Төв аймгийн Онцгой байдлын газраас “Ургацын баяр-2018” арга хэмжээг зохион байгуулж, алба хаагчид өөрсдийн болон албаны хүнсний хэрэгцээний ногоогоо хураан авлаа.

Алба хаагчдынхаа нийгмийн асуудлыг шийдвэрлэх ажлын хүрээнд жил бүр Жаргаланд суманд хүнсний ногоо тариалдаг уламжлалтай. Энэ жил  долоон тн хүнсний ногоо,  гурван тонн чацаргана хурааж, нөөцлөөд байна.

Мөн аймгийн гар тэжээл бэлтгэх аяны хүрээнд Онцгой байдлын газрын алба хаагчид гурван тонн таана түүж, Баянцагаан суманд хүлээлгэн өглөө гэж Төв аймгийн Онцгой байдлын газраас мэдээллээ.