Баавгайн базааг сөрөх Сэм авгын бэлэг | News.MN

Баавгайн базааг сөрөх Сэм авгын бэлэг

Хуучирсан мэдээ: 2018.09.19-нд нийтлэгдсэн

Баавгайн базааг сөрөх Сэм авгын бэлэг

-МСС-ийн 350 сая ам.доллар ОХУ-ын Засгийн газрын 100 тэрбум рубльтэй “зодолдох” уу-

Баавгайн базааг сөрөх Сэм авгын бэлэг

-МЯНГАНЫ СОРИЛТЫН САНГИЙН 350 САЯ АМ.ДОЛЛАР ОХУ-ЫН ЗАСГИЙН ГАЗРЫН 100 ТЭРБУМ РУБЛЬТЭЙ “ЗОДОЛДОХ” УУ-

Ерөнхий сайдыг Цагаан ордон залж одов. Ганзагыг нь тэмтрэхээс аргагүй намрын “халуун” эдийн засаг, өвлийн бэлтгэл ажил, тулгамдсан асуудлууд айлчлалын мэдээг анхааралтай ширтэхэд хүргэж байна. Гол хүлээлт нь Мянганы сорилтын сангийн /МСС/ хоёр дахь компакт гэрээнд гарын үсэг зурж баталгаажуулах уу гэдэг асуудал буй. Учир нь өнгөрсөн зургадугаар сард “зангасан” айлчлал цуцлагдсан шалтгаан нь Монголын Засгийн газар төслийг хэрэгжүүлэхийн тулд хүлээсэн үүргээ биелүүлээгүй гэм зэмд байв уу, өөр “шалтаг” байв уу гэдэг нь тэрүүхэндээ дуулиан тариад байсан. Тавантолгойн ордын үйл ажиллагааг эрчимжүүлэх талаар авах зарим арга хэмжээний УИХ-ын тогтоолын төслийг хэлэлцүүлэх, Дорноговийн Алтанширээтэд газрын тос боловсруулах үйлдвэрийн шав тавих гэхчлэн хойд хөршийн “дуугарахгүйгээр дургүйцэх” олон асуудал давхцаж, үүнтэй зэрэгцэн У.Хүрэлсүхийн Засгийн газар тулгамдсан зарим асуудлыг шийдэхээр “ханцуй шамлан” эрэмгий дайрсан өдрүүдэд АНУ-д хийх айлчлал товлогдсон байв. Онц ноцтой шалтаг шалтгаан тоочилгүйгээр тэгсгээд айлчлал цуцлагдаж наадам залгасан.

“СЭМ АВГЫН БЭЛЭГ” СЭТГЭЛ ДОГДЛУУЛАХ УУ, ТҮГШЭЭХ ҮҮ

Энэ удаад МСС-ийн 350 сая ам.долларын буцалтгүй тусламжийг “царцаасан” бараан мэдээг цайруулж ирэх нь лавтай. Хэрэв МСС-ын 350 сая ам.долларын санхүүжилттэй уг гэрээг баталгаажуулбал Улаанбаатар хотын ус хангамжийг нэмэгдүүлэх төсөлд зарцуулах юм. Монголчуудын хувьд энэ нь “У.Хүрэлсүх Д.Трамптай уулзав” гэдгээс ч чухал, нийтлэг эрх ашигт нийцэх үр дүн билээ.

Мэдээж одоогоор “эдийн засгийн хамтын ажиллагааг өргөжүүлэх, НҮБ-ын Ерөнхий нарийн бичгийн дарга Антонио Гуттерес, НҮБ-ын Хөгжлийн хөтөлбөрийн захирагч Аким Штайнер нартай уулзахаар төлөвлөгдсөн юм билээ. “Дэлхийн парламентын генсек” буюу НҮБ-ын Ерөнхий нарийн бичгийн дарга Антонио Гуттересын хувьд шинэ албан тушаалд томилогдсоны дараах анхны Төрийн өндөр албан тушаалтан нь Монгол Улсын Ерөнхий сайд Ж.Эрдэнэбат байсныг онцолж байсан удаатай. Тэр үед Монголын Ерөнхий сайд энхийг сахиулах ажиллагаанд эмэгтэй дайчдын тоог нэмэгдүүлэх, Монголоос анх удаа инженерингийн рот илгээх хүсэлтэй байгаагаа илэрхийлж билээ. Португалийн Ерөнхий сайд байсан тэрбээр энэ удаад Монгол Улсын Ерөнхий сайдтай ямар сонирхолтой сэдвээр яриа өрнүүлэх нь сонин байна.

