Цалин нэмлээ, чанар нэхье | News.MN

Цалин нэмлээ, чанар нэхье

Цалин нэмлээ, чанар нэхье

Цалин нэмлээ, чанар нэхье

Өнгөрсөн хавраас хойш цалингаа нэмүүлэх гэсэн багш нар тэмцлээ хичээлийн шинэ жил эхлэнгүүт улам хүчтэй өрнүүлж тэд 10 өдөр цалингаараа хүүхэд барьцаалав. Багш нарын цалингийн нэмэгдлийг бодлогын хүрээнд шийдэж, ажил хаялтыг зогсоох зорилгоор Хөдөлмөр, нийгмийн хамгааллын яам, Сангийн яам, БСШУС-ын яам, МБШУ-ы үйлдвэрчний эвлэлийн холбоод хамтарсан ажлын хэсэг байгуулагдаж, тэд хамтарсан шийдвэр хэлэлцээрт хүрснээр багш нарын ажил хаялт албан ёсоор өнгөрсөн баасан гаригт зогсов. Багш нарын цалинг 20-иос доошгүй хувиар 2019 онд багтаан нэмэх тохиролцоонд хүрснээр өнөөдрөөс сурагчдын хичээл хэвийн орж эхэллээ. Тодруулбал, 2019 оны нэгдүгээр сарын 1-ний өдрөөс эхлээд ажлын ачааллыг үнэлэх үнэлгээний системтэй болно. Нормоос давсан хүүхдийн тоогоор багш нарын цалинг нэмэхээр болж байгаа юм.

Монгол Улс 2017 оноос эхлэн ОУВС-гийн “Өргөтгөсөн санхүүжилтийн хөтөлбөр”-т хамрагдах болж, төрийн албан хаагчдынхаа цалин тэтгэмжийг Засгийн газар дур мэдэн нэмэх боломжгүй болсон. Засгийн газраас 2018 оны наймдугаар сарын 22-ны өдөр гурван талт хэлэлцээрийг зөрчиж, хүч түрэн салбаруудын цалинг ялгаатай нэмэх болсон. Тухайлбал, төрийн албан хаагчид болон эрүүл мэндийн салбарынхны цалин хөлсийг 8-30 хүртэл хувиар, Соёл урлагийн салбарынхны цалинг 8-27 хувиар нэмэгдүүлж, БСШУ-ны салбарын цалинг 8-12,3 хувиар нэмэх шийдвэр гарсан.

Үүнийг Монголын боловсрол шинжлэх ухааны үйлдвэрчний эвлэлийн холбооноос эсэргүүцэж хугацаагүй ажил хаялтыг зохион байгуулж эцэст нь тэд 20-иос доошгүй хувиар цалингаа нэмүүлэх тохиролцоонд хүрч чадав. Цалин нэмэх асуудлыг эдийн засгийн өндөр өсөлттэй үед ярих нь зохистой. Гэтэл багш нарын хатуу шаардаад байгаачлан цалинг 50 хувиар нэмэгдүүлэхэд эдийн засгийн нөхцөл бүрдээгүй гэдгийг тэд ойлгохгүй байгаа нь харамсалтай. Эдийн засгийн нөхцөл боломж тааруу байгаа ч гэлээ төр энэ удаад тэдний хүсэлтийг хүлээн авлаа. Үнэндээ, багш, эмч нарын цалинг нэмлээ гэхэд дагаад үнийн хөөрөгдөл, инфляцын савалгаа үүснэ. Төр нэг гараараа өгсөн нэмэгдэл нь багшийн нөгөө халааснаас үнийн хөөрөгдөл болоод явна. Эргээд багш нарын цалин үнэгүйднэ, эдийн засаг хямарна.

Хүүхдүүдээ "барьцаалж" хатуу шаардлага тавьж, тэмцэж байгаа багш нарын өөдөөс хатуу шаардлага тавьж, боловсролын чанарын асуудал нэхье. Багш нар дэлхийн хэмжээний цалин шаардаж байгаа бол дэлхийн хэмжээний чанартай боловсон хүчнийг бэлтгэдэг байх хэрэгтэй. Гэвч өнөөдөр манайд боловсролын чанарын асуудал тун тааруу байгааг хүн бүр мэднэ. Багшийн цалинг дагаж чанар, ажлын үр дүн, багшийн чадавхын асуудал сөхөгдөх нь зүйтэй.

