Түгээлтийн машиныг шөнийн цагаар хөдөлгөөнд оролцуулна | News.MN

Түгээлтийн машиныг шөнийн цагаар хөдөлгөөнд оролцуулна

Түгээлтийн машиныг шөнийн цагаар хөдөлгөөнд оролцуулна

Түгээлтийн машиныг шөнийн цагаар хөдөлгөөнд оролцуулна

Улаанбаатар хотын автозамын хөдөлгөөний зохицуулалтыг хангах, түгжрэлийг бууруулах талаар авч хэрэгжүүлэх тухай тогтоолын хэрэгжилтийн явцын талаарх мэдээллийг  өнөөдөр /2018.09.19/ НИТХ-ын дарга С.Амарсайхан Түгжрэлийг бууруулах ажлын хэсгээс сонслоо.

Нийслэлийн хамгийн их түгжирдэг уулзварууд болон гол замтай нийлсэн гарц бүхий хэсэгт шар дөрвөлжин  буюу yellow box-ийг хэрэгжүүлэх, хяналт тавих ажлыг зохион байгуулж байгаа аж. Тус шар тэмдэглээг  Цэцэг төв, Ус цаг уурын хүрээлэн,  Төв музей, МУБИС-ийн уулзваруудад ирэх арваннэгдүгээр сарын 1-нээс өмнө хийж дуусгах юм байна. Ингэснээр уулзвар дээрх түгжрэл 90 хувь, уулзвар хүртэлх ачаалал 0.5 хувиар  нэмэгдэнэ гэсэн судалгааг хийсэн байна. Шар дөрвөлжин тэмдэглээг хийхэд зарцуулах 200 сая гаруй төгрөгийг нийслэлийн Засаг дарга шийдвэрлэжээ. Түүнчлэн Замын хөдөлгөөний шинэчилсэн дүрэм хэрэгжихээс өмнө  ачаалал ихтэй уулзварууд нэмж дээрх шар тэмдэглээг хийхээр төлөвлөжээ.

Мөн  ачаа түгээлтийн болон бараа түгээлт, таталтын дунд, том оврын автомашинуудыг өдрийн цагаар бус, замын хөдөлгөөний эрчим буурсан шөнийн цагаар хөдөлгөөнд оролцуулах тухай  тогтоол гаргажээ. Барилга, тавилгын үйлдвэрүүдийн машинуудыг цагийн хязгаартайгаар буюу оройн цагаар явуулдаг болох, ачаа тээвэрлэх автомашинуудад GPS суулгаж тухайн батлагдсан хуваарь, маршрутын дагуу явж байгаа эсэхэд хяналт тавих аж.

Улаан зураастай хэсгүүдээр өглөөний 07.00 цагаас оройн 21.00 цаг хүртэл ачааны тээврийн хэрэгсэл нэвтрэхгүй юм байна. Харин түргэн муудах хүнсний бүтээгдэхүүнүүдийн түгээлтийг хэрхэн зохицуулах талаар дахин ярилцахаар болов. Танилцуулгад дурдахдаа түргэн муудах хүнсний бүтээгдэхүүнүүдийн түгээлтийг өдрийн 12 цаг хүртэл дугаарлалт, бүслэлт хязгаарлахгүйгээр  түгээлт хийх боломжтой гэсэн бол  НИТХ-ын дарга С.Амарсайхан үүнтэй санал нэгдэхгүй байгаагаа илэрхийлж харин ч эсрэгээрээ  түргэн муудах хүнсний бүтээгдэхүүнүүдийн түгээлтийг шөнийн цагаар явуулж өглөө худалдагчдын гарч очиход бэлэн байх ёстой гэдэг тайлбарыг хийв.

Өнөөдөр нийслэлийн хэмжээнд 20 мянга гаруй түгээлтийн автомашин хөдөлгөөнд оролцож байна. Түгээлт хийх үедээ буюу  тухайн орчинд хамгийн багадаа 15-20 минут зогсож түгжрэл, замын ачааллыг 30 хувиар нэмэгдүүлж байгаа гэдийг тэрбээр мөн онцлов.

Нийслэлийн Засаг даргын орлогч П.Баярхүү “ Түгжрэлийг бууруулах  чиглэлд бага тойруу дотор болон хотын захуудад хоёр өөр бодлого барина. Хотын захуудад түгжрэл бага учраас тээвэрлэлтэд хориглосон бодлого барихгүй байгаа. Хэрвээ нийслэлийн хэмжээнд өдрийн цагаар бүх тээвэрлэлтийг хязгаарлах юм бол портероор зөөдөг ачаанууд бүгд микро автобус руу шилжих магадлал өндөр. Цаашлаад ачаа бараагаа жижиглэн  жижиг тэргээр  зөөхийг үгүйсгэхгүй. Тиймээс энэ тал дээр бид уян хатан бодлого барьж ажиллах хэрэгтэй. Аль болох  замын хөдөлгөөнд ачаалал болохгүй цагуудаар зохицуулалт хийнэ” гэлээ.

