Apple Watch нэртэй уг ухаалаг цаг нь технологи, хүн хоёрын харилцаанд шинэ дэвшил авчирна.

Уг ухаалаг цаг нь өөр өөрийн онцлог бүхий гурван янзын загвартай ба хэрэглэгч өөрийн нас, сонирхол, хэрэглээ зэргээсээ хамааран өөрт тохирох загвараа сонгох боломжийг бүрдүүлсэн байна.

1.Watch- зэвэрдэггүй ган болон сафир болороор хийгдсэн. Гинжин загвартай оосортой. Энгийн өдөр тутмын хэрэглээнд ашиглахад тохиромжтой.

2.Watch Sport- Мөнгөлөг болон саарал өнгөтэй хөнгөн цагаанан гадаргуутай. Сайжруулсан Ion-X шилэн нүүртэй. Өнгөлөг, бат бөх оосортой. Спортоор хичээллэдэг хүмүүс болон тамирчдад илүү тохиромжтой.

3.Watch Edition- 18 каратын алтан гадаргуутай. Сафир болрон нүүртэй, савхи болон арьсан оосортой. Тансаг зэрэглэлийн хувилбар нь учраас нэр хүнд болон карьераа илтгэх хүсэлтэй хүмүүст зориулсан.

Давуу талууд:

1.Аяллаар явах болон өөр өөр улс оронд очиход цагийн бүсийг автоматаар тохируулж, зөв цагийг таньд харуулна.

2.Гараа дээш өргөж нүүрний харалдаа авчрах үед таны нүдний хөдөлгөөнийг мэдэрч дэлгэц асна.

3.Бугуйндаа зүүнгүүт л таны арьсанд хүрснээр таны биеийн олон мэдээллийг хянана. Зүрний цохилт нэмэгдэх, буурах, даралт ихсэх багасах зэрэг өөрчлөлтүүдийг танд шууд мэдээлнэ.

4.Өдөржин таны хийсэн идэвхитэй хөдөлгөөнийг хянана. Алхалтын тоо, зарцуулсан илчлэг, гүйсэн зай, дундаж хурд гэх мэт. Ингэснээр та бага сууж  их хөдөлж илүү эрүүл идэхитэй амьдралаар амьдрах боломжтой болох юм байна.

5.Нүүрэн дэх дүрслэлийг нь хэдэн ч янзаар сольж болно. Албан ёсны танилцуулга дээрээ 11 солих нүүртэй байх тухай танилцуулсан ба та өөрт таалагдахаа сонгож, нэмэлт хэрэгслүүдийг ч гаргаж ирж болно. Жишээ нь одон орны гайхалтай дүрслэлтэй нүүрийг сонгоход дэлхий сар болон гаригуудын бодит 3D дүрслэл танд харагдана.

6.Touch дэлгэц ашиглан удирдахаас гадна энгийн цагны түлхдэг хажуугийн түлхүүр шиг digital crown нэртэй түлхүүртэй. Уг түлхүүр нь Home button-ы үүргийг гүйцэтгэнэ.

7.Мэссэж, дуудлага, цахим захидал зэргүүдийн шууд бугуйн цаган дээрээ харж, хүлээн авна.

8.Дэлгэцэн дээрээ төрөл бүрийн зураг зурж, хүссэн найз нөхөддөө илгээхэд уг зураг хөдөлгөөнт зураг болон очно.

9.Дэлгцэн дээрээ хоёр хуруугаараа зэрэг дарахад таны зүрхний цохилтыг бичлэг хийн бичээд хүссэн хүн рүү тань илгээнэ. энэ нь өөрт тань ямархуу мэдрэмж төрж буйг бусдад мэдрүүлэхэд туслах гэнэ.

10.Хуанли, газрын зураг, хөгжим, Apple TV, iTunes, сэрүүлэг, хөрөнгийн зах зээлийн ханшны мэдээлэл, цаг тоолох, сэрүүлэг, цаг агаар, дэлхийн цаг, фото, Siri зэрэг олон сонирхолтой арр-уудтай. Remote Camera арр нь iPhone гар утсаараа зураг авахдаа ухаалаг цагнаасаа удирдах боломжийг олгоно.

Энэхүү ухаалаг цаг нь iPhone 5, 5C, 5S, 6, 6 Plus загваруудтай хослон ажиллах ба 349 ам.доллараас эхлэх үнэтэйгээр ирэх гуравдугаар сараас худалдаанд гарч магадгүй гэсэн мэдээлэл цацагджээ.

Т.БИЛГҮҮН