Тэврэлт энхийн гэрээ байгуулах эхлэл үү?

Хоёр Солонгосын удирдагчид өнөөдөр /2018.09.18/ Хойд Солонгосын нийслэл Пеньян хотноо уулзаж байна. Уулзалтыг олон улсын 2700 сэтгүүлч Сөүл хотод байрлах хэвлэл мэдээллийн төвөөс дэлхий нийтэд цацаж байна.

Уулзалтын үеэр болсон чухал үйл явдал нь ерөнхийлөгч Мүн Жэ Ин болон удирдагч Ким Жон Ун хоёрын тэврэлт юм.

“Онгоцны буудалд дээр болсон тэврэлт надад эерэг мэдрэмж төрүүлсэн. Энэ бол хоёр Солонгосын харилцаа сайжирч буйн илрэл гэж бодож байна” хэмээн Герман улсын сэтгүүлч Катарина Грача Петерс санал бодлоо хуваалцжээ.

“Хоёр Солонгосын уулзалт дэлхийн анхаарлыг татаж байна. Энэ үйл явдал цаашдын хамтын ажиллагаа болон энхийн гэрээ байгуулахад эерэг итгэл найдварын эхлэл мөн. Магадгүй хамгийн бэрх даваа бол Мүн ерөнхийлөгч Трамп болон удирдагч Ким нарын хооронд холбоо тогтоох үүргээ хэрхэн сайн гүйцэтгэх эсэхээс үр дүн шалтгаална” гэж Америкийн дуу хоолой агентлагийн сэтгүүлч Стивен Миллер дурджээ.

Уулзалтын эргэн тойронд болсон үйл явдлыг фото зургуудын хамтаар уншигч та бүхэнд толилуулъя.