3,410.72
Замын түгжрэлийг бууруулах зорилгоор хотын төв орчмын замын хөдөлгөөнд өөрчлөлт оруулжээ.
Өчигдрөөс /2018.09.17/ 1 дүгээр сургуулийн уулзвараас хойш Цэцэг төв рүү эргэх хөдөлгөөнийг хориглож, хойноос урагш чиглэлд нэг чигийн хөдөлгөөнтэй болгожээ.
Есдүгээр сарын 13-наас ОХУ-ын Элчин сайдын яамны баруун талын авто замыг сөрөг хөдөлгөөнтэй болгож өөрчлөлт хийсэн байна.
ЦУВРАЛ 1: ЗАМЫН ХӨДӨЛГӨӨН ЗОХИОН БАЙГУУЛАЛТАНД ОРЖ БАЙГАА ӨӨРЧЛӨЛТҮҮДЭЭС ТАНИЛЦУУЛЖ БАЙНА. #1_дүгээр сургуулийн уулзвараас хойш #Цэцэг_төв рүү эргэх хөдөлгөөнийг #хориглож, хойноос урагш чиглэлд #1_чигийн хөдөлгөөнтэй болгох ажил хийгдэж байна. Түүнчлэн ОХУ-ын #Элчин_сайдын яамны баруун талын авто замыг #сөрөг_хөдөлгөөнтэй болгож өөрчлөлт хийж байна.
Posted by Замын Цагдаагийн Алба on Tuesday, September 11, 2018
Хүүхдийн ордны баруун хойд уулзвараар урагш буюу зүүн гар тийш эргэх нөхцөлийг бүрдүүлж, гэрлэн дохионы тохируулга туршилтын ажлыг хийж байна.
Ингэснээр иргэд ГХЯ-ын уулзвараар Олимпын гудамж руу эргэж Шангри-Ла төвийн уулзвараар баруун эргээд Гэндэнгийн гудамжаар зорчиж, Хүүхдийн ордны уулзвараар Энхтайвангийн гүүр рүү эргэх боломжтой болох аж.
ЦУВРАЛ 2: ХҮҮХДИЙН ОРДОНЫ БАРУУН ХОЙД УУЛЗВАРААР #ЗҮҮН_ЭРГЭХ БОЛОМЖТОЙ БОЛНО#ГХЯ-ны #уулзвараас #Төв_шуудангийн уулзварын хооронд хойд урсгалдаа 140 суудлын автомашин багтаж зүүн гар тийш 3 эгнээгээр Чингисийн өргөн чөлөө рүү эргэдэг. Энэ хөдөлгөөн Төв номын сангийн баруун урд талын явган зорчигчийн гэрлэн дохион дээр саатаж, Энхтайваны өргөн чөлөө Зүүнээс баруун, баруунаас зүүн тийшээ шулуун явах хөдөлгөөнд саад учруулдаг. Дээрх ачааллыг бууруулах зорилгоор #Хүүхдийн_ордны баруун уулзварт түр гэрлэн дохио байрлуулж #зүүн_тийш эргэх буюу Энхтайвны гүүр рүү эргэх нөхцлийг бүрдүүлж ажиллаж байна. Өөрөөр хэлбэл зурагт үзүүлснээр иргэд Хүүхдийн ордны баруун хойд уулзвараар урагш буюу зүүн гар тийн эргэх нөхцлийг бүрдүүлж байна. Ингэснээр иргэд ГХЯ-ын уулзвараар Олимпийн гудамж руу эргэж Шангри-Ла төвийн уулзвараар баруун эргээд Гэндэнгийн гудамжаар зорчиж, Хүүхдийн ордны уулзвараар Энхтайвны гүүр рүү эргэх боломжтой. Цаашлаад Багшийн дээдээс Яаралтай түргэн тусламжийн төв буюу 103 руу зүүн эргэх нөхцлийг бүрдүүлэх юм.
Posted by Замын Цагдаагийн Алба on Tuesday, September 11, 2018
Харин Скайтел төвийн хажуугийн автобусны буудлыг Хүүхдийн ордны хойд талд шилжүүлэн байгуулах ажил судалгааны шатанд явж байгаа гэнэ.
Түүнчлэн Богд уулын арын замын баруунаас зүүн чиглэлийн урсгалыг хааж, Яармагийн гүүр рүү нэвтрэх хэсгийн нэгдүгээр эгнээг нарийсган гүүрний бүтээн байгуулалтын ажил хийж байгаатай холбоотойгоор Яармагийн зам баруунаасаа зүүн чиглэлд тогтмол ачаалалтай байгааг Замын цагдаагийн албанаас мэдээллээ.