Ерөнхий сайд, МАН-ын дарга У.Хүрэлсүх энэ айлчлалын үеэр Нью-Йоркт Соц-Интернийн уулзалтад оролцоно. Дэлхийн зүүн үзэл баримтлалтай 170 гаруй орныг эгнээндээ нэгтгэсэн энэ байгууллагад Монголын экс Ерөнхий сайд С.Баяр, С.Батболд нар нэлээд дээгүүр эрэмбэлэгдэж, удирдах бүрэлдэхүүнд ажиллаж , томоохон хурлууд дээр нь үг хэлж байсан тэр л жимээр У.Хүрэлсүх замнаж намын даргын үүргээ гүйцэтгэж байгаа нь тэр.

Тэгвэл эдийн засаг талдаа У.Хүрэлсүхийн АНУ-д хийх айлчлал ямар үр ашигтай вэ. Ямар цаг үе, нөхцөл байдалд тэрбээр “Сэм авга”-ынд уригдав. Нүүрсний салбарын чуулга уулзалт, хөрөнгө оруулалтын “ Дисковери”, Ерөнхийлөгчийн ОХУ-ын Владивостокт болсон Дорнын эдийн засгийн форум, мөн энэ үеэр В.Путинтэй уулзсаны дараа тэр Цагаан ордонд зочилж байна. Нөгөөтэйгүүр, Ерөнхийлөгч нь ОХУ-ын Ерөнхийлөгчтэй уулзахдаа байгалийн хийн хоолойг Монголоор дамжуулах уламжлалт гуйлт, 100 тэрбум рубль гуйсан улалзмаар хүсэлтийн дараа МСС-аас 350 сая ам.долларын гэрээнд гарын үсэг зурах хүлээлттэй. Яагаад ч юм бэ, МСС-аас авах буцалтгүй тусламжийг “горьдох” үед ОХУ “тусалж” таарчхаад байдаг даажинтай тохиолдол нэг бус удаа гарсан юм. Энэ удаад ч дахиад л “мөргөлдлөө”. Тухайлбал, 2005 онд Мянганы сорилын сангаас хишиг хүртэхээр ахин дахин шалгуулсаар 68 орноос 16-д “шалгарч” 285 сая ам.долларыг атгах шахсан. Тэр ч байтугай АНУ-ын Мянганы сорилтын корпорацийн Удирдах зөвлөл 2007 оны есдүгээр сарын 12-нд Вашингтонд хуралдаж Монгол Улстай компакт гэрээ байгуулах, нийт дөрвөн төсөлд зориулан 285 сая ам.доллар олгох болсноо тухайн үед АНУ-аас Монгол Улсад сууж байсан Элчин сайд Марк Минтон Ерөнхий сайд М.Энхболдод мэдэгдчихээд байв.

Гэтэл 2009 оны дөрөвдүгээр сарын дундуур Мянганы сорилтын сангийн тусламжтай холбоотой дуулиан дэгдэв. Энэ нь Монгол-Оросын хамтарсан “УБТЗ” ХНН Мянганы сорилтын сангаас хэрэгжүүлэхээр гэрээ байгуулаад хоёр жилийн нүүр үзэж буй 188.38 сая ам.долларын төслийг хэрэгжүүлэхээс татгалзах нь тэр. Дэлхийн эдийн засгийн хямрал болж санхүү, эдийн засгийн хүндрэлд нэрвэгдэн, ачаа тээвэрлэлт, транзит гээд хамаг мөнгөний урсгал нь “ширгэж” байсан тус байгууллага 188 сая ам.долларын буцалтгүй тусламжаас татгалзаж 250 сая ам.долларыг “УБТЗ” ХНН-ийн хувь нийлүүлэгч хоёр тал “гуялахаар” болж баахан “төмрийн сэг шахуулаад” өнгөрч билээ. Одоо ч энэ “хамтын ажиллагаа” гунигт мөрөө арилгаж чадаагүй л байна.

