13 настай охин амиа алдсан "Очир" төв нэрээ "Элит" болгожээ | News.MN

13 настай охин амиа алдсан "Очир" төв нэрээ "Элит" болгожээ

Хуучирсан мэдээ: 2018.09.17-нд нийтлэгдсэн

13 настай охин амиа алдсан "Очир" төв нэрээ "Элит" болгожээ

13 настай охин амиа алдсан "Очир" төв нэрээ "Элит" болгожээ

Одоогоос жил гаруйн өмнө 13 настай охин "Очир" төв хэмээн зочид буудалд бусдын гарт хэрцгийгээр амиа алдсан харамсалтай хэрэг гарсан. Хэрэг гарснаас хойш "Очир" төв ажиллаасаар. Тэд бүр үйл ажиллагаагаа өргөжүүлж, баар, цэнгээний газартай болжээ. Хэн бүхний санаанд багтамгүй хэрэг гарсан энэ газрын үйл ажиллагааг зогсоох ёстой хэмээн олон нийтийн зүгээс хүссэн. Монгол Улсын Ерөнхийлөгч ч энэ асуудалд анхаарч, "Очир" төвийг хаах ёстой хэмээн байр сууриа илэрхийлж байсан удаатай. Тэрбээр,  13 настай охин бусдад хүчиндүүлж амиа алдахад орчин нөхцөлийг бүрдүүлсэн гэх “Очир” төвийн үйл ажиллагааг хаах ёстой хэмээн үзсэн байна. Мөн хүчирхийлэл бусармаг явдлын үүр уурхай болсон эл буудлын үйл ажиллагааг зогсоож, гарсан зөрчлийг арилгах, арга хэмжээ авах, тодорхой бодлого боловсруулах хүрээнд нэг сарын хугацаа өгчээ.

Гэвч тус буудлын үйл ажиллагаа зогсоогүй хэвийн явагдаж байгаа гэх мэдээллийн дагуу биднийг очиход буудлын хаалга онгорхой, эхний давхарт нь караоке, хоёрдугаар давхарт нь буудал ажиллаж байв.

"ОЧИР ТӨВ" НЭРЭЭ ӨӨРЧИЛЖ "ЭЛИТ" БОЛГОЖЭЭ

Бид үйлчлүүлэхээр явж буй иргэний үүднээс тус буудал руу орлоо. Шатаар дээшээ гарвал “Элит төв” гэсэн бичиг өлгөөтэй байх аж. Буудлын ажилтан бололтой 30 орчим насны залуугаас өрөөний үнэ хөлс, үйл ажиллагааны талаар хэдэн зүйл тодруулав. Түүнээс “буудал ажиллаж байна уу. Бид нар олуулаа явна” гэхэд ажиллаж байгаа өрөө авах юм уу гэсээр угтав.

-Өрөөний үнэ ханш нь хэд вэ?

-Өдрөөр үйлчлүүлбэл 15 мянга, хоногоор үйлчлүүлбэл орныхоо тооноос шалтгаалж 30-45 мянган төгрөг байгаа.

-Тэгвэл гаднаас архи дарс оруулж ирж болох уу?

-Болно. Гарахдаа архины шилээ цонхоор хаях юм уу эсвэл бид нарт өгөөрэй. Орохдоо мөнгөө төлөөд иргэний үнэмлэхээ ч бас үлдээгээрэй.

-Шөнө унтаж байхад цагдаа нар шалгалтаар ороод ирэх юм биш биз дээ?

-Гайгүй биз дээ зүгээр санаа зоволтгүй унтаж болно гээд бидний яриа өндөрлөлөө.

Бид цааш буудлын өрөөнүүдтэй танилцав. Тус буудал дотроо зургаан өрөөтэй. Нэг ортой гэгдэх 303 дугаартай өрөө рүү ороход дөнгөж саяхан цэвэрлэгээ хийсэн бололтой хлорамины хурц үнэрт хамар цоргино. Эргэн тойрныг ажвал ханын цаас нь энд тэндээ урагдаж, шал нь халцарчээ. Дараагийн өрөөнд орвол дундаа жижигхэн ширээ, хоёр модон ортой. Орны бүтээлэг нь хир даг сууж, тамхины иш цонхны тавцан дээр харагдлаа. Үүгээр ч зогсохгүй биднийг доошоо буухад архи үнэртүүлсэн 30 орчим насны халамцуу залуу, насаар дүү гэмээр бүсгүйг хөтөлсөөр орох нь цаанаа л сэтгэлд сэвтэй.

