МАХН, ИЗНН, МНН, МҮАН-ынхан багш нарын тэмцлийг дэмжив | News.MN

МАХН, ИЗНН, МНН, МҮАН-ынхан багш нарын тэмцлийг дэмжив

Хуучирсан мэдээ: 2018.09.19-нд нийтлэгдсэн

МАХН, ИЗНН, МНН, МҮАН-ынхан багш нарын тэмцлийг дэмжив

МАХН, ИЗНН, МНН, МҮАН-ынхан багш нарын тэмцлийг дэмжив

“Монгол Ньюс” мэдээллийн төвд МАХН, ИЗНН, МНН, МҮАН-ын дарга нар мэдээлэл хийлээ. Тэд багш нарын цалин нэмэгдүүлэхийн төлөөх тэмцэл ингээд зогсож байгаад эсэргүүцэж байгаа аж.

МАХН-ын Ерөнхий нарийн бичгийн дарга Тулга:

-Багш нар цалингаа нэмэгдүүлэхийн тулд тэмцээд байгаа юм биш. Өнгөрсөн арван жилд ам.долларын ханш өсч, инфляц нэмэгдсэнээс үүдэж Монгол төгрөг үнэгүйдсэн. Тиймээс хулгайлагдсан мөнгөө тэнцүүлэх шаардлага тавьж тэмцсэн гэж ойлгож байгаа. Тиймээс багш нарын тэмцлийг дэмжиж байгаа юм.

МНН-ын дарга О.Бум-Ялагч:

-Өнгөрсөн 2008 онд ам.доллар 1150 төгрөг байсан бол 2018 онд 2500 төгрөгтэй тэнцэж байна. Атар талх 660 төгрөг байсан 1210 төгрөг болсон байх жишээтэй. Нийгэм эдийн засгийн байдал хямарч байгаа тул багш нар маань бүсээ чангалах бололцоогүй болсон. Тиймээс багш нарын тэмцлийг манай нам дэмжиж байгаа. Германд багш нарын цалин 5300 евро байдаг бол монголд 200 евро байна. Тиймээс бид тэмцэх ёстой. Багш нарын цалинг хөвдөг болгочихвол өнөөдрийн асуудал үүсэхгүй. Гэтэл эрх баригчид ажлаа хийхгүй байна. Хийдэг хүмүүсийг нь гаргаж, ирээдүйг харсан бодлого боловсруулах хэрэгтэй байна.

ИЗНН-ын дарга Ц.Ганхуяг:

-Багш нарын тэмцэл үүгээр дуусаагүй, ажил хаялт түр зогссон байгаа. Тэгэхээр ирэх оны төсөв хэрхэн батлагдахаас хамаарч цаашдын асуудал шийдэгдэнэ. Бид бол багш нарын суурь цалинг 1,5 сая төгрөгт хүргэхээс цааш мөнгөний ханшийн зөрүүг арилгаж чадахгүй юм.  Багш нарын нэг сурагчид ногдох хувьсах зардал анх 2008 онд батлагдаж байсан. Үүнээс хойш өөрчлөгдөөгүй. Тэгэхээр суурь цалингаа зөв, шударга тавьж байж дараагийн асуудлыг ярих ёстой. Өнөөдрийн багш нарын тэмцэл бол өнөөгийн ялзралын эсрэг тэмцэл юм. Намрын чуулганаар хэлэлцэх 2019 оны төсөв хэрхэн батлагдахаас багш нарын тэмцэл хамаарна. Тиймээс багш нарын тэмцлийг улс төрийн өнцгөөс харахаас илүү, ирээдүйдээ хийж буй хөрөнгө оруулалт юм.

Ийнхүү дээрх дөрвөн намаас мэдэгдэл гаргасныг МҮАН-ын дарга Б.Цогтгэрэл уншиж, танилцуулав.

Тэрбээр “Багш нарын суурь цалинг 1,5 саяд хүргэх бүрэн боломжтой. Багш нар хөдөлмөрөө шударгаар үнэлүүлэх гэж олон сарын турш тэмцсэн ч, эрх баригчдын нүд нь сохор, чих нь дүлий байсаар хоёр дахь жилийнхээ нүүрийг үзэж байна. МАНАН бүлэглэлийн эрх ашгийг хамгаалсан олон жилийн бодлогын золиос нь жирийн ард иргэд болж байна. Цалингийн ангиллаар хамгийн бага цалинтайд тооцогдож байгаа тул ажил хаяхаас өөр аргагүй болсныг удаа дараа сануулсан ч МАН-ын Засгийн газар тоохгүй байсаар өдийг хүрсэн юм. Эрх баригчид МҮЭХ-г элдвийн аргаар хууран мэхэлсээр багш нарын тэмцлийг тасаллаа. Багш, эмч нарын цалин, тэтгэврийг нэмэгдүүлэх боломж байна.

