

Улаанбаатар хотод анхны телевизийн төв нээгдэв /1967.09.27/

ЭНЭ 7 ХОНОГ ТҮҮХЭНД

Улаанбаатар хотод анхны телевизийн төв нээгдэв /1967.09.27/

1926.09.26 МАХН-ын V их хурал хуралдав. 181 төлөөлөгч оролцсон уг хурлаар БНМАУ-ын эдийн засаг, соёлын талаар намаас тавих зорилтыг тодорхойлсон.

1929.09.25 Ардын засгийн газрын дэргэд Улсын худалдааны төлөөлөгчийн газар байгуулагдав.

1934.09.28 МАХН-ын есдүгээр их хурал нээгдэв. 242 төлөөлөгч оролцсон тус их хурлаар үндэсний соёл боловсролыг дээшлүүлж, хөгжүүлэх шийдвэр гаргав.

1949.09.25 Шинжааны Гоминданы 30 мянган цэрэг командалсан эрх баригчид Хятадын Ардыг Чөлөөлөх Армид эсэргүүцэлгүй бууж өгч, БНХАУ-ын шинэ засгийн газарт дагаар оржээ.

1956.09.29 БНМАУ ба Бирмийн Холбооны улсын хооронд дипломат харилцаа тогтоов.

1965.09.28 БНХАУ-ын тусламжаар барьж буй Улаанбаатар-Налайхын хатуу хучилттай авто замын ажил дуусч хүлээлгэн өгөх ёслол болов.

1967.09.27 Улаанбаатар хотод телевизийн төвийг нээх ёслол болов. Монгол телевиз байгуулагдаж, анхныхаа нэвтрүүлгийг цацав.

1991.09.27-29 БНМАУ-ын бурханы шашны төв Гандантэгчилэн хийдийн урилгаар 14 дүгээр далай лам БНМАУ-д айлчлав. Хүнлэг ёс, шашин болон түүх, соёлын уламжлалыг эрхэмлэсэн өнөө үед, далай лам шашны байгууллагын урилгаар БНМАУ-д айлчилсан нь Засгийн газрын гадаад бодлого хийгээд зарим асуудлын талаар байр суурь нь өөрчлөгдсөн гэсэн үг биш юм.БНМАУ-д шашны байгууллага нь бие даан үйл ажиллагаа явуулдаг ба Монгол Улсад хийсэн Далай ламын айлчлал нь албан бус гэв.

1993.09.28 Орос, Монгол, Хятад гурван улсын хилийн хэлэлцээр Хайлаарт зохион байгуулагдаж, гурван улсын Засгийн газар Хятад, Монгол, Орос гурван улсын хил тогтоох гэрээг гурван тал дахин шинээр үзэглэв.

1995.09.22-25 Сүхбаатар хотод хүчтэй цасан шуурга болж, эрчим хүчний дөрвөн дэд станц унаж, 20 мянга орчим мал, 10 орчим малчин амиа алдаж, хилийн шугамын олон багана унаж, улсад олон сая төгрөгийн хохирол учруулав.

"Болор дуран"-аар шалгав.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

Бухимдаа 2018-09-24 124.158.109.140

"1949.09.25 Шинжааны Гоминданы 30 мянган цэрэг командалсан эрх баригчид Хятадын Ардыг Чөлөөлөх Армид эсэргүүцэлгүй бууж өгч, БНХАУ-ын шинэ засгийн газарт дагаар оржээ."" гэсэн байна. Гарчиг нь МОНГОЛ-д болсон үйл явдал... гэсэн байна. Сэтгүүлчийн тархи толгой нь нэг л бишээ. Эсвэл монгол хятад хоёр нэг улс гэж ойлгодог байж мэднэ....

NewsMN Гар утасны хувилбар Татах
NEWS.mn

Мэдээллийн эх сурвалж