Дөрвөн охинтойгоо үлдсэн Д.Батмөнх шинэ гэртэй боллоо | News.MN

Дөрвөн охинтойгоо үлдсэн Д.Батмөнх шинэ гэртэй боллоо

Дөрвөн охинтойгоо үлдсэн Д.Батмөнх шинэ гэртэй боллоо

Одоогоос гурван хоногийн өмнө Чингэлтэй дүүргийн 12-р хорооны оршин суугч Д.Батмөнхийн таван ханатай гэр шатжээ. Түүний гэрт эхээсээ өнчирч үлдсэн гурван балчир охин, 80 нас гарантай буурай ээж нь байжээ. Д.Батмөнхийг гэрээсээ гараад арван минут ч хүрээгүй байхад гэрт нь гал маналзаж, гэрийнхэн нь аврал эрэн сандран гүйлджээ.

Д.Батмөнхийнх дөрвөн охидтой, өнөр өтгөн айл юм. Том охин нь 14 настай, дунд  охид нь гурав, хоёр настай дэрсхэн охид юм. Хамгийн бага охин нь дөрөвхөн сар гарантай нялх охинтой. Түүний хань бурхан болоод хорь ч хоноогүй байхад энэ золгүй явдал тохиолджээ. Эхнэрээсээ хойш 80 шүргэж яваа ээжийгээ дөрвөн хүүхдийн хамтаар харж байгаа тул ажил хийж чадахгүй байгаагаа учирлаж байсан юм. Тэрбээр барилгын засал чимэглэлийн мэргэжилтэй, хааяа ажлаа тараад таксинд явж гэр бүлээ залгуулдаг аж. Өмнө нь урин дулааны улиралд барилга дээр ажиллаж, заримдаа таксинд явдаг тул боломжийн орлоготой, амьдралд хүрэлцээтэй байдаг байсан гэнэ. Харин эхнэрийгээ бурхан болсноос хойш хүүхдийнхээ, сүү живхийг тасалчихгүйг л хичээж байгаа гэлээ. Тэрбээр нийслэл хотод 1999 оноос эхлэн суурьшжээ. Тэдний одоо амьдарч  буй энэ хашаанд дөрвөн ханатай гэрээ барьж, гал голомтоо бадрааж байсан гэнэ. "Хориод жилийн минь хөдөлмөрийн үр шимд бий болсон эд хөрөнгө алга урвуулахын хооронд үгүй боллоо. Гэсэн ч  амьдрал зогсох болоогүй. Охидоо сайхан амьдруулна” хэмээн ярих Д.Батмөнхийн итгэл өнөөдөр ч алдраагүй л явна.

Д.БАТМӨНХИЙНХ ДАХИН ГАЛ ГОЛОМТОО БАДРААНА

Биднийг Д.Батмөнхийн хашаанд очиход олон залуус бужигнаж байв. Тэд гартаа гэрийн мод барьцгаан нэг нэгээр нь холбож, сэрүү орохоос өмнө яаравчлаарай гэлцэж байлаа. Энэ үеэр Д.Батмөнх амьсгаадсаар биднийг угтав. Тэрбээр ярилцлагын эхэнд “Олон сайхан сэтгэлтэй хүмүүсийн ачаар ах нь дахиад гал голомтоо бадраах нь. Надад тусалсан хүмүүсийн итгэлийг алдахгүй, цааш нь өргөжүүлээд сайхан амьдрах юмсан” хэмээн ярьсан юм. Түүнтэй цөөн хором ярилцлаа.

– Гал гарсан тухайн өдөр юу болсон бэ?