Тодруулбал, Оюутолгойн хөрөнгө оруулалтын гэрээг өөрчлөн шинэчлэх, татварын шалгалтаар тогтоогдсон 1,8 тэрбум ам.долларын төлбөрийг төлүүлэх замаар цалин нэмэх боломж байна.

Хоёрт, Байгалийн баялгийг түүхийгээр нь экспортолж байгаа тохиолдолд татвар ногдуулж болно.

Гуравт, оффшор данс руу зугтаалгасан их хэмжээний мөнгийг эргүүлэн төвлөрүүлэх.

Дөрөвт, Эрдэнэт үйлдвэрийг барьцаалж, их хэмжээний мөнгө авсан этгээдээс хөрөнгийн эх үүсвэрийг бий болгох замаар цалин нэмэх боломжтой. Иймд багш нарынхаа зүй ёсны шударга шаардлагыг олноороо уухайлан дэмжицгээе” гэж уриалав.

 

"Болор дуран"-аар шалгав.

Холбоотой мэдээ

11 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-09-19 64.119.27.169

Энэ намууд дээр бусад намууд нь хүчээ нэмж МАНАНГ устгаасай

Avatar

5300 -200 2018-09-19 146.151.119.169

Germand bagsh nariin tsalin 5300 euro baidag bol Mongold 200 euro !!!. Iim baga tsalintai bagsh naraar hicheel zaalgasan mania namuudiin darga nar UIH-iin gishuud Mongol ulsiig economic default-dampuurlaas gargah medleg uhaan dutaad baigaa yum baina daa!! Bagsh nartaa 5300 euro ugvel Mongoloo dapuurlaas gargah uhaantai uls turchid olnoor tureh yum baina daa. Tegvel German shig Mongol uls hugjine dee!

Avatar

namuud 2018-09-19 146.151.119.169

Namuud hamtaraad Mongoloo economic default- munkhiin hyamral dampuurlaas gargah arga shiidelee bodoj olson ni deer bolov uu!

Avatar

Sangiin said harui helsen 2018-09-19 146.151.119.169

Emch bagsh nariin tsaling nemehed gadaadaas zeel avch baij l nemeh bolomjtoi gesen Tegeed ugaas yaduu ediin zasag ni bainga hyamarh baidag , dampuursan Mongol uls daanch hund baina daa!!!

Avatar

Sangiin said harui helsen 2018-09-19 146.151.119.169

Emch bagsh nariin tsaling nemehed gadaadaas zeel avch baij l nemeh bolomjtoi gesen Sangiin saidiin medegdel ard tumen sayahan 2 chiheree sonsson doo! Tegeed ugaas yaduu ediin zasag ni bainga hyamarh baidag , dampuursan Mongol uls daanch hund baina daa!!!

Avatar

Зочин 2018-09-19 103.10.23.8

Эд нар хэн бэ, улс төрд байхдаа цалин нэмж байхгүй яасан юм.МАХН,ИЗН….худал гарууд

Avatar

Зочин 2018-09-19 202.21.106.101

Acyydal shiidegdeed .arai hiij hyyhdyyd sujguulidaa yavaj baihad devergeed hereggyi. bagsh nariin temsleer ulstor hiisnii hereggyi. halamjaa tavij chadahgyi baihad yun 1.5 say tog tsalny be.yumnii yne osood.busdiigaa hulduu chirch baina.tsalin ni say ovoo nemegdee biz dee.

Avatar

ннн 2018-09-19 122.201.25.46

Өнгөрсөн борооны хойноос цув нөмрөв.

Avatar

Эмч багш нар 2018-09-19 203.91.115.248

ЭМЯ, БСШУЯ-ны 2 тэнэг сайдыг түргэн огцруулж өгч ард түмэндээ туслаач ээ, Сарангэрэл гэгч энэ мэдрэл муутай авгайгаа ЭМЯ-аас түргэн зайлуулаач ээ.

Avatar

Зочин 2018-09-19 203.91.118.180

Хүн тоодоггүй хэдэн намын нэр барьсан балайнууд одоо болиоч ээ. Та нар ингээд ямарч амжилт олохгүй хэн бэ гэдгийг чинь ард түмэн бид мэднэ шүү

Avatar

Зочин 2018-09-19 66.181.169.122

Багш нарын тэмцэл нь боловсролын системийн хоцрогдол, үе үеийн улс төрчдийн худал хуурмагын золиос болохоос Энд хурал зарлаад өнгөрсөн борооны хойноос гэнэт мөөрөлдөж байга Улстөрийн я н х а н уудын ашиг сонирхлын хэргэсэл биш, эд санаатайгаар хутган үймүүлэх, тэмцэл шаардлагын хүчийг сулруулж саармагжуулах, ХҮНамд ашигласан үнэгүйдүүлж нийгмийн сэтгэл санааг эсрэг хандуулах хогын я н х а н ы төлбөртэй ажиллагаа л хийж байна. Эд нар олон түмэнд ашигтай юм хийхгүй ээ, хийж ч байгаагүй.

NewsMN Гар утасны хувилбар Татах
NEWS.mn

Мэдээллийн эх сурвалж