ГАЙХАМШГИЙГ ГАЙХАМШГААР Л ХАРИУЛАХ ЁСТОЙ

Харин одоо АНУ яах бол. Мөн л “УБТЗ” ХНН-т” гэсэн “шошготой” 100 тэрбум рублийн хүсэлтийг МСС цуцлуулах уу. Эсвэл дахиад л Кремлиэс “эмээж” 350 сая ам.долларын буцалтгүй тусламжаас татгалзах уу. Аль эсвэл аль алиныг нь авч “болох” уу.

Төрийн хэмжээний энэ өр зээл, буцалтгүй тусламжийн хэмжээ бидний ой санамж дахь хэмжүүрээр хэр их вэ. МСС-ийн 350 сая ам.доллар бол тээр жил Монголын Засгийн газар, Хятадын төрийн өмчит “Чалко”-оос зээлж иргэн бүртээ тараасан тэр их мөнгө. Харин Оросын өгч магадгүй 100 тэрбум рубль нь ойролцоогоор 1.7 тэрбум ам.доллар, ОХУ-ын төрийн өмчит “Роснефть”-ийн 2017 оны дөрөвдүгээр улирлын цэвэр ашигтай тэнцэх тийм хэмжээний мөнгө гэвэл жишихэд хялбар байж мэднэ.

Ингээд Ерөнхийлөгч ОХУ-аас 1.7 тэрбум ам.доллар, Ерөнхий сайд АНУ-аас наанадаж 350 сая ам.доллар “хүлээж” байна. Ерөнхийлөгчийн хүссэн 100 тэрбум ам.доллар Орос, Монголын хамтарсан “УБТЗ” ХНН-д, Ерөнхий сайдын батламжлах магадлалтай 350 сая ам.доллар зөвхөн Улаанбаатарын цэвэр усны хангамжийг нэмэгдүүлэхэд “хаяглагдаж” буй.

Дашрамд сануулахад ОХУ Монголд найр тавих гол шалтгаан нь АНУ-ын талаас эдийн засгийн хоригт орчхоод байгаа учраас гэчихэд хилсдэхгүй. Ийм нөхцөлд дээрх хөнгөлөлттэй зээлүүд давхцаж ирэх магадлал тун бага. Хэрэв Ерөнхийлөгч, Ерөнхий сайд нар өөр өөрсдийн дипломат урлагийг сонирхуулж дуэлд дуудаагүй, хамтарсан тоглолт хийж тэр нь амжилттай болбол ёстой гайхамшиг гэгч болох бөгөөд мэдээж Монголд л ашигтай. Харин тэр цагт Монгол Улс энэ гайхамшгийг гайхамшгаар л хариулах бичигдээгүй хууль үйлчлэх биз ээ.

Холбоотой мэдээ

49 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Монгол 2018-09-19 66.181.184.13

Америкийн МСС сан тусалж байгаа нэрээр мөнгийг тухайн оронд туйлын үр ашиг муутай зүйлд зарцуулдаг бодлоготой уламжлалтай, уул нь түрүүчийн 300 сая доллараар нэг томоохон асуудао шийдэж болох л байсан гэтэл зориуд татгалзаж байгаад ихэнх мөнгө нь утаагүй зуухыг санхүүжээлээд л дууссан, энэ удаагийнх уул хаяг нь их зөв боловч бас л го асуудласаа зориуд зугтсан. Туулын усан сан цогцолбор төслийг хэрэгжүүлсэн бол Улаанбаатарын амин чухал асуудал байлаа гэтэл бас зориуд татгалзсан,

Avatar

Монгол 2018-09-19 66.181.184.13

Америкийн МСС сан тусалж байгаа нэрээр мөнгийг тухайн оронд туйлын үр ашиг муутай зүйлд зарцуулдаг бодлоготой уламжлалтай, уул нь түрүүчийн 300 сая доллараар нэг томоохон асуудао шийдэж болох л байсан гэтэл зориуд татгалзаж байгаад ихэнх мөнгө нь утаагүй зуухыг санхүүжээлээд л дууссан, энэ удаагийнх уул хаяг нь их зөв боловч бас л го асуудласаа зориуд зугтсан. Туулын усан сан цогцолбор төслийг хэрэгжүүлсэн бол Улаанбаатарын амин чухал асуудал байлаа гэтэл бас зориуд татгалзсан,

Avatar

Зочин 2018-09-19 66.87.138.49

Harj l baiya?????oros 1.5 terbum dollar uu USA 350 saya I ??? 1.5 terbum hognii Orond ornoo

