Сэлэнгэ аймгийн Онцгой байдлын газраас алба хаагчдынхаа чөлөөт цагийг зөв боловсон өнгөрүүлэх, нийт бие бүрэлдэхүүнийг спортын нэгдсэн арга хэмжээнд хамруулах зорилгоор спортын олон төрөлт тэмцээнийг зохион байгууллаа.

Тэмцээнд аймгийн Онцгой байдлын газрын харьяа Гал түймэр унтраах аврах  36, 19, 61,40 дүгээр анги, Улсын нөөц хүмүүнлэгийн тусламжийн анги, Эрэн хайх аврах ангийн 7 багийн 100 гаруй тамирчин, гар бөмбөг, сагсан бөмбөг, ширээний теннис, шатар, даам, үндэсний бөх гэсэн зургаан төрлөөр хурд хүч, авхаалж  самбаагаа сорин өрсөлдөж, аваргуудаа шалгаруулсан юм.

Нэгдсэн дүнгээр гуравдугаар байранд  ахмад  Б.Баттүвшин ахлагчтай Баянгол сум дахь Гал түймэр унтраах, аврах 40 дүгээр ангийн баг тамирчид, хоёрдугаар байранд ахмад А.Батмөнх ахлагчтай Сүхбаатар сум дахь Гал түймэр унтраах, аврах 36 дугаар ангийн баг тамирчид, нэгдүгээр байранд дэд хурандаа Д.Баттулга ахлагчтай Сайхан сум дахь Гал түймэр унтраах, аврах 61 дүгээр ангийн баг тамирчид  тэргүүлж, цомын эзэд боллоо гэж Сэлэнгэ аймгийн Онцгой байдлын газраас мэдээллээ.