Ш.АДЪЯАМАА

"Болор дуран"-аар шалгав.

13 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2018-09-19 103.26.195.73

Шөнө түгээлт хийх нь зөв Амарсайхны санаа зөв БАЯРХҮҮ чи битгий тэнэгтээд. бай. мөнгө олох гэж бгаа бол шөнө ч гэсэн ажил

Дэмжиж байна 2018-09-19 124.158.124.144

Шөнөжин зугаа цэнгээний газраар яваад болоод байдаг хүмүүс үүрээр эрт босоод ажил хийхэд юу нь болохгүй байхав. Ер нь манайхан өглөө эрт босож ажиллаж сурах хэрэгтэй

Зочин 2018-09-19 64.119.20.222

Сайн байна. Болж байнаа. Түгжрэл бууруулах бүх боломжийг ашиглах хэрэгтэй. Хийгээд туршад үзэхэд болохгүй зүйл байхгүй. ХҮмүүсээ бие биеэ ажиллах боломжийг нь олоорой. Бид хийж туршиж үзэж байж л үр дүнг нь мэдрэнэ. Зүгээр л сонсонгуут эсвэл ургуулан бодонгуутаа бүү эсэргүүцэж бай л дөө.

Зочин 2018-09-19 202.21.105.13

шөнө ажиллах хэрэг гарах нь. Илүү хүн ажиллуулна, илүү цалин төлнө. Эцэст нь бүтээгдхүүний үнэ өснө. Жижиг газруудад хүндрэлтэй. Тэд хаалгаа барина. Томчууд нь давуу талтай болно. Жижгүүд өөрсдөө явж бараагаа цуглуулна. Борлууллтанд жижиг тэргүүд, микрүүд явуулна. Эцэст нь илүү олон машин хөдөлгөөнд оролцоно.\nХуцалгүй машины татвараа нэмж, нийтийн тээврээ нэмэгдүүлэх бодлого барьсан нь дээр дээ. Машинтай явах нь автобусаар явахаас удаан, илүү төвөгтэй, зардалтай болго.

Дэмжиж байна өө 2018-09-19 211.38.169.122

Мааш зөв. 10 сая хүн бужигнасан Сөүлд дандаа үүрээр 3-5 цагын хооронд түгээлтээ хийдэг. Бүтээгдэхүүн сүү талх нь ч шинээрээ. Хөгжлийн шатанд шалгарсан арга болоод л энд тууштай хэрэглэдэг байлгүй дээ

Дунд 2018-09-19 103.26.192.42

Монголд шөнө ажилладаг газар байхгүй...битгий ингэж шааж бай

Зочин 2018-09-19 66.181.160.99

За тэгвэл шөнөөр уух усаа аваад нийтээрээ унтахгүй байя

Ус түгээгч 2018-09-19 66.181.160.99

За тэгвэл шөнөөр уух усаа аваад нийтээрээ унтахгүй байя

Зочин 2018-09-19 103.229.120.246

mash zuv shiidel olson bna.tom tom ambaarnuud zam deer zam haaj hundlun guld zogchihood shaardlaga tavihaar ajilaa hiij bna geed hucaad bdagiig n yanaa?durtai yum bol shunu baraagaa hurgej baig.ylanguya horoololiin nomin ih delguuriin ard heden tsagaar tugjirel uusgej zam haadag yvgan hunii zam deer tom tom teregnuud n hundlun guld tavichihaad hucaad bdag.

Ус түгээгч 2018-09-19 66.181.160.99

За тэгвэл шөнөөр уух усаа аваад нийтээрээ унтахгүй байя

Болиосой 2018-09-19 202.21.118.138

Удахгүй бүтэгдэхүүн нь муудах юм байна

Болиосой 2018-09-19 202.21.118.138

Энэ дарга нар үнэндээ амьдралаас тасарсан, юу ч мэддэггүй юм байна. Хүүхдийн цэцэрлэг сургуулиуд яаж шинэ сүү, таргаа авах вэ. Түгээлтээр яаж авах юэ. Хэлээд өгнө үү. Шөнө түгээхийн тулд тэр газруудын ажилчид шөнө очоод хонох уу.

Зочин 2018-09-19 64.119.24.137

Шөнө унтахгүй юм байна л даа

NewsMN Гар утасны хувилбар Татах
NEWS.mn

Мэдээллийн эх сурвалж