Багшийн хөгжлийн тухай хуульд багш бүрийн ажлын гүйцэтгэлийн үнэлгээний систем өөрчлөгдөн, илүү ажиллаж байгаа нь тэр хэрээрээ цалин, урамшууллаа нэмүү авдаг үр дүнгийн болон ажлын гүйцэтгэлийн үнэлгээний системийг бий болгож өгсөн. Түүнчлэн бүрэн дунд боловсролын сургуульд 44-өөс дээш хүүхэдтэй ангид туслах багш ажиллах орон тоог бий болгох, багш нар 5-10 жил ажиллаж байж зэрэг дэв нэмэх зохицуулалттай байсныг уг хуулиар өөрчлөн ажлын өндөр үр дүн гаргах юм болох нэмэх бололцоог бүрдүүлэх зэрэг багш нарт ээлтэй олон заалтыг тусгасан. Энэ мэт багшийн хөдөлмөрийг зөв үнэлэх системийг хуульчиллаа, мөн 20-иос доошгүй хувиар цалинг нь нэмэхээр боллоо, одоо тэднээс сургалтын чанар нэхье.

"Болор дуран"-аар шалгав.

Холбоотой мэдээ

21 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2018-09-17 103.26.195.101

Адууныхаа хэрээр исгэр,хөнжлийнхөө хэрээр чий гэж, төгрөг үйлдвэрлэж багш бүрд 1 сая төгрөгийн цалин өгсөн ч юмны үнэ нэмэгдээд байвал яахав. Цалинг нь нэмээд байхад ажил хаялт зарласан сургуулийн захирал, нөлөө бүхий багш нарыг судлаж байгаад ажлаас нь өөрчлөж тэдний оронд цалингаа чамладаггүй жинхэнэ захирал багш нарыг ажиллуульяа.

Avatar

зочин 2018-09-17 103.26.195.101

Адууныхаа хэрээр исгэр,хөнжлийнхөө хэрээр чий гэж, төгрөг үйлдвэрлэж багш бүрд 1 сая төгрөгийн цалин өгсөн ч юмны үнэ нэмэгдээд байвал яахав. Цалинг нь нэмээд байхад ажил хаялт зарласан сургуулийн захирал, нөлөө бүхий багш нарыг судлаж байгаад ажлаас нь өөрчлөж тэдний оронд цалингаа чамладаггүй жинхэнэ захирал багш нарыг ажиллуульяа.

Avatar

Зочин 2018-09-17 202.5.206.61

Багш нар дэлхийн хэмжээний цалин шаардаж байгаа бол дэлхийн хэмжээний чанартай боловсон хүчнийг бэлтгэдэг байх хэрэгтэй.\nэнэ өгүүлбэр чинь л чамайг ямархуу боловсролгүй сэтгүүлч вэ гэдгийг хэлээд өгч байна.

Avatar

Зочин 2018-09-17 202.5.206.61

Хуцдаг халтар вэ чи. Чи одоо сэтгүүлч юм бол үнэндээ тэнэг байна даа

Avatar

Зочин 2018-09-17 202.21.113.82

Tsalin baga bolood hicheelee muu zaagaad baigaa bish l dee. Ene 2-iig shuud hamaaruulj bolohgui. Bolovsroliin shinechlel gedeg yum chin bodlogo bolovsruuldag humuusees hamaarna mun bagsh beltgedeg togtoltsoo, tsaashilbal uls oron bolovsroliin salbariig herhen chuhalchilj baigaagaas hamaarna shuu dee. Bolovsroliin salbart bodlogo dutaad l baigaa yum. Teriig n bolovsruulah tolgoi bas setgel dutaad baigaa yum.

Avatar

Зочин 2018-09-17 43.242.242.59

Багш нарын цаад зорилго бол засаг төрийг тогтворгүй болгох улс төрийн тоглолт юм. Улс төрчдийн гар хөл болж байгаа багш нарыг ажлаас нь халах хэрэгтэй. Цалин голохгүй ажиллах багш нарыг одооноос авч ажлуул.

Avatar

Иргэн 2018-09-17 202.126.89.236

Сургуулиудаа хүрэлцээтэй болгох хэрэгтэй. Ганц цалин нэмээд үр дүн байхгүй. 30 хүүхэдтэй байх ёстой ангид 50,60уулаа хичээллэхээр ямар ялгаа байна

Avatar

Зочин 2018-09-17 150.129.140.125

Дор хаяж 1 500 000 болгож байж багш нар урамтай ажиллах байх.20% нь ч баталгаа байхгүй байхад юун чанар.

Avatar

Зочин 2018-09-17 202.179.26.234

ЖИЖУУРЭЭСЭЭ ЭХЛЭЭД МЭНДЭЛЖ СУРААСАЙ. УЛСЫН СУРГУУЛЬ Ч СОЕЛ ЕС СУРТАХУУН ХАРЬЦАА НТР ГЭЖ ХЭЦУУ ДЭЭ ХЭЦУУ.

