Бусад эрхтнийг гэмтээлгүйгээр хорт хавдрыг туяагаар эмчилнэ | News.MN

Бусад эрхтнийг гэмтээлгүйгээр хорт хавдрыг туяагаар эмчилнэ

Бусад эрхтнийг гэмтээлгүйгээр хорт хавдрыг туяагаар эмчилнэ

Бусад эрхтнийг гэмтээлгүйгээр хорт хавдрыг туяагаар эмчилнэ

Монголд жилд 6000 гаруй хүн хорт хавдраар оношлогдож, 4000 гаруй хүн ийм шалтгаанаар нас барж байгаа. Мөн одоогоор 18 мянга гаруй хүн хорт хавдартай гэсэн оноштойгоор амьдарч байгаа нь энэ өвчинтэй үндэсний хэмжээнд тэмцэх цаг болсныг гэрчилдэг.

Тиймээс Засгийн газар 2011 онд Австралийн хөнгөлөлттэй зээлээр хорт хавдрын эмчилгээний чанар, хүртээмжийг сайжруулах төсөл хэрэгжүүлсэн. Төслийн хүрээнд хорт хавдрын туяа эмчилгээнд шинэ технологи нэвтрүүлэхээр болж, “Шугаман хурдасгуурт суурилсан туяа эмчилгээний дэвшилтэт технологийг Монголд нэвтрүүлэх нь” сэдэвт олон улсын семинар өнөөдөр /2018.9.19/ боллоо. Энэ эмчилгээг нэвтрүүлснээр тухайн хорт хавдрын хэлбэр, дүрс, хэмжээнд тохирсон цацрагийг зөвхөн тухайн хэсэгт тусгаж, эрүүл эд эрхтнийг цацраг туяагаар хордуулахгүй эмчлэх боломж бүрдэх аж. Түүнчлэн эмчилгээг эх орондоо, эрүүл мэндийн даатгалаар дамжуулан хийлгэх боломж бүрдэж байна.

Семинарт Австрали, Япон, БНСУ-ын хавдрын чиглэлээр мэргэшсэн эмч, мэргэжилтнүүд, дотоодын 150 гаруй эмч, бодлого боловсруулагч нар оролцов. Энэ үеэр Эрүүл мэндийн сайд Д.Сарангэрэл “Дэлхийн эрүүл мэндийн байгууллагын зүгээс хорт хавдартай тэмцэхийн тулд эрт илрүүлэх, хүний нөөц бүрдүүлэх, шинэ техник технологи бүрдүүлэхийг зөвлөдөг. Бид энэ чиглэлээр явж байгаа. Тиймээс энэ сард багтаан урьдчилсан сэргийлэх үзлэг эхлэхээр төлөвлөж байна. Хоёрт, хүний нөөцийг чанартай бэлтгэж байгаа. Технологийн хувьд туяа эмчилгээний хамгийн сүүлийн үеийн технологийг нэвтрүүлж байна” гэлээ.

Хавдар судлалын үндэсний төвийн захирал Ж.Чинбүрэн “Хорт хавдрын эмчилгээ нь өндөр технологи шаарддаг. Хорт хавдрыг мэс засал, хими, туяа эмчилгээгээр эмчилдэг. Туяа эмчилгээний технологи суурилуулах бэлтгэл ажил хангагдаж, төхөөрөмжөө суурилуулсан. Энэ нь шугаман хурдасгуурт аппарат. Энэ аппарат нь Монгол дахь хавдрын эмчилгээг шинэ шатанд авчирч байгаа томоохон технологийн дэвшил. Тиймээс энэ эмчилгээг нэвтрүүлэхээр тэсэн ядан хүлээж байна.  Энэ эмчилгээ нь үйлчилгээ сайтай, богино хугацаанд хийгддэг, гаж нөлөө багатай. Өөрөөр хэлбэл, тухайн хавдрыг эмчлэхээс гадна хажууд нь байгаа эрүүл эрхнийг гэмтээхгүй гэсэн үг. Бид одоогоор 600-гаад хүнд эмчилгээ хийж байгаа бол энэ технологийг нэвтрүүлснээр илүү олон хүнд хавдрын эмчилгээ хийх боломжтой” гэв.

"Болор дуран"-аар шалгав.

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-09-19 103.14.38.238

teneg gichiinuud yuch helsen uuldug shuumjildg novshnuud uhej dald ortsgoo

Avatar

иргэн 2018-09-19 122.201.31.137

Сарангэрэл, Чинбүрэн 2 олны өмнө дүр эсгэлгүй үр дүн гарсны дараа танилцуулах хэрэгтэй байлаа. 2 шоучин

Avatar

Сарангэрэл ээ, одоо болно. Хүний өвчнөөр битгий шоуд 2018-09-19 103.212.117.103

энэ покорчин сэтгүүлч авгай хол бай. чамтай чамгүй эрүүл мэндийн салбар хийдгээ хийчихнэ. өөрөө хийсэн дүр эсгэж иргэдийг бас өөрийгөө хуурахаа больж үз

Avatar

зочин 2018-09-19 59.153.84.210

6 жилийн өмнө ээж минь ХСҮТ-д умайн хүзүүний хорт хавдартай оноштой туяа эмчилгээ хийлгэсэн, бусад эрхтнийг нь буюу нуруу, бөөр, давсагт нөлөөлж гэмтээснээс болж бас дахин өөр эдгээр өвчнөө эмчлүүлж их ядарсан даа, одоо ээж минь бурхны орондоо заларсан, одоо энэ туяа эмчилгээ илүү нарийвчлалтай сайжраасай, олон хүнийг нэмж битгий зовоогоосой гэж хүсч байна.

Avatar

Зочин 2018-09-19 66.181.167.253

Чинбүрэн эмч хуурамч царайгаараа их сайн үйлстэн болж харагдах юм даа. Мөнгөний төлөө юу ч хийхээс буцахгүй өвчтөнөө хайрлах сэтгэлгүй хүн чанаргүй хүндээ.

NewsMN Гар утасны хувилбар Татах
NEWS.mn

Мэдээллийн эх сурвалж