Мөн доод давхарт нь баар цэнгээний газар, караоке шинээр нээгдэж, өдрийн цагаар үйлчлүүлэгч хомсхон байлаа. Энэ асуудлаар буудлын эзэн гэгдэх эмэгтэйгээс тодруулахад “Нэг хэсэг үйл ажиллагаа нь зогссон. Би хэсэг хугацаанд тус буудлыг түрээсэлсэн. Одоогоор үйл ажиллагаа нь хэвийн явж байгаа. Өөр зүйл мэдэхгүй” гэсэн мэдээллийг өгөв.

“ОЧИР ТӨВ”-ИЙГ  200 МЯНГАН ТӨГРӨГӨӨР ТОРГООД ӨНГӨРЧЭЭ

Эргэн сануулахад талийгаач охины амиа алдах орчин нөхцөлийг бүрдүүлсэн “Очир төв”-ийг зөрчлийн тухай хуулийн дагуу 200 мянган төгрөгөөр торгоод өнгөрчээ. Энэ асуудлаар бид талийгаач охины өмгөөлөгч Р.Булгамаатай холбогдов. Тэрбээр “Бага насны хүүхэд амиа алдах орчин нөхцөлийг бүрдүүлсэн аж ахуй нэгж хуулийн этгээд өнөөдөр хуулийн ямар хариуцлага хүлээх вэ гэдэг хамгийн анхаарал татсан асуудал. Өнөөдөр үйлчилж буй зөрчлийн хуулийн хүрээнд архидан согтуурахтай тэмцэх тухай хуульд 6.5, 11.5-ийн дагуу тухайн хуулийн этгээдэд өөрөөр хэлбэл 21 нас хүрээгүй иргэнд согтууруулах ундаагаар үйлчилсэн гэдэг зүйл заалтын хүрээнд 200 нэгжтэй тэнцэх хэмжээний төгрөгөөр торгосон. Өмгөөлөгчдийн зүгээс бага насны хүүхдийг амь насыг нь аюултай нөхцөлд амиа алдах нөхцөлийг бүрдүүлж тусламж үзүүлээгүй гэдэг үндэслэлээр эрүүгийн хариуцлага хүлээлгэх ёстой гэж үзсэн. Давж заалдах шатны шүүхээс "Очир" төвийг иргэний хариуцагчаар татъя гэдэг” шийдвэр гаргасан гэсэн мэдээллийг өгөв.

Гэсэн ч өнөөдрийг хүртэл амиа алдсан охины хэрэг эцэслэн шийдэгдээгүй олны анхаарлын төвд байгаа юм. 13 настай охины хэргийг шүүх хурал 2018 оны зургадугаар сарын 29-ны өдөр Баянзүрх дүүргийн Эрүүгийн хэргийн анхан шатны шүүхэд болсон.

Шүүхээс Баянзүрх дүүргийн Эрүүгийн хэргийн анхан шатны шүүх Эрүүгийн хэрэг хянан шийдвэрлэх тухай хуулийн 33.3 дугаар зүйлийн 1.2-д “шүүх хуралдаанаар нөхөн гүйцэтгэх боломжгүй мөрдөн шалгах ажиллагааг хийлгэх” гэх үндэслэлээр Д.Жавхлан, М.Амарболд нарт холбогдох эрүүгийн хэргийг мөрдөн шалган ажиллагаа хийлгэхээр прокурорт буцаасан байдаг. Өмгөөлөгчийн мэдээлснээр эл хэргийн шүүх хуралдаан ирэх аравдугаар сарын дундуур болох төлөвтэй байгаа аж.

Э.АРИУН

Холбоотой мэдээ

22 сэтгэгдэл

News.mn сайтад сэтгэгдэл оруулахад анхаарах зүйлс

Avatar

;tlutjbgg 2018-09-17 66.181.168.220

Дэлгэрмаа гэдэг Говь алтайгийн залилангийн авгай ажиллулж байгаа штээ

Avatar

ц 2018-09-17 64.119.17.140

тэнэг нийтлэл байна энэ байшингийн буруу юу байна эзэд нь ч ямар буруутай юм бээ хариуцлагаүй хогиийн алуурчинаас бүгд ялллагдах юм уу хэрэв хүнсний дэлгүүртт хүмүүс муудалцаад янз бүрийн юм болвол дэлгүүрийг хаах уу одоогийн хүмүүсийн ѳшѳѳ хорсол ямар сонин болж байнаа эсвэл алдарт луйврарчин улс тѳрчидийн хэргийг ѳѳр зүгт хандуулж ийм балай юм бичдэг

Avatar

Ta narin 2016 oni songolt kkk 2018-09-17 103.57.92.14

Tamba ochir tamdaa yavah bizee ur huuhduud ni gadaadad ayulgui gazar amidardag biz, uursduu erhiinhee tuluu tsemtsej erhee olj avahgui bol hen bidnii umnuus erh olj uguh bee dee

Avatar

Та андуураад байна 2018-09-17 202.21.126.30

Наадах чинь Очир гэдэг нэртэй үйлчилгээ худалдааны төв. Цэцэг төв, Чандмань төв гэдэг шиг Очир гэдэг нь энэ худалдаа үйлчилгээний газрын нэр нь. Энэ төв чинь Дамба-Очирт ямар ч хамаагүй, өөр хүний өмч. Харин "Очир төв" ХХК гэдэг чинь энэнээс өөр, дэд бүтцийн чиглэлийн компани. Учрыг нь олоогүй байж хүн рүү дайрч давшлахаа боль.

