“Эв нэгдэл ДУАТЛОН” УАШТ бямба гаригт болно | News.MN

“Эв нэгдэл ДУАТЛОН” УАШТ бямба гаригт болно

Хуучирсан мэдээ: 2018.09.18-нд нийтлэгдсэн

“Эв нэгдэл ДУАТЛОН” УАШТ бямба гаригт болно

Триатлоны спортын нэгэн төрөл болох Дуатлоны улсын аварга шалгаруулах тэмцээн энэ сарын 22-ны бямба гаригт Улаанбаатар хотод болно. “Гүйлт дугуй гүйлт”-ийн төрлийг нэгтгэсэн Дуатлоны тэмцээнийг Ironman club, Монголын Триатлоны холбоо болон Нийгмийн ардчилал Монголын залуучуудын холбоо хамтран зохион байгуулахаар бэлтгэлээ хангаж байна.

Энэ удаагийн улсын аварга шалгаруулах тэмцээний гол зорилго нь Триатлон, Дуатлоны спортыг олон нийтэд сурталчлах, тамирчдын ур, чадварыг нэмэгдүүлэх, Триатлон, Акуатлон болон Дуатлоны спортоор хичээллэх тамирчдыг сонгон шалгаруулах, нийслэлийн залуучуудын цагийг зөв боловсон өнгөрүүлэх, спорт амралтыг дэлгэрүүлэхэд чиглэгджээ. Дуатлоны спортын төрлөөр Монгол Улсад анх 2007 онд улсын аварга шалгаруулах тэмцээн зохион байгуулж байсан бөгөөд сүүлийн жилүүдэд хүүхэд залуус энэ спортыг их сонирхож, хичээллэх болжээ.

Триатлоны улсын аварга шалгаруулах тэмцээнд оролцогчдын тоо жил бүр нэмэгдэж, 2018 оны тэмцээнд 300 гаруй тамирчин, хүүхэд залуучууд оролцсон байна.

Монгол Улсад шинэ тутам хөгжиж байгаа Триатлоны спортоор хичээллэх тамирчдын тоо жилээс жилд өсөн нэмэгдэж байгаа. Триатлоны спорт нь 2000 оноос эхлэн Олимпийн хөтөлбөрт, 2006 оноос Азийн наадмын хөтөлбөрт багтсан бөгөөд үүнээс хойш хүрээгээ тэлж, Триатлоны спортын багийн буухиа төрөл дээрх наадмуудад багтжээ.

“Эв нэгдэл ДУАТЛОН” УАШТ-ий ангилал

д/дАнгилалХүйсНасГүйлтДугуйГүйлт
1Элит /Elite/эр18-аас дээш5 км20 км2.5 км
эм
2Өсвөр үе /Junior/эр18-аас доош2.5 км10 км2.5 км
эм
3Сонирхогч /Age Group/эр, эм18-24 нас5 км20 км2.5 км
25-34 нас
35-44 нас
45-аас дээш
4Сонирхогч-спринт /Age Group/эр, эм18-24 нас2.5 км10 км2.5 км
25-34 нас
35-44 нас
45-аас дээш
5Мини дуатлонэр9-11 нас1 км2.5 км 0.5 км
эм
6Мини дуатлонэр12-14 нас1 км5 км0.5 км
эм
7Багийн буухиа2 хүн15-аас дээш5 км20 км2.5 км

Улсын аварга шалгаруулах тэмцээний тухай дэлгэрэнгүй мэдээллийг доорх утас, хаягаар авч болно. Мөн энд дарж, арга хэмжээнд нэгдэх боломжтой.

    Холбоо барих утас: 80009911, 99031927

            E-mail: info@triathlon.mn

            Facebook page: Ironman club of Mongolia

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж