Өнөөдөр Улаанбаатар даяар тог тасарсан ч эрүүл мэндийн байгууллагууд нөөц үүсгүүр ашигласан тул цахилгааны сааталд оролгүй хэвийн ажиллаж байна.  Улсын хэмжээнд үйл ажиллагаа явуулдаг томоохон эмнэлгүүдийн яаралтай тусламж, мэс заслын тасаг гээд цахилгаан саатаж болохгүй бүх тасгууд хэвийн ажиллаж байгаа нь сайшаалтай. Харин дүүргийн нэгдсэн эмнэлгүүд дээр байрлах генератор 8-24 цаг цахилгаанаар хангах хүчин чадалтай бөгөөд шаардлагатай тохиолдолд нэмэлтээр мотор ажиллуулдаг байна.

Т.НОМИН