Дэйвид Лий
Чөлөөт агент Дэйвид Лий солилцоо болон шинэ гэрээ хийх зарчмаар Голдон
Стэйт Уариорс багт орж байгаа мэдээг түрүүнд нь дуулгая. Лийгийн
төлөөлөгч Марк Бартелстейний хэлж байгаагаар 6 жилийн 80 сая долларын
гэрээг Уариорс тоглогчтой хийж байгаа бөгөөд оронд нь Никс багт Антони
Рандольф, Келене Азубуйке, Ронни Туриафыг явуулж байгаа аж. Аль аль нь
довтолгоо чиглэсэн багууд учраас ялгаа төдийлөн их гарахгүй биз. Гэхдээ
хожсон баг нь гэвэл Нью Йорк Никс.

Рэнди Фой, Райн Гомез
Лос Анжелес Клиппес чөлөөт агент Рэнди Фой, болон Райн Гомез нарыг
багтаа элсүүллээ. Лэброн Жэймсийг авахаар оролдож байсан 5 дах баг нь
Клиппэрс. Гэвч авч чадаагүй учраас тэд дээрх 2 тоглогчийг авч байна. Фой
өнгөрсөн улиралд 70 тоглолтонд 10,1 оноо 3,3 оновчтой дамжуулалт 1,9
самбараас бөмбөг авалтыг Визардст хийж байсан юм. Харин Гомез 5 улиралд
Миннесотад тоглож 10,9 оноо 4,6 сба гэсэн үзүүлэлтийг өнгөрсөн улиралд
дунджилсан юм. Түүнийг өнгөрсөн сард солилцоонд оруулж Портланд хотод
ирсэн ч, Блэйзэрс багаасаа хассан билээ.

Брэндан Хэйвүүд
Даллас Маверикс хамгаалалт сайтан төвийн тоглогчийг 55 сая долларын 6
жилийн гэрээгээр авч үлдэхээр болсон байна. Гэвч гэрээ албан ёсоор олон
нийтэд танилцуулагдааүй байгаа юм. За үүнээс өмнө тус баг Новицкитэй үнэ
бүхий шинэ гэрээг бас үзэглээд байсан. Харин ахмад төвийн тоглогч Эрик
Дампиерыг авч үлдэхгүй бололтой. Харин түүний оронд сэлгээний сайн
тоглогч хайж байгаа. Гэвч зөвхөн үүгээр дуусахгүй Маверикст хөдөлгөөн
шилжилт өрнөсөөр байх нь.

Руди Гэй
Мемфис Гриззлиес багийн гол тоглогч Руди Гэй 5 жилийн 82 сая долларын
гэрээг хүлээн зөвшөөрч багтаа үлдэхээр болсон талаараа хэлэхдээ “би
оскар эсвэл өөр ямар нэгэн шагнал хожиж байгаа юм шиг санагдаж байна”
гэжээ. Мэдээж тэр их хэмжээний мөнгөн хүсч байгаа нь ойлгомжтой. Гэвч 4
жил тоглосон туршлагатай Руди Гэйгийн шинэ гэрээний баярын ёслолд ердөө
150 хан хөгжөөн дэмжигч оролцжээ. Өнгөрсөн улиралд Мемфис 5 жилийн 50
сая долларын гэрээг санал болгосон ч хүлээн аваагүй. Ингээд Гриззлиесийн
гарааны 5 тоглогч ирэх жил багтаа дахин тоглохоор боллоо.

Трэйвис Оутлав
Лэброн Жэймсийг авч чадаагүй Нью Жерси Нэтс чөлөөт агент довтлогч
Трэйвис Оутлавыг 5 жилийн 35 сая долларын гэрээгээ багтаа авлаа. Оутлав
өнгөрсөн улиралд 2 баг нийтдээ 34 тоглолтыг хийж бусад үед нь гэмтлээ
илааршуулж байсан. Гэхдээ Нетс арай өндөр амжилт түүнийг хүлээж байж
болох юм. Учир нь SF дээр хангалттай сайн тоглогч байхгүй. Нью Жерси
ингээд юучгүй хоцорч сүүлдээ Оутлавтай гэрээ хийлээ.

Бостон Сэлтикс
Холын зайн мэргэн бууч, финалын рекорд амжилтын эзэн Рэй Аллентай Бостон
Сэлтикс 2 жилийн 20 сая долларын гэрээг шинээр үзэглэлээ. Чөлөөт агент
болж байсан хамгаалагчийг солих талаар цуу ярианууд олонтой гарч байсан ч
ийнхүү багтаа үлдэж байна. Мэдээж шигшээ тоглолтонд хэрхэн сайн
тоглосон нь энэ гэрээнд нөлөөлсөн. Бостон Сэлтикс ер нь хэвээр байх нь.
Багийн ахлагч Пол Пийрстэй 4 жилийн 61 сая долларын шинэ гэрээг хийсэн
бол КЖ гэрээний хугацаа дуусаагүй байгаа. Харин шинээр элсэж байгаа нэг
тоглогч Жермайн Онийл байхнээ. 2 жилийн 12 сая долларын дундаж гэрээгээр
энэ багийн төвийн тоглогчийг үүргийг гүйцэтгэхээр Жермайн Онийл ирж
байгаа гэнэ. Рашийд зодог тайлсан. Перкинс гэмтэлтэй. Тавтай морил.
Жермайн. Харин Шакаас урьдсанд баяр хүргэе.

Score studio.