-Одоогоос гурав хоногийн өмнө оройн 21.00 цагийн орчимд гэрт гал маналзсан. Ах нь угаадас асгахаар гараад бага охиноо ээжид үлдээгээд, ус буцалгагчинд ус тавьчхаад гараад байж байтал ээж цаанаас Батмөнхөө гээд орилсон. Тэгээд гэртээ ортол гал маналзаад юу юугүй л шатаж эхэлсэн. Тухайн үед айх, сандрах зэрэгцээд хэдэн хүүхдүүд, ээжийгээ аваад гэрээс гарсан. Буцаж ороод ус цацахад нэмэр болоогүй. Дараа нь галыг бүгдийг би өөрөө унтраасан.

Олон сайхан сэтгэлтэй хүмүүсийн тус дэмээр та дахин гал  голомтоо бадраах нь байна шүү дээ?

-Монголын ард түмэндээ маш их талархаж байна.  Хүмүүс ирээд хандив өгөөд, тал талаас утастаад сайхан сэтгэлт монголчууд минь маш их тусалж байна. Маш их туслалцаа өгч байна. Ах нь энэ хашаанд 1999 оноос хойш амьдарч байна. Ханийгаа алдаад хорь гаруй хонож байна. Том охин минь миний дагавар охин учраас эмээ дээрээ ирэн очин байдаг. Жил дараалан гарсан дэрсхэн хоёр охид минь 24 цагийн цэцэрлэгт явдаг юм. Хамгийн бага нь дөрвөн сартай. Хоёр охиноо цэцэрлэгт өгдөг ч  санаад байдаг болохоор хоёр хонуулаад авчихдаг.

Заримдаа бага охиноо ээжид үлдээгээд өдөрт нэг хоёр цаг таксинд гараад сүү, живхний мөнгө зохицуулдаг. Гэр бүлийн хүн минь байхад хүүхдүүдээ миний хань хараад би халтууранд яваад болоод байдаг байсан. Гэхдээ сайхан сэтгэлт монгол хүмүүсийнхээ тус дэмийг марталгүй, итгэл найдварыг алдахгүй, сэтгэл дүүрэн амьдарна гэдэгт итгэлтэй байна.

Д.БАТМӨНХӨД 25 САЯ ТӨГРӨГ ЦУГЛАРЧЭЭ

Д.Батмөнхөд туслах аяныг хамаатны дүү болох Л.Энхбаатар санаачилжээ. Тэрбээр энэхүү золгүй явдлын дараа туслахаар шийдэж, хандивын аяныг өрнүүлэхээр TV5 телевизэд хандсан нь энэ юм. Тэрбээр “Д.Батмөнх ах манай эхнэрийн төрөл садангийн хүн байгаа юм. Эхнэрийг нь бурхан болсны дараа ах дүүс нь чадах чинээгээр тусалсан. Ахад тохиолдсон явдлын дараа түүнийг гэр оронтой болгохын тулд олон нийтэд мэдээлэл хүргэвэл тустай юм болов уу гэж TV5 рүү холбогдсон. Үүний ачаар олон сайхан сэтгэлтэй бидэнд хүмүүс тусалж байна. Эхний ээлжинд өөрсдийн гэсэн гэр оронтой болгоод, өмсөх хувцастай болгое гэж зорьж байсан бол одоо телевизийнхэн туслаад хандивын аян улам өргөжөөд явж байна. Одоогоор хандивын мөнгө 25 сая гаруй төгрөг цугласан. Хүйтэн сэрүү орохоос өмнө гэртэй болгоод дараагаар нь цугласан мөнгөөр, байшин эсвэл, нэг өрөө байр авч өгөх саналтай байгаа. Өнөөдрийн байдлаар бүх үнс нурмыг нь ачуулаад шалыг нь янзлаад, гэр барих ажлыг хийж байна” гэлээ.

Чингэлтэй дүүргийн  12-р хорооны засаг дарга Р.Ганболд энэ үеэр бидэнд дараах мэдээллийг өгөв. Тэрбээр “Манай хорооны иргэн Д.Батмөнхөд тохиолдсон явдалд харамсч байна. Хорооноос энэ айл өрхөд  байнга туслалцаа үзүүлдэг. Ард иргэддээ хандаж хэлэхэд манай Батмөнхөд халамжийн гараа сунгасан хүмүүст түүний өмнөөс баярлалаа гэж хэлье.  Энэ айлыг айлын дайтай болгож, амьдралын төлөө чармайж яваа эцэгт тусалж байгаа ард түмэндээ баярлалаа.