Avatar

Dandar 2018-09-17 202.131.225.150

Balai yum bichihiin. Chanar neheed bgan bol bagsh nartai baritsah hereggui. Ter benzin kolonk shuuh prokuror ntr-ees chanar neheh heregtei. Bagsh nar udurjinguu huuhduudtei tulj ajillaj bj yagad zuulun sandald suuj bdag tednees baga tsalin avah yostoi ve

Avatar

Irgen 2018-09-17 43.243.161.23

Хүрэлсүхийг огцруулаагүй цагт багш нарын цалин нэмэгдэхгүй. Хүрэлсүхь Хүрэлбаатар, Цогзолмаа, Чинзориг нар багш нарыг сайхан хулхидлаа даа хөөрхий.

Avatar

багш 2018-09-17 59.153.85.132

цалин нэмээгүй бай юун чанар нэхээд байгаам бэ. зөвхөн импляцаа арай чүү гүйцэхтэй үгүйтэй шүү дээ.

Avatar

Уншигч 2018-09-17 64.119.19.16

Багш нар өөрсдийнхөө чанарт өөрсдөө дүгнэлт хий. Та нараас Монгол орны ирээдүй харагдаж байна.Боловсролтой нэг иргэн та сургасан бол таны тэр чинь гавьяа чинь болно.Тэрнээс биш энгэртээ зүүсэн олон тэмдэг гавьяа биш ээ. Андуурч байна.тэр тэмдэг, чинь танд хөгжил нэмэхгүй.Харин бэлтгэсэн иргэн чинь төнд болоод нийгэмд хөгжил дэвшил нэмэх юм аа.

Avatar

Уншигч 2018-09-17 64.119.19.16

Манай дунд сургуулийн багш өөрсдийгөө байнга хөгжүүлэх, сургалтанд байнга хамрагдаж байх талаар ажиллах хэрэгтэй.Санаачлага дутаж байна. Одоо хүүхдүүдийнхээ сурах чадварт хүрч тэдэнтэй хамтарч, тэднээс хүсч буйг ойлгож бүх талаар өв тэгш байхыг шаардаж байна.Багш на ын сургалтын арга барил хоцрогдож байна.р Багш нар өөрсдөө гологдож байна.Яамны ажилтнууд юу хийж байна .Хүний боловсролыг дээшлүүлэхэд залуусыг сургахад анхаарлаа хандуулахгүй бол тэд бидэнд хэрэггүй юм.Багш нар өндөр шалгуураар бай

Avatar

эцэг эхийн төлөөлөл 2018-09-17 183.177.106.34

Цааш цаашдаа эдийн засаг сайн байвал нэмэн гэсэн шүү дээ тийм болхоор багш нар минь ажилаа сайн хийгээрэй

Avatar

Зочин 2018-09-17 103.229.122.4

Шинжлэх ухааны хегжлийг боймлож байгаа Шинжлэх ухаан академийг татан буулгах хэрэгтэй.10 гаруй хурээлэн мянга гаруй хун! Терийг 50 хувь цомхотгох боломж бн.

Avatar

Зочин 2018-09-17 66.181.179.33

Зөв Хэдэн дурсөмж ярьсан энэ тэндээс цол худалдаж авсан өвөө нар тэнд байдаг. Залуучуудаа маш гадуурхана

Avatar

Зочин 2018-09-17 150.129.140.103

Ene ulsiin buh salbart system shinjilgee hiij, togtolzoogoo zasahgui bol 1, 2 asuudal, huniig uurchluud yamar ch nemer alga

Avatar

Зочин 2018-09-17 150.129.140.103

Ene ulsiin buh salbart system shinjilgee hiij, togtolzoogoo zasahgui bol 1, 2 asuudal, huniig uurchluud yamar ch nemer alga

Avatar

Irgen 2018-09-17 43.243.161.23

Мангар багш нар амархан хулхидуулах юмдаа. Наадуул чинь нэмэхгүй дээ одоо он гараал бөөн сонгуулийн шоу хоосон амлалтууд эхлэнэ. Тэгээд сонгууль ингээд бүр худлаа болно. Овоо үр дүнтэй тэмцэж байсан юмсан уул нь. Энэ чадваргүй Засгийн газрыг л огцруулах ёстой байсийм уул нь олоо яаая гэхэв.

Avatar

Хулан 2018-09-17 112.72.11.120

Чанар мөн сургуулийн менежер захиралууд мөнгө авч хамран сургах тойргийн бус маш олон хүүхэд оруудагт тухайн сургууль болон ангийн эцэг эхчүүд хяналт тавьж тухайн сургуулийн харъялалын хороотой нь хамтарч ажиллах хэрэгтэй байна. Нэг ангид сурах хүүхдийн тоо ихсэхэд бидний хүүхдүүд эрүүл мэнд, сурах эрхээрээ их хохирч бна.

NewsMN Гар утасны хувилбар Татах
NEWS.mn

Мэдээллийн эх сурвалж