Ким Жон Ун Сөүлд айлчилна | News.MN

Ким Жон Ун Сөүлд айлчилна

Ким Жон Ун Сөүлд айлчилна

Хоёр Солонгосын түүхэн дээд хэмжээний уулзалт хоёр дахь өдрөө үргэлжилж байна. Хойд Солонгосын нийслэл Пеньян хотноо болж буй уулзалтад талууд Солонгосын хойгийг цөмийн зэвсэггүй болгох хөтөлбөрийн тунхаг бичигт гарын үсэг зурлаа. Хойд Солонгосын эрх баригчид цөмийн зэвсэг үйлдвэрлэх байгууламжуудыг гаднын мэргэжилтнүүдийн тусламжтайгаар нураах саналтай байгааг Ерөнхийлөгч Мүн Жэ Ин мэдэгдсэн байна.

Мөн хэвлэлийн хурлын үеэр Ерөнхийлөгч Мүн Жэ Ин болон удирдагч Ким Жон Ун нар Солонгосын Хойгийг “цөмийн зэвсэггүй, цөмийн аюулгүй амар амгалан, энх тайван бүс” болгох тал дээр санал нэгдэж, хамтран ажиллах хүсэлтэй байгаагаа илэрхийлсэн аж. Түүнчлэн Хойд Солонгос болон  Өмнөд Солонгосыг холбох төмөр замын төслийг дахин сэргээж, үйл ажиллагаанд нэвтрүүлэх санамж бичигт гарын үсэг зурж тохиролцжээ. Өмнө нь АНУ-ын цэргийн команд уг төмөр замын туршилтын үйл ажиллагаанд саад болж байсан удаатай билээ.

Түүнчлэн хоёр Солонгосын хамтарсан хэвлэлийн хурлаар Хойд Солонгосын удирдагч Ким Жон Ун Өмнөд Солонгосын нийслэл Сөүл хотноо айлчлах сонирхолтой байгаагаа илэрхийлсэн нь олон нийтийн анхаарлыг татжээ.

“Би Өмнөд Солонгосын Ерөнхийлөгч Мүн Жэ Инд Сөүл хотноо ойрын хугацаанд багтаж айлчлах болсноо амласан” хэмээн хамтарсан хэвлэлийн хурлаар удирдагч Ким Жон Ун мэдэгджээ.

Сануулахад, өчигдөр /2018.09.18/ Хойд Солонгосын нийслэл Пеньян хотноо удирдагч Ким Жон Ун Өмнөд Солонгосын Ерөнхийлөгч Мүн Жэ Инийг хүлээн авч уулзсан билээ. Уулзалтаар Өмнөд Солонгосын Ерөнхийлөгч Мүн Жэ Инийг Хойд Солонгосын тал дотноор хүлээн авсан нь түүхийн хуудаснаа тэмдэглэгдэн үлдэх явдал болсон буй.

Хүлээн авалтын дараагаар Ерөнхийлөгч Мүн болон Ким нар нийслэл Пеньян хотын гудамжаар баярын жагсаалд оролцсон байна.

Баярын жагсаалд оролцсон Пеньян хотын ард иргэд “Эв найрамдлын төлөө” хэмээн дуу хоолойгоо нэгтгэж байжээ. Удирдагч Ким Жон Ун Ерөнхийлөгч Мүн Жэ Инд хүргэх гэсэн санаа бол хоёр Солонгосын эв найрамдал болон нэгэнтээ салан тусгаарлагдсан Солонгосын Хойгийг нэгтгэхийг илэрхийлж буй.

Үүний дараагаар Пеньян хотын Самжиёон дуурийн театрт хоёр Солонгосын эрх баригчид зочилж тэднийг цугласан хамт олон элгэмсгээр угтан авсан.

Өмнөд Солонгосын Ерөнхийлөгч Мүн Жэ Ин уулзалтын эхний өдөр Хойд Солонгосын Төрийн ордонд айлчлахдаа зочдын бүртгэлд халуун мэндчилгээ үлдээсэн аж.

“Эв нэгдэл, хамтын хөгжлийн төлөө, үндэсний төлөө цохилох нэг сэтгэл зүрх!” хэмээн тэмдэглэн үлдээжээ.

 

ЭХ СУРВАЛЖ: VOX, VOA, BLOOMBERG
Г. МАНДАХ

"Болор дуран"-аар шалгав.

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-09-19 146.115.164.182

Ene huugees neg burhan uhaan garaad l baina daa. Alsdaa ene hediig shoroo umnhuuleed daam garna daa

Avatar

Ок 2018-09-19 202.9.43.162

Монгол бас өвөр монгол буриад гээд тарсан бутарсан монголчуудтайгаа ойртвол яасын, хүчирхэг монгол гарна даа

Avatar

Зочин 2018-09-19 146.115.164.182

Dongiotood bai. Tsaad 2 chin yugj zuvshuurdiin.

Avatar

Зочин 2018-09-19 202.126.89.68

Hoir tusgaarlagdsan ahan dvvs negdeh tal ruga yawaj baigaag haraad, zvgeer l gunigtai bnda uwur mongol buriad mongol ahan dvvs maan uusaj alga bolj baidag

NewsMN Гар утасны хувилбар Татах
NEWS.mn

Мэдээллийн эх сурвалж