Хадам ээж бэр хоёрын сонирхолтой хувцаслалт

Зурхай

2024/12/23

Доллар (USD)

USD - Доллар3,417.49

Улаанбаатар

+9°C

Хуучирсан мэдээ: 2018.09.19-нд нийтлэгдсэн

Хадам ээж бэр хоёрын сонирхолтой хувцаслалт

News.MN
News.MN
2018-09-19

Их Британийн шинэхэн гүнж Меган Маркл 2016 онд ханхүү Харритай хайр сэтгэлийн холбоотой гэдгээ зарласнаар түүний үйл хөдлөл, өмссөн хувцас хүртэл олны анхаарлыг татах болсон юм. Хааны удмынхан хувцаслалтын тал дээр маш хатуу дэг журамтай байдаг. Харин түүний хадам ээж болох ханхүү Харригийн ээж Диана гүнж энэхүү хатуу дэг журмыг халж чадсан бөгөөд хааны удмынхны дунд үнэхээр загварлаг мэдрэмжтэй хувцасладгаараа алдартай нэгэн билээ. Цаг хугацааны хувьд маш их зөрүүтэй ч тэдний сонирхол мэдрэмж адилхан байсан уу? Эсвэл Меган Маркл хадам ээжийгээ эргэн дурссандаа ингэж адилхан хувцасладаг ч байж болох юм. Ямартай ч гүнж Диана болон түүний бэр Меган Маркл нарын хувцаслалт үнэхээр адилхан юм.

Меган Марклын Залуучуудын Хамтын Нөхөрлөлийн Форум дээр өмсөж ирсэн даашинз нь Уэлсийн гүнжийн Шеффиелдэд зочлохдоо өмссөн босоо судалтай том хар товчтой классик загварын пиджактай үнэхээр адилхан юм гээч.
1986 онд Диана гүнж Саудын Араб руу айлчлах үеэрээ алдарт дизайнер Катерине Уолкерийн урласан цагаан цэнхэр өнгө хосолсон цэцэгтэй даашинз өмсөж байсан нь Меган Марклын хуримынхаа дараа өмссөн даашинзтай ялгахын аргагүй адилхан байна.
Лондонд нэгэн арга хэмжээнд мөр ил гарсан хоолойтой цагаан даашинзаар гоёсон Диана гүнж Гүнж Меган Маркл хуримынхаа хоёр дахь даашинзаар хадам ээжийнхээ өмссөнтэй ижил загварын даашинз сонгожээ.
1987 онд Диана гүнж Шотландын Бьют Хайланд наадмын үеэр ноосон дөрвөлжин хээтэй, ногоон даашинз өмсөж байсан бол Меган Маркл ханхүү Харритай сүй тавьсныхаа дараа Шотланд руу албан ёсны айлчлал хийх үеэрээ ийнхүү адилхан загварын Burberry пальтогоор гоёжээ.
Хааны гэр бүлийнхэн хувцаслалтын нарийн дэг журамтай байдаг. Тиймээс Меган Марклын морины уралдааны үеэр өмссөн Гивэнчигийн хар цагаан өнгийн хослол 1985 онд яг адил үйл ажиллагаан дээр Диана гүнжийн өмссөн хувцастай төстэй байгаад гайхах зүйл алга.
1995 онд хөл бөмбөгийн тэмцээний үеэр давхар товчтой тэмээний ноосон пальто өмссөн Диана гүнж Уэлсийн багийг дэмжин сууна. 90-ээд оны энэхүү загварыг түүний бэр ийнхүү 2016 онд авчирчээ.
Эхний зураг бол 90-ээд онд ид мода болж байсан өндөр суудалтай цайралттай жинсэн өмдөн дээр цагаан шаргал өнгийн срочкин цамцыг өмднийхөө дотуур хийж өмссөн Диана гүнж харин хоёр дахь зурган дээр Меган нэгэн тэмцээний үеэр сонгодог загварын цагаан цамцыг өөрийн хайртай жинсэн өмдтэй хослуулан өмссөн нь бас л хадам ээжтэйгээ хосолжээ.
1986 онд Диана гүнж үдшийн арга хэмжээн дээр гялалзсан хар хөх өнгийн торон даашинзаар гоён иржээ. 2017 онд зхлуухан гүнж маань телевизийн шоунд уригдахдаа бараан өнгө моданаас гарах болоогүйг батлав уу гэлтэй бас л хар хөх өнгийн торон даашинзыг сонгожээ.
Өрөөсөн мөртэй хөх даашинз Диана гүнж 1996 онд Австралийн Сиднэй хотод оройн зоогон дээр газар шүргэсэн хөх өнгийн даашинзыг хөх өнгийн гутал цүнхтэй хослуулан өмсөж байжээ. Харин Меган Маркл 2015 онд Канадын Торонто хотод мөн л оройн зоогон дээр ийнхүү хөх өнгийн даашинзаар гоёж байжээ.
Мөр ил гарсан бүдэг ягаан өнгийн даашинз яахын аргагүй Диана гүнжийг санагдуулж байна.Магадгүй Меган хадам ээжийгээ дурссан ч байж болох юм.

Эх сурвалж: Elitedaily.com

Н.АМГАЛАНТУУЛ

Энэ мэдээнд өгөх таны сэтгэгдэл?
5
ЗөвЗөв
5
ГайхмаарГайхмаар
2
ХөөрхөнХөөрхөн
1
ХахаХаха
1
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!
Шинэ мэдээ
NewsMN Гар утасны хувилбар Татах
NEWS.mn

Мэдээллийн эх сурвалж

ТАТАХТАТАХ