Avatar

Зочин 2018-09-17 202.70.42.102

Mongoliin huuli 3 honog 🙁

Avatar

Зочин 2018-09-17 64.119.17.54

G хороолын элит клуб хахахахаха

Avatar

ЗОЧИН 2018-09-17 202.126.89.14

Хууль үйлчилдэг үүүүүүү!!!!!!!!

Avatar

ЗОЧИН 2018-09-17 202.126.89.43

?????????????!!!!!!

Avatar

ЗОЧИН 2018-09-17 202.126.89.43

Буудалыг дуудлагаар заруулаад хохирогчын ар гэрт үнийг ньөгвөл дээр шүү

Avatar

tsonh haga s*** 2018-09-17 60.104.114.248

ochood tsonhnuudin haga shaachaach

Avatar

Зочин 2018-09-17 66.181.161.22

УИХ ын гишүүний газар мөн юм уу,мөн бол юун жижиг бизнэс эрхэлдэг юм бэ.

Avatar

ll 2018-09-17 103.10.21.21

bish mal min.. enchin zugeer neg jijken karoke buudal bgazdee

Avatar

зочин 2018-09-17 202.179.31.242

ТАМ-ОЧИР уих-ын гишүүнээр байсан цагт энэ Очир төв цэцэглэн хөгжих нь тодорхой.

Avatar

зочин 2018-09-17 66.181.161.75

мэдээ бичээчээ. ийм юм бичдэг сайт байдиймуу

Avatar

зочин 2018-09-17 66.181.160.79

энэ цэнгээний газарт чинь орой бүхэн зодоон цохион болж хайран сайхан залуучууд биесээ бэртээж, гэмтээж, хэрэг төвөгт түлхэж байна. дэргэд нь амьдардаг хүний хувьд хэлэхэд. ер нь бол баар цэнгээний газрын цагийг уртасгахаас илүүтэй урлаг спортоор хичээллэх, худалдаа үйлчилгээ эрхэлдэг шөнийн гудамжтай болох хэрэгтэй байнаа. шөнийн амьдрал нь архидалт болчихоод байна шүү дээ монголд

Avatar

Асуулт 2018-09-17 66.181.161.16

Энэ газар яг хэдэн тоот аль өрөөнд нь энэ хэрэг болсон бэ. Мэдэх хэрэгтэй байнаа

Avatar

irgen 2018-09-17 202.170.71.154

Mongold amid yavah batalgaa alga, bidnii huuhed amid yavah batalgaa alga, irged negdej temtseh heregtei bn. Daraa ni henii ch huuhed ami nasaa aldaa bilee

Avatar

Иргэн 2018-09-17 202.131.226.117

Э. АРИУНАА аа өөр юм бич хүмүүсийн амьдрал ахуйд хэрэгтэй юм бичээ за Арай л арга ядсан нийтлэлэл байна. Хүн амьдрахын тулд ажил бизнесээ өргөжүүлнэ ш дээ, Хуулийн дагуу юмаа хийх л хэрэгтэй ш дээ, Цаана нь бас хүмүүс цалин аваад ажил амьдралаа залгуулж байгаа хө

Avatar

Зочин 2018-09-17 202.131.228.10

тэнд ажиллаж байгаа хүмүүсийг биш ажиллуулж байгаа эздийг нь ярьж байна. Ийм хэрэг гарчихаад байхад ажлын байр бий болгож байгаа гээд ажиллуулаад байх нь зөв юм уу?

Avatar

иргэн 2018-09-17 122.201.31.137

ТӨР ЗАСГААС САЙН ЮМ ХҮЛЭЭГЭЭД НЭМЭРГҮЙ БОЛЖЭЭ

Avatar

иргэн 2018-09-17 122.201.31.137

ТӨР ЗАСГААС САЙН ЮМ ХҮЛЭЭГЭЭД НЭМЭРГҮЙ БОЛЖЭЭ

Avatar

Зочин 2018-09-17 66.181.161.122

ene biznesiin baiguulagaas yum salgah geed ih uzrj bnaa

NewsMN Гар утасны хувилбар Татах
NEWS.mn

Мэдээллийн эх сурвалж