Avatar

Хулгана 2018-09-19 66.181.190.36

Үнэгүй бяслаг хулганы хавханд л байдаг. Үнэгүй бяслагаа үхчилгүй идэх нь хулганы авьяас л мэдэж дээ ккк. Тун гайхалтай харж бичсэн нийтлэл байна

Avatar

Ovgon 2018-09-19 66.181.190.171

orosoos ondor huutei zeelneriin dor hend hereggui tomriin hog avch bolohgui. Butsaltguibtuslamj ni deer

Avatar

Зочин 2018-09-19 202.72.245.209

АНУ МСС ОЛОН ЖИЛ СУДАЛЖ МАНАЙД ТУСЛАМЖ ӨГЧ БАЙГАА ЮМ ОРОСООС ИЙМ ЗЭЭЛ Л АВЬЯ ГЭЖ ЕРӨНХИЙЛӨНЧ ХҮССЭН БОЛОЛТОЙ ГЭТЭЛ ТЭР ЭНИЙГ ХИЙХ ЭРХГҮЙ Л ХҮН ШҮҮ ДЭЭ ЗГ Л ЗЭЭЛ АВБАЛ АВНА ЮМАА ОЙЛГОХГҮЙ САРААЧИЦГААХ ЮМ АА

Avatar

Зочин 2018-09-19 202.9.42.206

"Сэм авга" гэнэ шүү. Энэ чинь хүйтэн дайны үеийн марзсистуудын өгсөн хоч. Америкчууд үүнд их дургүй. Тухайлбал Монголд суугаа АНУ-ын элчин сайд энэ мэдээг чинь олж үзвэл эгдүүцнэ. Нэртэйгээр нь зэрэгцүүлээд "Орос ах" энэ тэр гэж нялганаач?

Avatar

Зочин 2018-09-19 202.9.41.32

Yuga gytsad bga pyaldaga be

Avatar

Зочин 2018-09-19 139.5.217.54

Орос ах гэж нялагахаа л больчих гэнэ ээ. Хуцсан барьсан юм бол алга байх шиг байна.

Avatar

Uncle Sam (US) 2018-09-19 108.170.182.183

Uncle Sam( US) = Сэм Авга. Энэ зүгээр л товчлол, хүйтэн дайн майн ямар ч хамаагүй

Avatar

Зочин 2018-09-19 202.21.106.122

butsaltgui tuslamj avsan deer bhaa. zeel bol daraa ni tolj chadahgui gai bolood baidag bizdee

Avatar

Зочин 2018-09-19 66.181.176.17

Үнэгүй юм энэ хорвоод байдаггүй юм.

Avatar

Zochin 2018-09-19 66.181.190.171

tiim.shuu umhii orosiin havhand umaj hanalaa. Odoo orosoos holdoh tsag bolson

Avatar

Зочин 2018-09-19 103.57.93.128

Ам, сэтгэлгээнийхээ зоргоор бурах юм даа гэж … энэ бичээч нар.

Avatar

Зочин 2018-09-19 139.5.216.207

ОРОСЫН ОНДОР ХУУТЭЙ ЗЭЭЛЭЭР ЯАХ ВЭ 1.7 ТЭРБУМ $ .10 % – ЫН ХУУТЭЙ ГЭЭД БОД ДОО ЖИЛД ТОЛОХ ТОЛБОР ЧИНЬ АЛААД ОГНО .ОРИЙН ТААЗ ОДОО ХЭРЭГГУЙ

Avatar

Зочин 2018-09-19 73.83.155.120

hahaahaha tuuh davtagdanaa.orosiin 100 terbumiin tumriin seg avbal yaag taarna

Avatar

Зочин 2018-09-19 73.83.155.120

orosiin 100 terbum rubliin hog atghaval taarna

Avatar

ТАВАНТОЛГОЙ 2018-09-19 103.212.118.171

АМЕРИКААС АХИУХАН МӨНГӨ АВААД ТАВАНТОЛГОЙГОО ЯАРАЛТАЙ ХӨДӨЛГӨХ ТУХАЙ ЯРЬВАЛ ОРОСУУД ЖИНХЭНЭ БООЖ ҮХНЭ.

Avatar

Zochin 2018-09-19 66.181.166.196

Orosiin zeeliig avch herhevch bolohgui. Hariud in neftiin uidveriig zogsoo geh bh.

Avatar

Зочин 2018-09-19 202.70.47.136

манайхан хэзээ энэ гуйлгачин сэтгэлгээнээсээ салнаа. Гарчиг нь хүртэл балай.

