ЗГХЭГ-ын дарга ӨМӨЗО-д айлчилж байна | News.MN

ЗГХЭГ-ын дарга ӨМӨЗО-д айлчилж байна

ЗГХЭГ-ын дарга ӨМӨЗО-д айлчилж байна

ЗГХЭГ-ын дарга ӨМӨЗО-д айлчилж байна

Монгол Улсын сайд, ЗГХЭГ-ын дарга Г.Занданшатар БНХАУ-ын ӨМӨЗО-нд айлчилж байна.

Энэхүү айлчлал нь Монгол Хятадын худалдааны хэмжээг 2020 онд 10 тэрбум ам.долларт хүргэх зорилтыг хэрэгжүүлэхэд голлох үүрэг гүйцэтгэх ӨМӨЗО-той хийх худалдааны хэмжээг нэмэгдүүлэх, хоёр улсын хилийн боомтуудын дэд бүтцийг сайжруулж хөгжүүлэх, хил, боомтын хамтын ажиллагааг идэвхжүүлэх, оршиж буй бэрхшээл хүндрэлийг арилгах, мал, мах экспортлох нөхцөлийг бүрдүүлэх, хөдөө аж ахуйн бүтээгдэхүүний экспортыг нэмэгдүүлэх зорилготой юм.

ЗГХЭГ-ын дарга ӨМӨЗО-ы Баян хотод ажиллах үерээ ӨМӨЗО-ы Засгийн газрын Гадаад хэрэг эрхлэх газрын дэд дарга Жи Чиантай уулзлаа. Уулзалтынхаа эхэнд Сэхэ боомтын дэд бүтэц, үйл ажиллагаа өргөжиж, байгаад талархал илэрхийлээд тус боомтод ажиллах үеэрээ боомтоор нэвтрэх тээврийн хэрэгслийн тоог нэмэгдүүлэхээр тохиролцсон гэдгээ тэмдэглэлээ.

ӨМӨЗО-ы хөрөнгө оруулалтыг улам бүр нэмэгдүүлэх, чингэхдээ ганц уул уурхайн биш, тухайлбал, хүнс, хөдөө аж ахуй, хүнд, хөнгөн үйлдвэрлэл, аялал жуулчлал зэрэг салбарт хөрөнгө оруулалт илүү татах, байгаль орчинд ээлтэй, эрчим хүч хэмнэх дэвшилтэд технологи, инновацийг нэвтрүүлэх талаар санал солилцлоо.

Монголын баруун бүсээс мах экспортлох, мөн экспортын бараа бүтээгдэхүүний гол гарц болох Замын-Үүд-Эрээн, Гашуунсухайт-Ганцмод, Шивээхүрэн-Сэхээ зэрэг боомтуудын хүчин чадлыг нэмэгдүүлэх, өргөтгөх асуудлаар ярилцлаа.

Монгол Улсын сайд, Засгийн газрын Хэрэг эрхлэх газрын дарга Г.Занданшатар энэ сарын 17-19-нд ӨМӨЗО-ы Хөх хотод ажиллаж албаны хүмүүстэй уулзаж, дээрх асуудлаар ярилцана. Мөн сүүний үйлдвэр, малын эмийн үйлдвэр, олон улсын монгол эмнэлгийн үйл ажиллагаатай танилцана гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ. 

"Болор дуран"-аар шалгав.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-09-17 202.179.26.234

ЭНЭ ТОРИЙНХОН БУГД ДАРААЛЛАН НЭГ НЭГЭЭРЭЭ УРАГШ ГУЙЦГЭЭХ ЮМ. ХУВЬДАА БИЗНЕС ХАЙЖ ЯВДАГ ЮМ УУ ЯАДАГ ЮМ. ТООЖ УУЛЗАХ ХУН Ч УГУЙ БОЛЖЭЭ ХООРХИЙСИЙГ.

Avatar

Зочин 2018-09-17 202.179.25.29

Яагаад гэвэл тэд зах зээлд илүү ойрхон олон жил ажиллаж амьдарч ирсэн бид суралцаж байна. Ар Монголыг хольж хутгах шаардлага байгаа юмуу? Бидний тухай муугаар мэдэхээс биш сайнаар сав ойлгохгүй байна.

Avatar

зочин 2018-09-17 202.179.25.29

Дээл нь ямар мангар юм бэ? Манайх Хятад улсын Монголоос юугаараа ялгарч байна. Дээлний өнгө эмжээр 2 ёстой муухай байна огт таалагдахгү байна.

Avatar

ловор 2018-09-17 66.181.161.109

Өвөр монголын засгийн газрын хэрэг эрхлэх газрын дэдтэй л уулзаж чадсан байна.Эрээн хотын дарга манай улсын ерөнхий сайдтай уулзалт хийдэг шүү..

Avatar

зочин 2018-09-17 202.179.25.56

битгий л энд тэндгүй боомт нээж улс орныг минь шүүрэн шанага шиг болгочихоорой доо байгаа боомтынхоо хяналтыг сайжруул хэн дуртай нь өнгөтэй өөдтэйг ачаад гардаг байж болохгүй ,\nих л ухаан зарж наадуулынхаа бодлогыг гүйцэж сэтгэ, експортлох чинь сайн ч яагаад нутаг орон заагаад байна аа

NewsMN Гар утасны хувилбар Татах
NEWS.mn

Мэдээллийн эх сурвалж