Ингээд бидний ярилцах сэдэв энэ хүрээд өндөрлөж, Д.Батмөнх  гэрээ барьсаар үлдсэн юм. Түүнд туслалцаа үзүүлэх хүсэлтэй иргэд TV5 телевизийн байранд очих, эсвэл түүний дансны дугаараар нь мөнгө шилжүүлэх боломжтой билээ.

Д.БАТМӨНХИЙН ДАНСНЫ ДУГААР: ХААН БАНК 5174028704

Э.АРИУН 

"Болор дуран"-аар шалгав.

Холбоотой мэдээ

21 сэтгэгдэл

News.mn сайтад сэтгэгдэл оруулахад анхаарах зүйлс

Avatar

иргэн 2018-09-20 122.201.31.151

Сэтгэлийн тэнхээтэй байгаарай залуу минь. Олны дэм их зөв бодол зөв санаа зорилготой байхад юм бүтнэ. Зовох цаг байхад амрах жаргах цаг ирнээ. Энэ залууд тусалж байгаа хүмүүст талархал илэрхийлье.

Avatar

Зочин 2018-09-20 96.69.189.11

fbxbldw

Avatar

Иргэн 2018-09-20 150.129.143.201

Монголчууд бид уг нь тал шигээ сайхан сэтгэлтэй, бахархах, дэлхийд гайхуулах түүхтэй нэгдмэл соёлтой улс. Бидэнд шашин соёлын, үндэстэн хоорондын шалтгаантай ямар ч зөрчил байхгүй. Даан ч хүний дор орохгүй гэсэн хөгийн аминчхан үзэл, нэрэлхүү зан, орчин үед үүссэн "асуудлыг эрүүл ухаанаар хэлэлцэн шийдвэрлэдэггүй нүүгээд явчихдаг хөгийн зан" /өвгөдөөс улбаатай аугаа нүүдлийн соёл иргэншилтэй минь үүнтэй ямар ч холбоогүй шүү!!!/ – аасаа болж өөрсдөдөө асуудал нэмээд байгаа юм шүү дээ.

Avatar

... 2018-09-20 203.229.104.34

25 han saya tsuglarsan yumuu? bairnii mungu hyreegyi yumuu

Avatar

Зочин 2018-09-20 96.69.189.11

fkbxbldw

Avatar

Зочин 2018-09-20 103.212.116.74

Mongolchuud uulni bas ih dajgui humuus shuu :))

Avatar

Зочин 2018-09-20 202.179.26.43

сэтгэлээ л үргэлж тэнхээтэй байлгаарай тэгээд болно доо залуу минь

Avatar

Зочин 2018-09-20 202.126.88.52

Залуу минь. Үртэй хүн жаргаж үндэстэй мод урганаа гэдэг биз. зовлон жаргал ээлжилдэг хорвоод ноён нурууга алдалгүй охиодоо өсгөж ээжийгээ сайхан асарч зөв сэтгэлтэй явбал болноо аз жаргал хүсье. Хүмүүсийн хандивы мөнгөөр нэг өхөө байртай болвол хү#үүс чамайг хүүхдүүдийнхээ ирээдүйг бодож олны сэтгэлийн өглөгийг зөв зарцуулсан байна гэж ойлгоно. Барилгын компаниуд туслах байхаа. Хандаад үзэхэд юу нь буруу байх вэ ?

