Дундаж цалин 1.1 сая төгрөг байна | News.MN

Дундаж цалин 1.1 сая төгрөг байна

Дундаж цалин 1.1 сая төгрөг байна

Дундаж цалин 1.1 сая төгрөг байна

Нийгмийн даатгалын ерөнхий газрын нийгмийн даатгалын шимтгэл төлөлтийн тайланд 2018 оны хоёрдугаар улиралд нийт 39.7 мянган аж ахуйн нэгж, байгууллага (ААНБ)-ын 636.5 мянган ажиллагсад хамрагдсан байна. Шимтгэл төлж буй ААНБ-ын тоо өмнөх оны мөн үеэс 1.5 (4.0%) мянгаар, өмнөх улирлаас 0.9 (2.4%) мянгаар өссөн бол ажиллагсад өмнөх оны мөн үеэс 41.5 (7.0%) мянгаар, өмнөх улирлаас 34.4 (5.7%) мянгаар тус тус нэмэгджээ.

Нийгмийн даатгалын шимтгэл төлөлтийн тайланд хамрагдсан эдгээр ажиллагсдын цалингийн ангиллыг авч үзвэл:

  • 46.9 (7.4%) мянга нь 240 000 төгрөг хүртэлх цалинтай
  • 135.8 (21.4%) мянга нь 240 001-500 000 төгрөгийн цалинтай
  • 225.6 (35.4%) мянга нь 500 001-900 000 төгрөгийн цалинтай
  • 114.7 (18.0%) мянга нь 900.001-1.300.000 төгрөгийн цалинтай
  • 28.8 (4.5%) мянга нь 1300 001-1500 000 төгрөгийн цалинтай
  • 84.7(13.3%) мянга нь 1500 001 төгрөгөөс дээш цалинтай байна.

Ажиллагсдын сарын дундаж цалинг бүсээр авч үзвэл:

  • Хангайн бүсэд 890.9 мянган төгрөг
  • Төвийн бүсэд 856.4 мянган төгрөг
  • Зүүн бүсэд 740.3 мянган төгрөг
  • Баруун бүсэд 648.9 мянган төгрөг байгаа нь улсын дунджаас 134.7-376.7 мянган төгрөгөөр бага байна.

Харин Улаанбаатар хотод ажиллагсдын сарын дундаж цалин өнгөрсөн наймдугаар сарын байдлаар 1.1 сая төгрөг байгаа нь улсын дунджаас 121.7 мянган төгрөгөөр их байна. Ажиллагсдын сарын дундаж цалинг эдийн засгийн бүх төрлийн үйл ажиллагааны салбарын ангиллаар авч үзэхэд уул уурхай, олборлолтын салбарт ажиллагсдынх хамгийн их буюу 2.5 сая төгрөг, харин урлаг, үзвэр, тоглоом наадмын салбарынх хамгийн бага буюу 612.6 мянган төгрөг байна.

Т.НОМИН

"Болор дуран"-аар шалгав.

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

өб 2018-09-21 202.9.40.250

худлаа худлаа

Avatar

зөв 2018-09-21 202.9.40.250

ш*****а төрийн албан хаагч нар дийлэнх хувийн эзэлдэг гээ биздээ тэд нар нь 505-600 мянга

Avatar

банди 2018-09-21 202.9.43.88

яаж бодохоор 1 саяаас илүү гаргаад байдаг?????????????? Миний цалин огт нэмэгдээгүй.780 хэвээр. Гэтл бензин болон мах талх сүүний үнэ өсөөд байхад.. Ард олныг даапаалан ийм худал мэдээ эрх баригчддаа тал засан гаргаж олныг бухимдуулж буй Стастистик…. мэт газруудыг татан буулгаач… Эсвэл МАНАН-ы авилгчдын амжиргааны өсөлтийг монголын хүн амд хувааж гаргаад байна уу??????????????

Avatar

Зочин 2018-09-21 66.181.160.9

Улс төрийн ,олгтиорхуудын захиалгаар судалгаа хийжээ.Одоо бүр цалин сар бүр 100000 төгрөгөөр нэмэгдэж байна гэнээ.Нийгэмийн даатгалийн шимтгэл төлөлтийн тайланг илт гуйвуулсан байна.

Avatar

Zochin 2018-09-21 66.181.179.179

DEnduu ikh zeree haragdaj baina. Zarim heseg ny uguiren hoosorch zarim ny dundaj amdarch baina, gehdee odoo 500,0-aas doosh tsalin bol uneheer amdrahad hundreltei. etgever ch gesen 300-500,0 rchim baival guilagchlahgui huuhduudiin tsara harahgui amdrah yum daa

NewsMN Гар утасны хувилбар Татах
NEWS.mn

Мэдээллийн эх сурвалж