Шинэ оны дараахан буюу нэгдүгээр сарын  6-ний өдөр “Мicrosoft” компани “Nokia-215” хэмээх шинэ гар утсаа олон нийтэд танилцууллаа. Энэхүү утас нь mp3 тоглуулагч, радио, тоглоом, цаг агаар зэрэг өдөр тутмын хэрэглээний программуудыг багтаахаас гадна Facebook, Twitter зэрэг сошиал сайтуудын арр-ыг ч ашиглах боломжтой ажээ.  29 ам.долларын үнэтэй энэхүү гар утас 29 хоног  цэнэгээ барих чадвартайгаараа бусдаас давуу талтайг үйлдвэрлэгчид онцолж байна.

Түүнчлэн “Nokia-215” утас  нь гар чийдэн болгон ашиглах гэрэлтэй бөгөөд энэ нь орой харанхуй,  эсвэл гэрэлгүй орчинд  асаах зориулалттай бүтээгдсэн байна. “Nokia- 215” утсыг Африкийн болон бусад хөгжил буурай орны хүмүүст илуу хэрэгтэй зохимжтой гэдгийг зохион бүтээгчид ч тодотгосон байна. Удахгуй худалдаанд гарах “Nokia-215” Ойрхи Дорнод, Африк, Ази болон Европт түрүүлж  худалдаалахаар төлөвлөжээ.

Б.СОНИНБИЛЭГ