Гадаад худалдааны тэнцэл 15.9 сая ам.долларын ашигтай гарчээ

Хуучирсан мэдээ: 2010.03.11-нд нийтлэгдсэн

Гадаад худалдааны тэнцэл 15.9 сая ам.долларын ашигтай гарчээ

Манай улс  оны эхний хоёр  сард дэлхийн 86 оронтой худалдаа хийж, гадаад худалдааны нийт бараа эргэлт 607.6 сая ам.долларт хүрсэн байна. Үүнээс экспорт 311.7 сая ам.доллар, импорт 295.8 сая ам.долларт хүрчээ. Нийт бараа эргэлтийн хэмжээ өмнөх оны мөн үеийнхээс 169.4 сая ам.доллар буюу 38.7 хувь, үүний дотор экспортын хэмжээ 79.3 сая ам.доллар буюу 34.1 хувь, импортын хэмжээ 90.0 сая ам.доллар буюу 43.7 хувиар өсчээ.
  Гадаад худалдааны тэнцэл эхний хоёр сард 15.9 сая ам.долларын ашигтай гарсан ч өмнөх оны мөн үеийнхээс 10.6 сая ам.доллар буюу 40 хувиар багасав. Хэдийгээр боловсруулаагүй буюу хагас боловсруулсан алтны экспортын биет хэмжээ 85.1 хувь, үнийн дүн нь 83.5 хувиар буурсан боловч нийт экспортын хэмжээ өмнөх оны мөн үеийнхээс өсөхөд зэсийн баяжмалын экспортын биет хэмжээ 2.1 хувь, үнийн дүн нь 2.2 дахин, цайрын баяжмалын биет хэмжээ 3.8 дахин, үнийн дүн найм дахин, төмрийн хүдрийн биет хэмжээ 2.3 дахин, үнийн дүн нь гурав  дахин өссөн нь голлон нөлөөлжээ.
Д.Цээнэ

NewsMN Гар утасны хувилбар Татах
NEWS.mn

Мэдээллийн эх сурвалж