Avatar

po 2018-09-19 64.119.20.176

oyu tolgoig har lda kcanad amerik irish niilsen luiwarchid yaj bnda

Avatar

po 2018-09-19 64.119.20.176

amerikaar yadiin oros n deer

Avatar

Зочин 2018-09-19 202.21.124.129

Заавал ингэж сөргөлдүүлж тавих хэрэггүйгээр барахгүй асуудлыг босгож байгаагаараа маш хортой. Аль ч улс ганц оронтой харьцдаггүй. ОХУ-ын 100 тэрбумыг бага гэж үзэж болохгүй, харин ч монголоор хийн хоолой дамжуулах бол олон зуун сая доллараас хавьгүй илүү том асуудал. СЭМ АВГЫН УЛС ТӨРИЙН ӨНГӨТЭЙ ӨГӨӨЖ ХААЯА Л ИРНЭ, ХАРИН ОХУ БОЛ БИДНИЙ МӨНХИЙН ХӨРШ, МОНГОЛЧУУД МАШ ИХ ЗҮЙЛИЙГ ОРОСООС БЭЛГЭНД АВСНАА БҮҮ МАРТ.

Avatar

ner 2018-09-19 182.160.35.7

Болор дуран – аар шалгав.

Avatar

Галдан 2018-09-19 64.119.24.245

АНУ ын 350 сая бол буцалтгүй тусламж буюу бэлэг. Оросынх бол зээл дараа нь төлнө

Avatar

Зундуй 2018-09-19 124.158.79.141

Битгий балай юм бичээд бай Оросын 100 тэрбум рублийг эрчим хүчний салбарт оруулна.

Avatar

Ovgon 2018-09-19 66.181.190.171

orosiin havhand hataj uhehiig husee yu chi

Avatar

Зочин 2018-09-19 139.5.216.251

битгий хуцаад байгаач ллараа

Avatar

Оюунсүх 2018-09-19 150.129.140.231

Манай сэтгүүлчид нэртэй (хуучнаар бол сонины сурвалжлагч нар) хөнгөлттэй зээл, буцалтгүй тусламж хоёрыг ялгаэхгүй тэнэгтээд хэдэн жил болох гнснн юм бол. Оросын 100 тэрбум бол зээл, Америкийн 350,0 сая доллар бол буцалтгүй тусламж!!!!!!!!!!!

Avatar

Зочин 2018-09-19 202.126.89.232

Энэ хүүхэн дандаа захиалгаар мөнгөөр юм бичиж байх юм. Улс оронд ямар их хохирол учруулж байгаагаа ч мэдэхгзй сонин авгай

Avatar

Зочин 2018-09-19 202.21.113.66

Оргилмаа гэж хүүхэн валютын ханшаа хэзээ ч ялгаж байгаагүй… Ам.доллар хонгконг доллараа солино хутгана. Одоо доллар рбулиэ хутгаад балалж байна даа. Ийм хагас солиото авгай нар нэг их политик ярих гээд дайрах юм.

Avatar

Зочин 2018-09-19 202.131.242.254

Америк манай төмөр замыг хос замтай болгож өгье гэсэн. Төмөр замын дарга нар үгүй ээ гэж хэлээд оронд нь оросоос зээл авч түүгээрээ актлагдсан хуучин вагонууд авсан. Хос төмөр замтай болох нь хэрэгтэй байсан уу актлагдсан хуучин вагон шахуулах нь хэрэгтэй байсан уу энэ улс оронд. Эх оронд бол хос төмөр зам хэрэгтэй байсан. Эх орноо боддоггүй дарга нарт хуучин вагоны шахаа хэрэгтэй байсан. Ялгаа ийм л байна даа. Ацнууд.

Avatar

Зочин 2018-09-19 66.181.171.34

100 доллар юм уу, 100 тэрбум рубль юм уу.