Avatar

Зочин 2018-09-20 202.126.88.52

Залуу минь. Үртэй хүн жаргаж үндэстэй мод урганаа гэдэг биз. зовлон жаргал ээлжилдэг хорвоод ноён нурууга алдалгүй охиодоо өсгөж ээжийгээ сайхан асарч зөв сэтгэлтэй явбал болноо аз жаргал хүсье. Хүмүүсийн хандивы мөнгөөр нэг өхөө байртай болвол хү#үүс чамайг хүүхдүүдийнхээ ирээдүйг бодож олны сэтгэлийн өглөгийг зөв зарцуулсан байна гэж ойлгоно. Барилгын компаниуд туслах байхаа. Хандаад үзэхэд юу нь буруу байх вэ ?

Avatar

Номын хорхойтон 2018-09-20 202.131.227.82

Тэсч л үлдээрэй ах минь . Энэ орчлон галзуу шүү.

Avatar

ж 2018-09-20 202.70.42.102

Наад мэдээгээ олигтойхон бичээчээ наадхыг чинь TV5 санаачлаад явуулж байган

Avatar

Зочин 2018-09-20 202.70.42.102

Наад мэдээгээ олигтойхон бичээчээ наадхыг чинь TV5 санаачлаад явуулж байган

Avatar

Bold 2018-09-20 202.9.43.103

Comment ustgaad onigoo ymaa tanai sait

Avatar

Иргэн 2018-09-20 64.119.21.6

Туслаж байгаа хүмүүс мундаг байна.Гэхдээ саяхан нэг ТВ ээр 4 жоохон охинтой өрх толгойлсон эмэгтэй гарч байсан. гэр хороололд амьдарч байгаа ч аминдаа арчаатай ажилсаг юм билээ.Жижижг байшинтай тэрнийхээ обойг өөрөө сольсон засвар хийсэн хүүхдүүдэ сургуульд өгөхийг нь өгөөд ойролцоор хувийн цэцэрлэгт багыгаа хямдралтай үнээр өгдөг өөрөө таксинд явж мөнгө олдог гээд.Тийм л амьдралын төлөө хүнд тусалмаар юмаа.Эр хүн байж юун арчаагүй юм.Эхнэр нь байхад ч нээх хөдөлмөрлөж байгаагүй юм биш үү

Avatar

зочин 2018-09-20 66.181.161.87

Чи одоо юу вэ? хэнд ч юу ч тохиолдож болно. Чи өөрөө удахгүй гуйлга гуйгаад зогсож байх вий дээ. Бодлоо зөв байлга

Avatar

Зочин 2018-09-20 66.181.170.215

4 сартай ээж хүн хүүхдээ хараад гэртээ байдгаас ялгаа юу байх вэ дээ. Гэрт нь хүүхдийг нь харах хүн битгий хэл, дээрээс нь ная гарсан хүн асарна гэдэг амаргүй ажил шүү.

Avatar

мб 2018-09-20 202.9.40.54

Босно шүү дүү хүү зовлон жаргал ээлжилдэг хорвоод ноён нурууга алдалгүй охиодоо өсгөж ээжийгээ сайхан асарч зөв сэтгэлтэй явбал болноо аз жаргал хүсье

Avatar

Зочин 2018-09-20 203.91.114.244

хэцүү ч юмаадаа. Жижиг ч гэсэн орон сууцны 1 өрөөнд ороорой.

Avatar

Зочин 2018-09-20 202.179.30.194

25 сая их мөнгө шүү. налайх хавиар ганц өрөө байр авна шүү. мөнгө зөв зарцуулаарай хогийн төмрөөс өгчихвөө байр луу зүтгээрэй.

Avatar

aagi 2018-09-20 66.181.177.148

sain saihan amidraarai. olniihuch olomgui dalai gej unen shuu

Avatar

зочин 2018-09-20 103.212.118.40

За яамай эхний ээлжинд сайхан сэтгэлт хүмүүсийн чааарх орох оронтой \nболж. Амьдралын төлөө зүтгэх залуу байнаа. Аз жаргал, эрүүл энхийг хүсье.

NewsMN Гар утасны хувилбар Татах
NEWS.mn

Мэдээллийн эх сурвалж