Хоёр Солонгосын түүхэн дээд хэмжээний уулзалт хоёр дахь өдрөө үргэлжилж байна. Хойд Солонгосын нийслэл Пеньян хотноо болж буй уулзалтад талууд Солонгосын хойгийг цөмийн зэвсэггүй болгох хөтөлбөрийн тунхаг бичигт гарын үсэг зурлаа. Хойд Солонгосын эрх баригчид цөмийн зэвсэг үйлдвэрлэх байгууламжуудыг гаднын мэргэжилтнүүдийн тусламжтайгаар нураах саналтай байгааг Ерөнхийлөгч Мүн Жэ Ин мэдэгдсэн байна.

Мөн хэвлэлийн хурлын үеэр Ерөнхийлөгч Мүн Жэ Ин болон удирдагч Ким Жон Ун нар Солонгосын Хойгийг “цөмийн зэвсэггүй, цөмийн аюулгүй амар амгалан, энх тайван бүс” болгох тал дээр санал нэгдэж, хамтран ажиллах хүсэлтэй байгаагаа илэрхийлсэн аж. Түүнчлэн Хойд Солонгос болон  Өмнөд Солонгосыг холбох төмөр замын төслийг дахин сэргээж, үйл ажиллагаанд нэвтрүүлэх санамж бичигт гарын үсэг зурж тохиролцжээ. Өмнө нь АНУ-ын цэргийн команд уг төмөр замын туршилтын үйл ажиллагаанд саад болж байсан удаатай билээ.

Түүнчлэн хоёр Солонгосын хамтарсан хэвлэлийн хурлаар Хойд Солонгосын удирдагч Ким Жон Ун Өмнөд Солонгосын нийслэл Сөүл хотноо айлчлах сонирхолтой байгаагаа илэрхийлсэн нь олон нийтийн анхаарлыг татжээ.

“Би Өмнөд Солонгосын Ерөнхийлөгч Мүн Жэ Инд Сөүл хотноо ойрын хугацаанд багтаж айлчлах болсноо амласан” хэмээн хамтарсан хэвлэлийн хурлаар удирдагч Ким Жон Ун мэдэгджээ.

Сануулахад, өчигдөр /2018.09.18/ Хойд Солонгосын нийслэл Пеньян хотноо удирдагч Ким Жон Ун Өмнөд Солонгосын Ерөнхийлөгч Мүн Жэ Инийг хүлээн авч уулзсан билээ. Уулзалтаар Өмнөд Солонгосын Ерөнхийлөгч Мүн Жэ Инийг Хойд Солонгосын тал дотноор хүлээн авсан нь түүхийн хуудаснаа тэмдэглэгдэн үлдэх явдал болсон буй.

Хүлээн авалтын дараагаар Ерөнхийлөгч Мүн болон Ким нар нийслэл Пеньян хотын гудамжаар баярын жагсаалд оролцсон байна.

WATCH: Thousands of North Koreans wave flowers at their leader Kim Jong-un and South Korean President Moon's open-top limo ahead of the Inter-Korea Summit #남북정상회담 https://t.co/ufzEEw8Nlj #tictocnews pic.twitter.com/WmRloKuntG

— TicToc by Bloomberg (@tictoc) September 18, 2018

Баярын жагсаалд оролцсон Пеньян хотын ард иргэд “Эв найрамдлын төлөө” хэмээн дуу хоолойгоо нэгтгэж байжээ. Удирдагч Ким Жон Ун Ерөнхийлөгч Мүн Жэ Инд хүргэх гэсэн санаа бол хоёр Солонгосын эв найрамдал болон нэгэнтээ салан тусгаарлагдсан Солонгосын Хойгийг нэгтгэхийг илэрхийлж буй.

Үүний дараагаар Пеньян хотын Самжиёон дуурийн театрт хоёр Солонгосын эрх баригчид зочилж тэднийг цугласан хамт олон элгэмсгээр угтан авсан.

WATCH: Kim Jong Un and Moon Jae-in receive a standing ovation after a performance at the inter-Korean summit in Pyongyang #tictocnews pic.twitter.com/ByJt5gWLoE

— TicToc by Bloomberg (@tictoc) September 18, 2018

Өмнөд Солонгосын Ерөнхийлөгч Мүн Жэ Ин уулзалтын эхний өдөр Хойд Солонгосын Төрийн ордонд айлчлахдаа зочдын бүртгэлд халуун мэндчилгээ үлдээсэн аж.

“Эв нэгдэл, хамтын хөгжлийн төлөө, үндэсний төлөө цохилох нэг сэтгэл зүрх!” хэмээн тэмдэглэн үлдээжээ.

VIDEO: South Korean President Moon Jae-in signs guest book during Koreas summit

👉 South Korean President Moon Jae-in & North Korean Leader Kim Jong Un have completed their first day of summit talks in Pyongyang, North Korea. https://t.co/IMUpuoFHVF pic.twitter.com/eicTuJpmMm

— The Voice of America (@VOANews) September 18, 2018

ЭХ СУРВАЛЖ: VOX, VOA, BLOOMBERG
Г. МАНДАХ