Avatar

Qqqq 2018-09-19 139.5.216.207

OROSUUD ERCHIM HUCHNII ASUUDLAAR HEZEE CH NAASHTAI HANDAHGUI…TIIM L YUM BOL EGIIN GOLIIG ZUVSHUUR GEED HELEHED TAG BOLNO

Avatar

Irgen 2018-09-19 43.243.161.23

Holduu Hurelsuh uchraa medehgui baahan zeel avch baij Mongoliig min gazar nutagtai ni tushaachaad irev dee. Unegui hool zovhon havhand bdag shuu holduu min

Avatar

Ovgon 2018-09-19 66.181.190.171

Umhii orosuudiin havh mongoliig suiruulj bna

Avatar

Зочин 2018-09-19 59.153.112.113

Манайх ТЭЦ- уудээ засах гэж оросоос 100 тэрбум гуйсан юм уу? Эсвэл авахгуй гээд байхад нь орос шахсан юм уу. Харин орос туслах болохоор АНУ сандарч сайн ах болох гэдэг болохоос АНУ огох гэхээр орос тусалдаг мэт тэнэг ойлголттой ийм зуйл бичихээ боль доо. Боловсор, унш, судал ядаж хэл сурсан бол бурэн гартаа оруул

Avatar

Зочин 2018-09-19 202.21.106.160

Хаха

Avatar

Зочин 2018-09-19 202.131.242.254

Үгүй шүү дээ. Мянганы сорилын Сангаас Монголын төмөр замыг хос болгоё гээд 350 сая доллар зээлсэн чинь Оросууд хаалт хийж, бид зээлнэ гээд зээлэндээ баахан актлагдсан хог вагон шахсан.

Avatar

Зочин 2018-09-19 119.40.98.10

АНУ-ын 350 саяаар олон юм бодолгүй шууд усныхаа асуудлыг шийд… орсоос бүү мөнгө ав…

Avatar

Алдааг олж харлаа 2018-09-19 66.181.160.125

Энэхуу нийтлэл бичиж байгаа нохор бичсэн зуйлээ эргэн нягтлан хянаж болдоггуй юм байх даа. Хэдэн тоогоо ч зов бичиж чадахгуй хумуусийг тоорогдуулээд байх юм. 100 тэрбум рубль гэж байсанаа 100 ,сая ам доллао ч гэх чиг.Бичиг усэгээ зов тайлж, боловсролтой байж узээч сэтгуулч ухаантай юмнууд.

Avatar

Зочин 2018-09-19 66.181.161.25

зссс

Avatar

350 сая долларыг авсан дээр 2018-09-19 66.181.184.61

хоригт орсон оросууд мөнгө муутай байхад 100 тэрбум рубль өгч харагдаач

Avatar

хахаха 2018-09-19 202.9.40.65

хөөе, мундаг сэтгүүлч ээ. Монгол хэлэнд Сэм, сэмхэн гэдэг үг байдаг учраас Сем гэж бичнэ хө, Тэр Нараа авгайтайгаа ярьж байж гарга л даа.

Avatar

MC 2018-09-19 202.131.229.146

Тэр үеийг санаж байна, Оросын Төмөр Замын дарга "Үнэгүй бяслаг хулаганы хавханд л байдаг" гэж хэлсэн. Харин догуур нь шахаа хийгээд өнгөрч дээ хөөрхий. УБТЗ өртөг хямд үед 2 эгнээ замтай болох боломжийг алдсан түүх энэ бөлгөө.

Avatar

Зочин 2018-09-19 66.181.186.93

новшнууд улс тонож гударсаны хорыг ард тvмэн vvрсээр залхлаа…зээлсэнээ гудраад байлгvй улсдаа юм болгосон бол одоо бид зээл авах шаардлагагvй замдаа орчихоор байлаа.зээл бол ер нь тэр улсын атганд орж байгаа л хэлбэр.

Avatar

Зочин 2018-09-19 139.5.216.218

оросын зээл ондор хуутэй байнаа БОЛЬЕО

Avatar

Зочин 2018-09-19 139.5.216.218

оросын зээл 10 % – ын хуутэй зээл. Энэ маш ондор хуу . тэгээд ч УБТЗ-ЫН хажуугаар станц яриад байгаа эрчим хучний салбар энэ зээлийн хууг даахгуй шуу ЖЕНКО ГУАЙ

Avatar

Зочин 2018-09-19 202.179.30.194

хүний юмыг авах яахав, авсны эцэст төлдөг төлсний эцэст үхтэг жамтай юм гэж ард аюуш дээр улиастай сайдын аав хэлдэг шүү. Өр л бол өр шүү. Өрийн тааз ДНБ 80 хувьд хүрлээ яана даа энэ улсын тусгаар тогтнол.

NewsMN Гар утасны хувилбар Татах
NEWS.mn

Мэдээллийн эх сурвалж